LOVE – ya – ARRANGED

mai nikhil … VARMA khandaan ka dolauta beta .. matlab mera ek bada bhai hai …

story suru karne se pehle Zara mere aur mari family ke bare me bhi jaan le …

meri age 22 hai .. abhi college me hu … average student hu … padhne likhne ka koi zyada sook nahi hai .. wo to mai ghar walo ka dil rakhne ke liye thoda bahut padh leta hu … waise padhne likhne ke apne kuch alag fayde bhi hai … gyan bandhane ke liye nahi … balki bina mehnat kiye aaram se paise mil jate hai … jo ki coaching Jane ke naam per milte the … ab ghanta kisi ko coaching Jana hota .. un paiso se to apni mooz masti hoti hai … upar se pocket money … kabhi -2 practical ke naam per .. to kabhi book khareedne ke naam per … jitne paise mango bina sawal kiye mil jate hai … paiso ki kabhi koi kami nahi rehti …

college Jane ka ek aur mast fayda hai … wo ye ki ladki taadne aur maal patane ka manyata prapt license hame mil jata hai … jee bhar ke maal taado koi kuch nahi bolta … koi aachi lagi to turant propose maro … agar pati to theek … nahi pati to dusri dekho … college me kami thode hi hai …

baat college ki hai to mai apne dosto se bhi milva du …
mere do dost hai …. RAHUL aur AMAR … mere bachpan ke dost … my chaddhi buddy … bilkul mere jaise …
22 saal age ho gai .. aaj tak koi gf nahi banai … kyuki aisi koi hame mili hi nahi .. jo hamare dil ki ghanti baja sake .. ”
aisa sirf hamara dialog hai … asliyat to ye hai ki jo bhi ladki dikhti usse hame pyar ho jata .. wo bhi saccha wala … per wo hame bhav hi nahi deti …

aisa nahi ki hum dikhne me bure hai .. theek thaak hi hai … Dole – sole nahi hai … kyuki kabhi hum gym nahi gaye … ab bore to dhone nahi hai jo ga** faadu mehnat karke body banau … apna shareer fit n fine hai …
fir bhi koi ladki hame ghaas tak nahi dalti … isliye meri kabhi bhagwaan se nahi banti …
college me meri ek sabse badi dusman hai MEERA … hamari dusmani ke charche puri college me mashoor hai … mere hi class me hai … padhne me aachi hai … teachers ki fev. hai … isiliye hamesha teachers usi ki sunte hai .. galti bhale usi ki ho .. per fadi hamesha meri hi jati hai …

kabhi -2 mera man karta hai ki aatankwadi ban jaau … aur sabse pehli goli usi ko maru …
lekin kuch kar nahi pata .. ab apne haath me thode hi hai aatankwadi banna …

bas gum bhulane ke liye daru ka hi sahara milta hai …

hum teeno dost peete hai … kabhi -2 to country (desi) bhi maar lete hai … wo bhi tab jab paise kam ho …

mere bare me thodi bahut jankari aapko mil gai … aur bhi hai jo dheere -2 khule rahenge …

ab chalte hai meri family me …
meri family me total 7 log hai … mujhe mila kar …
bhaiya – bhabhi .. papa – mummy … aur dada – dadi …

mahila mandal ko chhod kar … baki ke teeno purush … sorry maha purush … kisi chapter se kam nahi hai …
inki soch meri soch se bilkul alag hai … wo teeno purab (east) hai to mai paschim (west) … ya u kahe ki wo teeno classical hai to mai hip hop …

lekin mahila mandal aisi nahi hai … wo log bhi ek alag hi sample hai … jab mere saath hoti hai to bilkul mere jaisa ban jati hai .. aur jab apne patiyo ke saath hoti .. to unke jaisi .. pata nahi kaise kar leti hai … unka aisa character aaj tak mere liye suspense bana hua hai …

per baat jab mere per aati hai to Ladies support hamesha mere saath hi hota …

ab baat karte hai sample no. 1 ki … yani ki mere bhaiya – bhabhi ki …

BHAIYA — NAAM KRISHNA KANT VARMA … in short .. K.K. VARMA ..

bhai sahab naukari karte hai … sarkari bank me … mujhse 6 saal bade hai … bin mange gyan batna inki fitrat hai .. kisi bhi cheej ko detail me ghus ke samjhana inko accha lagta hai … ab inko kon samjhaye ki aaj kal free ka gyan batne wale ko log na Jane kis kis naam se bulati hai … khair ye bas bakte rehte hai aur mai be man se sunta rehta hu …

BHABHI — RADHIKA VARMA —
meri fev. saadi ko 3 saal ho chuke hai ….. abhi tak baby nahi hua .. family planning kar rakkhi hai .. 5 saal no baccha …. bhaiya ki jeb se chori se paise nikal kar meri jeb me rakhna .. ye inki duty hai … saath hi bhaiya ke pravachan se bachane ka kaam bhi ye hi karti hai … isliye ye meri fev hai …

sample no 2 … mere mummy papa …

PAPA — sri .. RADHE SHYAM VARMA …
ye bhi sarkari naukari karte hai .. sarkari school me teacher hai ..
ye ek gajab ke item hai … kanjoosh no. 1 .. inse mango kuch to milta kuch hai … har cheej ka hisab kitab ye hi rakhte hai … ek baar maine bade pyar se inse bola … ki papa mujhe ek chota sa foreign tour kara do .. to wo bole .. beta .. Nepal chala ja .. wo bhi to foreign hi hai … waha tu divy jyotir ling ke darshan bhi kar lega …

ab kon samjhaye inko .. ye meri umar kya jyotir ling ke darshan karne ki hai … ling to mere paas bhi … per aaj tak use to kisi ne nahi dekha … to mai bhala bhagwaan ka ling kyu dekhu … aisi kya khaas baat hai usme …
unse bahas karna kisi ke bas ki baat nahi hai … ek baar jo thaan lete hai .. to fir duniya idhar ki udhar ho jaye … unka faisla nahi badalta …

MAA — RUKMANI VARMA …
ye bhi bilkul bhabhi ki tarah hi hai … ghar me mai sabse chota hu … isliye .. sabse zyada pyar mujhe hi karti hai … meri har galti per parda ye hi dalti hai … hamesha mera saath deti hai … mere liye to ye hi bhagwaan hai …

sample no 3 … mere dada – dadi …

DADA JI — SRI SITA RAM VARMA ..
retired army officer … abhi bhi kafi fit hai …. lekin maha kanjoosh hai … papa se ek kadam aage … kafi paisa ikattha kar rakkha hai … kehte hai ki sab mere liye hi hai … lekin jab mango to Buddha deta hi nahi .. kitni baar mai unse keh chuka hu ki dadu ab to nikal lo … aur kitna jeeoge .. to wo kehte ki jab tak tere bete ko apni god me na khila lu .. mai nahi Jane wala …
ab unko export karne ke liye mai saadi karu … jo abhi to possible nahi hai …
lekin mai bhi isi khandaan ka hu … to inse kam nahi hu …

mujhe bike chahiye thi … to maine maa se keh kar papa se paise nikalwaye … lekin mere papa to kamal ke aadmi hai .. mere haath me 45000 rs. rakh kar seena chauda karke bole …

” ja beta .. khareed le apni pasand ki bike ” …
ab bhala 45000 me kon si bike milti hai … haa 100 cc ki PLATINA milti hai … great average .. superb milage … per average aur milage leke mere ko chatna hai …

meri man pasand bike ki keemat 80000 rs ki hai … to baki ka kaha se jugad karu .. bhabhi itni badi rakam to de nahi sakti … aur dadu se mangna hi bekar hai … ant me mere paas apna aakhri hathiyar bacha tha … mera bramha astra … meri jaan … mera sab kuch … meri dadi ….

DADI — JANKI VARMA …
is duniya me mai sabse zyada pyar mai apni dadi se karta hu … aur mai to unki jaan hu … ek aanshu bhi wo mera bardast nahi kar sakti …

mai dadi se jab 35000 mange to unhone bola … ki ” beta mere paas to nahi hai … per ek idea hai .. jisse teri pasand ki bike aa jayegi … ”
ye keh kar unhone dadu ki ACTIVA ki chavi mujhe de di … aur boli .. ” le ye bench de … aur khareed le apni bike …

maine bola to fir dadu ka kya …
to wo boli .. ” tu tension mat le mai unhe sambhal lungi .. ”

fir kya tha .. permission milte hi mai activa leke nikal gaya … use 35000 me bench kar apni bike le li … baad me dadu ne bawal to kiya … per dadi ne sambhal liya …

to dosto ye rahi meri family …

Sunday ka din tha … subah ke 6 baj rahe the ..
mai apne khwab gaah (room ) me ,apne naram ,mulayam, aaramdayak ,makhmali bistar me mast neend farma raha tha .. Sunday tha to uthne ki koi tension nahi thi .. waise bhi raat ko sote – 2 do baj gaye the …

kyuki raat 1 baje tak to movie dekhi .. fir jab rajai odh kar leta to neend aane me ek ghanta lag gaya … ab sardiyo ka samay hai akele rajai garam hote -2 time to lagta hai …
sardiyo ka asli maza to unhi ko milta hai jinke paas biwi ko … kyu .. wo aap bhi jante ho ….
dusre wo log jinki gf ho … sale rajai me ghuste hi .. phone per chalu ho jate hai … badi gandi -2 bate karke garam ho jate hai …

ab bache hamare jaise log … jinke paas na biwi hai aur na gf … rajai me ghusne ke aadhe tak bas ye hi dhundte hai ki sali ye hawa kis kone se ghus rahi hai …

is tarah sote-2 time to lagta hi hai … mai gehri neend me tha ki tabhi dil dehla dene wali ,ek bhayankar aawaj mere kaano me padi … aisa laga jaise sakchaat yamraj bol rahe ho …

” ” nalayak … 6 baj rahe hai .. aur tu abhi bhi so raha hai … uth zaldi se .. padhta likhta to hai nahi … har waqt sota hi rehta hai … na Jane kya hoga is gadhe ka ” ”

ye aawaj sunte hi meri neend aise gayab hui … jaise gadhe ke sar se seeng … aur hoti bhi kyu nahi … har roj mujhe ya to maa .. ya fir dadi bade pyar se jagati hai .. aaj aachanak aisi bhayanak aawaj sunkar neend pal bhar me gayab to honi hi thi …

mai turant hadbada kar uth baitha .. aur dekha ki samne mere param poojniya pita ji khade hai …
is tarah ki neend se jagne ke baad to aap ko pata hi hoga ki dimag kis halat me rehta hai … mera bhi same position tha …
man kiya ki abhi goli maar du … per samne wala saksha mera baap tha … karna to dur kuch keh bhi nahi sakta tha …. bas apne armaano ko apne dil me debate hue … bola …

MAI — kya hua papa … aaj aap mujhe jaga rahe hai .. wo bhi itni subah -2 … aaj to Sunday hai .. sone digiye na …

PAPA — oye ullu … raat bhar jagta hai kya .. jo din me so raha hai … chal zaldi uth .. 6 baj gaye hai …

MAI — per karna kya hai itni zaldi uth ke ….
PAPA — aaj ghar me pooja hai … sab usi me busy hai .. ek tujhe chhod ke …
MAI — pooja kitne baje hai …

PAPA — 11 baje se ..

ye sunte hi mera temper high ho gaya .. ab pooja hai 11 baje aur mujhe jagaya ja raha hai 6 baje … ye to na insafi hai …
MAI — kya papa … 11 baje pooja hai .. aur aap mujhe 6 baje jaga rahe hai …

PAPA — nalayak .. kuch kaam bhi kar le .. waha sab subah 5 baje se kaam kar rahe hai .. aur yaha to abhi bhi so raha hai … chal uth zaldi se …

papa ke lecture ne neend to kharab kar hi di thi to socha uth hi jaao .. warna wo apna bhopu band nahi karenge … so man maar kar uth gaya aur bathroom me chala gaya …

aadhe ghante baad Naha dhoke mai neeche hall me gaya … pura hall khali … manav jati ka koi bhi naamo nishan nahi tha … siway mujhe chhod kar …

tabhi kitchen me se bartano ki aawaj aayi … mai wahi chala gaya … Jake dekha ki maa ,dadi aur bhabhi kitchen me hi thi .. saaf safai abhiyaan zoro shoro se chal raha tha …

mujhe dekhte hi maa boli …
MAA — uth gaya mera baccha … badi zaldi uth gaya …

tabhi bhabhi boli …
BHABHI — subah -2 papa ji ki lori sunega to zaldi uthna hi padega …
itna keh kar bhabhi aur maa hasne lage … tabhi dadi boli …

DADI — chup karo tum dono … ek to mera rajkumar ko subah -2 daant padi … aur tum log has rahi ho …

MAI — wo sab to theek hai .. per ye batao aaj pooja kis liye rakkhi gai …

MAA — tera papa ka bahut dino se man tha … to aaj ka din shubh mila to rakh li pooja …
MAI — jarurat hi kya hai pooja karwane ki … subah -2 sab log apna hi naam le liya karo .. bahut punya mil jayega …

BHABHI — kya matlab …

MAI — matlab … is ghar me sirf mujhe chhod kar kisi ka bhi naam normal nahi hai ..
dada ji … sita ram varma ..
dadi … janki varma ..
papa … radhe shyam varma …
maa … rukmani varma ..
bhaiya … Krishna Kant varma ..
aur aap … radhika varma ..

meri baat sunkar teeno has pade .. fir maa boli ..
MAA — chup kar badmas … waise tujhe hame aur apni dadi ko thanks bolna chahiye … hum dono ne sab se zhagda karke tera naam nikhil rakkha hai … warna to is ghar ka riwaj hi ki sabhi ka naam bhagwaan ke naam per hi hoga …

maine maa ko peeche se gale laga liya aur bola …
MAI — thanks maa … waise baki sab kaha hai …

DADI — market gaye hai … bhagwaan ka bhoog banana hai … usi ki kharidari karne …

MAI — wo bhagwaan jab khayega tab dekha jayega .. pehle mujhe to kuch nashta do …
BHABHI — aaj kuch nahi bana hai nikku … sabhi vrat hai … aur tu bhi …

MAI — bhool jaao … mai kabhi vrat nahi rehta …
MAA — per aaj tujhe rehna hai … kuch der tak takleef nahi seh sakta …

MAI — accha .. kisi bhi granth me ya sastra me aisa likha hai kya ki bhagwaan ki pooja bhookhe rahkar hi karni padti hai … tabhi wo khus hote hai …

DADI — wo to nahi pata .. per hamesha se yahi niyam chalta aa raha hai …

MAI — badal do sare niyam …

tabhi peeche se papa ki aawaj aayi …
PAPA — kon se niyam badlega tu ..

ye sun kar meri to fat hi gai …
MAI — kuch nahi papa … mai to samaj ki baat kar raha hu … kafi aise niyam hai jo galat hai .. unhe badalne chahiye …

PAPA — pehle khud ko badal … fir samaj ke niyam badalna …

itna keh kar papa saman rakh kar bahar chale gaye … bhabhi, maa aur dadi ka to has has ke bura haal ho gaya … mai bas unhe ghoorta hua … hall me chala gaya … kuch der baad bhaiya aur dadu bhi aa gaye …

maine call karke rahul aur amar ko bhi bol diya ki 10 baje ghar aa jaye … ab pandit ka boring pravachan kon sune .. wo dono saath honge to time pass ho jayega … waise mohalle ki kuch item aunty bhi aayengi … dosto ke saath unhe taadne ka maza hi kuch alag hai …

dekhte hi dekhte 10.30 baj gaye … pooja ghar ke hall me hi honi thi … isliye hamne pehle se hi waha sab hata kar dari (mat) bicha di … taki sab zameen per aaram se baith sake ….

sabhi log aa chuke the … kuch der me pandit bhi aa gaya …
fir suru hua unka pravachan .. jo mere aur mere dosto ke liye jaan leva thi …

pooja aadha ghanta late start hui … yani ki 11.30 a.m. pe … ab aadha ghanta late to aam baat hai … isko late nahi bola jata .. chahe koi bhookh se mar raha ho .. koi matlab mai …
jo banda zindagi me kabhi vrat na raha ho … use subah 6 baje zabardasti utha ke .. ghar ke kaam karwane ke baad bhi ek cup chai tak naseeb na ho .. fir us bande ki mansik isthiti kaisi hogi .. aap samajh hi sakte hai ..
per mai kar bhi kya sakta tha .. mere Hitler pita ji … aur Dainasor ke jamane ke mere dadu ke rehte .. mujh nirbal , ashaay , kamjor gareeb ki fariyad bhala kon sunta ..

khair pooja suru hui … mohalle ki kafi aunty aayi thi … per hamari badkismat … aaj sab aunty hi lag rahi thi … item koi nahi thi … idhar bhi khali haath …
hum sab zameen per chaukadi maar ke baithe the … aur pandit sabse aage apne aasan per virajmaan the … unke aur hamare beech me bhagwaan narayan the … tabhi mujhe pata chala ki satya narayan ki katha hai … yani ki 2-3 ghante ki fursat ….

khair pandit ne mantra padhna suru kar diya … ek to sare mantra Sanskrit me the .. upar se pandit aise padh raha tha ki jaise kise ne uski dhoti upar utha ke uske pichwade mirchi daal di ho … kuch samajh me nahi aa raha tha … waise karna kya hai samajh ke …
ek cheej aur thi jo aaj tak mere samajh me nahi aayi … wo ye ki chaye koi bhi pooja ho .. usme fal aur phool to samajh me aata hai .. lekin paan supari kyu chadhate hai … kya bhagwaan paan khate hai … Zara imagination kariye shiv ji muh me paan daba kar dhyan lagaye to kaise dekhenge … durga maa paan khakar sher me baithi hai ….
khair kehte hai ye sadiyo purani reet hai … ab jo marzi kare .. mera kya …

pooja apne zoro shoro per thi … aur hum teeno gawar apna muh latkaye baithe the … mai beech me tha aur mere agal bagal rahul aur amar the … hum teeno is waqt gandi ke teen bandar jaise lag rahe the …. man to kar raha tha abhi uth kar bahar chala jaau … per pita ji ka aadesh tha ki hilna nahi … to hum teeno wahi baithe rahe ….
rahul ne dheere se mere kaan me kaha …
RAHUL — kameene .. kya bigada tha maine tera jo yaha bula liya …

maine tarsi hui nigaho se use dekha aur bola …
MAI — bhai … kya is dukh ki ghadi me apne dost ka saath nahi dega …

hum chup chap baithe rahe … thodi der me pandit ne mantra khatam kar diye … mujhe laga shayad pooja khatam ho gai hogi …
per nahi … pandit to ram ji ke upar pravachan dene lage … ab bhala satya narayan ki pooja me ram ji ka kya kaam … maine socha ho sakta hai narayan bhagwaan ke ram avtar ke bare me bata rahe ho … lekin ram hi kyu … unke bare me to sabhi ko pata hai … t.v. per na Jane kitne serial dikha chuke hai … lekin waha fir bhi sab aise sun rahe the jaise dada ji baccho ko kahani suna rahe ho ….

ab ye to anyay hai … mere saath baitha amar mujhse bola …
AMAR — yaar ab to had hai … kuch kar na … ab baitha nahi jata …

MAI — tu tension mat le … pandit Ramayana suna raha hai na … ab isi me mai iski bajata hu …

pandit wo bata raha tha jab shiv ji ka dhanush ram ji ne tod diya …
tabhi mai bola …

MAI — pandit ji … ek sawal hai …
PANDIT — bolo beta …

MAI — ye wahi dhanush tha na jiska sita ji roj khayal rakhti thi … uski saaf safai rakhti thi …
PANDIT — haa …
MAI — to fir wo dhanush ko utha bhi leti thi … jise ravan jaisa maha sakti sali bhi hila nahi paya …

PANDIT — bilkul beta … sita mata koi sadharan stri nahi thi … wo to devi thi …

MAI — to fir banvaas me ravan ne sita ji haran kaise kar liya … wo to devi thi .. chahti to ek thappad me ravan ko direct Lanka bhej sakti thi … fir unhone aisa kyu nahi kiya …

PANDIT — beta wo to bidhi ka bidhan tha … wo na jati to ravan na marta …
MAI — to unki ravan se koi khas dusmani thi kya … jiske chalte unhone aisa plan banaya … ya fir bor ho gai thi jungle se .. socha is bahane aaram se mahal me to reh lengi …

pandit ka chahra gusse se laal ho gaya tha … wo kuch na bola … tabhi pita ji ne meri taraf apni laal laal aankhe dikhai … aur pandit se bole …

PAPA — pandit ji … ye bewkoof hai .. iski baat per dhyan mat digiye … aap katha aage badhaiye …

pandit ne ek look mujhe diya aur fir se suru ho gaye …
idhar hum teeno ka has has ke bura haal tha … hum silently hasi has rahe the …

per abhi pandit per ek aur bomb girana tha … to mai kuch der baad fir bola …

MAI — pandit ji ek aur sawal … ram ji ne Bali ko chhal se Mara … ravan ko vibhishan ki help se Mara … aur to aur sugriv ne unhe apni puri sena di … hanuman ne Lanka jalaya … isme ram ji talent kaha tha … jo aadmi apne bhai lakshman ki jaan nahi bacha sakta .. use bhi hanuman ne hi bachaya … aise ko hum bhagwaan kyu bolte hai ….

bas fir kya tha … pandit khada ho gaya … tilmilakar bola …

PANDIT — nastik ,adharmi, papa insaan … tujhe narak me bhi jagah nahi milegi … chala ja yaha se .. warna mai chala jaunga …

ye sunte hi papa ,dadu aur waha maujood sabhi log khade ho gaye .. sab haath jod kar pandit ko manane lage … tabhi papa mujhse bole …

PAPA — tujhe yaha bulana hi nahi chahiye tha … apne saath -2 hum sabhi ko papi bana dega … tu ja yaha se …

yahi to hame sunna tha … unke ek baar bolte hi … hum teeno apne room me chale gaye ….

pooja se bhagaye Jane ke baad … hum toono param mitra mere room me aa gaye ..

AMAR — yaar ab uncle to teri maar hi lenge .. bahut garam ho gaye hai ..

MAI — Abe ye to roj ki baat hai … kuch naya bol …

RAHUL — sale tujhe koi tension nahi ho rahi kya .. pata nahi kya haal karenge wo tera …
MAI — tension leke jeene ki aadat nahi mujhe … apni marzi ka malik hu .. like shahansaah …

hum teeno apni hi baato me lage the ki kuch der baad … mere pita ji apna rudra roop dharan kiye mere room me aa gaye …
unke aate hi hum sawdhaan ki mudra me khade ho gaye … kyuki hame pata tha … ki ab papa mere upar parmadu (atomic) hamle karne wale the ….

PAPA — nalayak … besharam … bewkoof … Zara si bhi akal nahi hai tujhe .. kab kaha kaisi baat karni chahiye … sare samaj ke samne meri naak katwa di … kya jarurat thi tujhe pandit ji se aise ulte seedhe sawal puchne ki .. kya samajhta hai tu khud ko … bahut bada gyani hai .. ruk abhi tera sara gyan nikalta hu …

itna kehkar papa mere samne aaye aur mujhe marne ke liye jaise hi apna haath uthaya … tabhi dadi ne unka haath pakad liya …

DADI — maine kitni baar kaha hai .. jitna daantna ho daant le … per haath nahi uthana … baccha nahi raha ab wo …

dadi ko ek chinta ye bhi satati thi ki gusse me mai koi galat kadam na utha lu .. jaise ghar chhod dena … ya fansi pe latak Jana … per unhe ye nahi pata tha ki mai wo paltu kutta hu .. jise uska malik chahe jitna bhi laat maar kar bhagaye .. magar wo hilta tak nahi …

dadi ne papa ka haath zhatak diya … to papa gusse se bole ..
PAPA — aapne ise sar pe chadha rakkha hai .. aapki wajah se ye itna badtameej ho gaye hai .. per aaj mai ise saja de ke rahunga … jab tak mai na kahu koi ise khana nahi dega … bhookh ke mare jab jaan niklegi tab iski akal thikane aayegi …
fir papa rahul aur amar ko bole …
PAPA — chalo tum dono .. chal ke khana kha lo …

RAHUL — sorry uncle … jab nikhil nahi kha sakta to hum bhi nahi kha sakte ..

ye sunkar mera seena chauda ho gaya .. man me socha waah kya dosti hai .. dost ho to aise …

PAPA — pagal ho kya .. iske liye tum kyu bhookhe rahoge ..
AMAR — ab kya kare uncle .. dosti ki hai nibhani to payegi …

amar ke dialog per mai socha ..
” sale .. ab itna bhi filmi mat ban .. warna mera hitlar baap mere ansan ki avdhi aur badha dega … ”

PAPA — aachi baat hai to maro tum dono bhi iske saath …

itna keh kar papa nikal liye .. saathe me dadi ko bhi le gaye …
unke jate hi mai bola …
MAI — thanks mere bhaiyo .. aaj tumne sabit kar diya ki duniya me dosti sabse badhi hai …

tabhi rahul bola ..
RAHUL — chup kar kameene .. maine to aise hi bol diya tha .. socha shayad teri saza maaf ho jaye … per tere baap ne to hamari hi maar li …

AMAR — aur nahi to kya .. agar pata hota ki aisa hone wala hai .. to unke saath hi chala jata … ab to bhookh ke mare jaan hi nikli ja rahi hai …

MAI — salo .. kameeno … dosti ke naam per kalank ho tum dono … man kar rah hai ki abhi tum dono ka L kaat du .. fir hilate rehna … salo viswas ghati …

hum teeno room me baithe ek dusre ka muh tak rahe the … 2 ghante beet chuke the .. per khana khane ka bulawa abhi tak nahi aaya …
tabhi bhabhi room me aayi aur boli …

BHABHI — chalo tum log bhi khana kha lo …
MAI — lekin papa …
BHABHI — maine unhe mana liya hai … per ab dobara aisi harkat mat karna ..

mai khusi se uchal pada .. aur bhabhi ko hug karke bola …
MAI — thanks bhabhi … aap duniya ki best bhabhi ho …

itna keh kar hum sabhi hall me aa gaye … mehmaan sabhi chale gaye the … dining table per 6 plate lage the … jise dekh kar mai samajh gaya ki abhi tak ghar me se kisi ne bhi khana nahi khaya ….

hum teeno .. apni apni jagah per baith gaye … tabhi papa dadu aur bhaiya bhi aa gaye … kisi ne mujhse koi baat nahi ki … aur wo hamare saath aake baith gaye …. dadu mere bagal wali chair per baithe the ….

fir bhabhi ne sabhi ko khana serve kiya … isse pehle ki hum khana suru kar pate … tabhi …………..

abhi hum sab khana suru karte ki tabhi darwaje ke paas se ek dard bhari aawaj aayi …
” babu ji .. kuch khane ko de do .. badi bhookh lagi hai .. ”

hum sab darwaje ki taraf dekhne lage …
fart purane , maile kapde pehne ek budhi aurat .. jiske shareer me sadi ke naam per chithade latak rahe the … aankho me ummed liye ki shayad kuch khane ko mil jaye .. tarsi nigaho se hamari or dekh rahi thi ….

uski aawaj sunkar papa ne bhaiya se bola …
PAPA — dekhna Zara .. kya chahiye usko …

isse pehle ki bhaiya uth pate .. mai bol pada …
MAI — aap ruko … mai dekhta hu …

ye keh kar mai khada hua .. aur khane ki plate uthakar us aurat ke paas gaya … aur use plate thamate hue bola …

MAI — lo mata ji .. ye kha lo .. aur lage to maang Lena ….

meri ye harkat pura ghar dekh raha tha … ki mai kitne pyar se us bhikhari aurat ko khana khila raha tha …
waise ye bhi ek wajah hai jis karan meri bhagwaan se nahi banti … kisi ko deta hai to had se zyada deta hai .. kisi ko nahi deta to ek futi kaudi bhi nahi …
koi din me 4 baar kapde badalta hai .. to kisi ke paas tan dhakne ke liye bhi kuch nahi hota …
kisi ke paas kai aalishan bangle .. to kisi ke paas apna sar chupane ka ek aasra bhi nahi …
aakhir aisa bhed bhaw kyu … kehte hai hum sabhi bhagwaan ke bacche hai … to wo apne baccho ke saath aisa kaise kar sakta hai … ek bacche ko pet bhar khilata hai .. aur dusre ko bhookha sulata hai …
isiliye mujhe lagta hai ki bhagwaan hai hi nahi .. ye sab hum insaano ka banaya hua dhakosla hai .. jise hum insaniyat se zyada mante aaye hai … tabhi to ek patthar ki murati ko hum 56 bhoog lagate hai .. lekin ek gareeb ko 1 ya 2 rs. dekar waha se bhaga dete hai …
agar bhagwaan aise hote hai to .. mai use bhagwaan nahi manta …
khair ye to mera najariya hai … bakiyo ka mai nahi janta …

waha dining table per sabhi log mujhe hi dekh rahe the … papa dheere se bole …

PAPA — is ladke ko mai aaj tak samajh nahi paya … kabhi kabhi to aisa lagta hai ki kash ye mera beta na hota .. per agle hi pal kuch aisa kar deta hai jisse meri chaati 2 inch aur badi ho jati hai .. Garv hota hai ki ye mera beta hai …

DADU — sahi keh raha hai tu … dekh na subah se kuch nahi khaya … lekin fir bhi apni thali le jakar use de diya … sach me ajeeb hai ye ladka …

BHAIYA — ajeeb nahi … bhai hai ye mera …

aurat ko khana khilane ke baad mai wapas dining table per aaya … aur apni jagah per baith gaya …

DADU — waah beta … kamal kar diya tune … ab lag raha hai ki tu mera pota hai … apni plate use de di .. waah …

maine badi maasumiyat se dadu ko dekha aur bola …

MAI — kisne kaha maine apna plate use diya … maine to aapka plate diya tha ..

fir sabka dhyan table per gaya .. to pata chala ki maine sache dadu wala plate hi use diya tha ..
fir kya tha .. waha maujood sabhi log apni hansi nahi rok paye … yaha tak ki papa bhi has rahe the .. siway dadu ke …

DADU — tujh jaisa kameena mera pota ho hi nahi sakta … hazar kameene mare honge tab tu paida hua hai …

idhar dadu bole ja rahe the .. udhar sabki hansi badhti hi ja rahi thi ….

us din aur kuch nahi hua … dosto ke Jane ke baad mai bhi apne room me gaya aur rajai odh kar so gaya …
aaj itna thak gaya tha ki let te hi so gaya … kaam karne ki aadat to thi nahi .. bhookha pyasa din bhar kaam karne ke baad jab saam ko pet bhar khana mila .. to neend to aani hi thi …

raat ke 10 baje maa ne zabardasti jaga ke aur khana thusa diya ..
khair fir jo soya … ekdum subah 8 baje hi aankhe khuli …

aaj Monday tha … yani college Jana tha .. 10 p.m. se class suru hoti hai … waise class se kya Lena dena … mujhe to bas waha present sir bolne hi Jana hota hai .. uske baad baki ki classes canteen me lagti thi …

mai utha aur fresh hone chala gaya .. aadhe ghante baad mai hall me aaya …
papa ,bhaiya aur dadu dining table per baithe nashta kar rahe the …
maine ek baar kitchen me zhanka … jaha dadi ,bhabhi aur maa kaam kar rahe the .. maine wahi se sabko ek saath good morning wish kiya .. aur table pe ja ke baith gaya …

maa ne mujhe nashta diya .. aur mai bhi chup chap nashta karne laga … tabhi papa bole …

PAPA — apne Baal to katwa le … bilkul ladki jaise lagte hai …

ab unko kon samjhaye ki aaj kal isi ka fashion hai … ab agar mai fashion ke bare me bolu to lecture dena suru kar denge … to maine dusri line pakdi … mai bola …

MAI — aap log NEWTAN , EINSTEIN ,GRAHAM BELL ko jante hai …

DADU — ab ye kaisa sawal hai …

MAI — bolo na .. aap log jante hai ya nahi ..
PAPA — haa bilkul jante hai … teeno bahut bade scientists the …

MAI — to ye bhi jante honge ki unke Baal bhi bade the .. jab unke papa ne unhe kuch nahi bola to aap mujhe kyu bol rahe hai …

PAPA — o nalayak .. tu unke dimag ki barabari khud ke dimag se kar raha hai …

MAI — ab aapko kya pata ki mere dimag me kya hai …

isse pehle ki papa aur kuch bolte maa kitchen se boli …
MAA — aapko school nahi Jana kya .. subha hote hi mere bacche per suru ho jate ho …

PAPA — kis angle se ye tumhe baccha lagta hai .. agar aaj iski saadi karwa du .. to 9 mahine bhi nahi lagenge .. ye khud ek bacche ka baap ban jayega …

ye sun kar mai man me bola …
MAI — plz kara do .. mai Mara ja raha hu saadi ke liye … bhaiya se pehle aapko dada na bana diya … Mara naam nikhil nahi …

lekin ye sab mai soch hi sakta tha .. bolne ka anjaam kya hota .. mujhe aachi tarah se pata tha …

kuch der baad papa aur bhaiya office chale gaye … aur dadu nikal gaye apne dosto ke paas … aur kuch der baad mai bhi nikal pada … college ke liye …. is baat se bekhabar ki waha aaj meri tagdi band bajne wali hai …

theek 9.30 a.m. pe mai apni bike leke ghar se nikla … aur seedha amar ke ghar ke bahar Jake khada ho gaya …

do baar horn bajate hi amar ghar ke ander se chillate hue bola …
AMAR — are aa raha hu … mar kyu raha hai …

tabhi rahul bhi apni bike leke wahi aa gaya … rahul dusri colony me rehta hai ..
hum dono roj amar ke ghar ke bahar khade hote hai .. fir amar ke aate hi college ke liye nikal jate hai …

kuch der baad amar bhi aa gaya .. fir hum teeno nikal pade apne vidya ke mandir ki or … gyan arjit karne …

class suru hone se thoda pehle hi hum college pahuc gaye … apna apna vahan parking me lagane ke baad .. humne class room ki or prashthan kiya …

room me kafi bhakth yani ki students baithe the … abhi shri aruneshvar ji maharaj padhare nahi the … yani ki hamare professor arun tripathi ji …

mai thoda khus hua .. ki chal beta aaj to apni train right time se pehle hi platform pe aa gai ..
mai apne dono mitro ke saath apne nitya sthan per Jake virajman ho gaya …

hum teeno hamesha se hi class ke sabse peeche wali bench per hi baithte hai … kyuki waha se hum sabko taad sakte the … aur koi teacher hum per zyada dhyan nahi deta ….

pata nahi kyu aaj class me mujhe bada hi sukun mil raha tha … maine apne charo or dekha to pata chala ki class ki sabse badi bhaktan … meri janam jaat satru … chudail , bhootni , dayan , MEERA abhi tak nahi aayi …
meri khusi ka to thikana hi nahi raha … aaj meri zindagi ka sabse aacha din tha ..
itne me rahul bola ..
RAHUL — yaar aaj to tere liye khusi ka din hai .. teri dusman to aayi nahi … aaj party to banti hai …

MAI — bilkul dunga yaar … aaj pet bhar ke daru piyenge … itna ki khade na ho paye … bhaad me jaye ghar .. apni raat naale me gujregi …

RAHUL — aur saath me chicken bhi …
MAI — tu jo bole …aaj mai bahut khus hu … kash uski taang tut gai hu … aur ek mahina wo bistar se na hil paye …

tabhi amar bola ..
AMAR — aye shikh chilli ki aulad … samne dekh .. aa gai meera … ab ga** me ghus gai daru aur chicken …

kasam se pal bhar me meri sari khusiya cheen gai … mai barbad ho gaya … mera muh L jaisa ho gaya …

mai fati hui aakho se use dekhne laga .. ek dard tha meri aankhe me … mera dil to raha tha …
aur wo kamini .. zhareeli mushkaan liye .. mujhe dekhti hui apni jagah baith gai …

kasam se us waqt wo mujhe TAADKAA raakshasi jaisi dikh rahi thi … man me aaya ki abhi uska vadh kar du … lekin mai ashaay kuch na kar saka …

abhi mai is sadme se ubhar bhi nahi paya tha ki ek aur zhatka mil gaya ….

professor ne aate hi bomb fod diya …

PROFESSOR —- aap sab ready hai … surprise test ke liye …

mai dheere se bola …
MAI — sala .. ye kya chakkar hai … ye test kaha se aa gaya …
RAHUL — pata nahi … lagta hai Saturday ko bola gaya hoga .. hum to hamesha canteen me hi marate rehte hai … ab fati …

AMAR — bol du kya .. ki hame is bare me pata nahi tha …
RAHUL — pagal hai kya .. agar ye bolega to sir ko pata nahi chal jayega ki hum yaha aate to hai lekin sirf shakal dikhane …. ab kuch nahi ho sakta … test to dena hi padega …

MAI — sala jab kuch padha hi nahi to ghanta likhu ….
AMAR — bhai kuch kar na plz …

tabhi mere dimag me ek mast idea aaya … aur mai apna masoom sa chahra liye khada hua .. aur bola …

MAI — sir … ek problem hai … hamne abhi tak padha hi nahi …

SIR — kyu … maine to Saturday ko hi bol diya tha .. test to tum logo ko dena hi hoga …
MAI — sir .. wo kya hai na .. hamara ek friend hai … dusre sahar me rehta hai .. kal subah uska accident ho gaya tha … to hum teeno usse Milne gaye the … raat 8 baje jab hum wapas aa rahe the to hamari car ka tyre puncture ho gaya … koi puncture banane wala bhi nahi mila … isliye gadi dhakel kar ghar aana pada … ghar pahucte -2 raat ke 12 baj gaye the … hum itna thak chuke the ki padhne ki himmat hi nahi hui …

SIR — oh .. to ek kaam karo .. tum teeno library me Jake padhai kar lo … jab college khatam ho jayega .. mai uske baad tum logo ka test lunga … ok …

ye sun kar hum teeno ke chahre khil uthe …. ab hum dimag ke paidal to the nahi … ratta marna … hame bahut aachi tarah aata tha … humne turant haa kar di aur nikal pade library ki or ….

4 ghante hamne full ratta Mara … aur khud ko test ke liye taiyar kiya …
fir hum class ki or Jane lage to maine dekha ki meera usi sir se kuch baat kar rahi thi …. aur hame dekhte hi chup ho gai ….
ab ye baat to pakki thi ki baat hamare bare me hi ho rahi thi … per kya … wo next me pata chalega ….

hum teeno test ke liye full ready hokar class ki taraf nikal pade …
tabhi hame class ke bahar sir aur meera baat karte dikhai diye …

hame apni or aate dekh meera chup ho gai … aur tezi se waha se chali gai …
mai dheere se rahul se bola …

MAI — lagta hai is iccha dhari nagin ne jaroor hamare khilaf kuch zahar ugla hoga …
RAHUL — mujhe bhi ye hi lagta hai …

MAI — agar kuch ulta seedha kiya hoga na .. to mai usi jaan se maar dunga …

fir hum sir ke paas pahuche … to amar bola …

AMAR — sir .. hum test ke liye ready hai …

sir ne koi jawab nahi diya … bas hame ghoorte rahe …
MAI — kya hua sir … kuch kiya hai kya hamne …

SIR —- nahi tum logo ne kuch nahi kiya … per karunga to mai …

sir ki baat sun ke hamari fat hi gai … man me soch ki kahi hamara bhanda to nahi foot gaya … sir fir bole …

SIR — tum log sach keh rahe ho na .. ki kal tum sab hospital me the …

AMAR — haa sir … hum sach keh rahe hai … hum bhala aapse zhooth kyu bolenge …

SIR — theek hai .. tum log ja sakte ho …

ab sala ye kya locha hai … bina test liye hi Jane ko bol rahe hai …
MAI — lekin sir test …

SIR — uski koi jarurat nahi … meera keh rahi thi ki tum log ne 4 ghante man laga ke padhai ki …. ye hi mere liye bahut hai … hamesha isi tarah man laga ke padhte rehna ….

itna keh kar sir waha se chale gaye …
hum teeno ka to dimag hi ghoom gaya … wo ladki jo hamesha mujhe fasane ki kosis karti thi … aaj aachanak se mera support kyu kiya …

MAI — kuch to gadbad hai … jaroor isme us dayan ki koi chaal hai …

RAHUL — kuch bhi ho … aaj usne hame bacha liya … sakchaat devi hai wo … mai to kehta hu .. ki hame uske pairo me gir kar usse maafi mang leni chahiye …. taki aisi kripa dristi wo hamesha banaye rakkhe ..

AMAR — sahi keh raha hai tu … aaj wo agar hamari dost hoti to itne salo se nikhil ki wajah se hamari band bajti aayi hai .. wo sab na hua hota …

RAHUL — mai to kehta hu … nikhil ko chhod aur meera ko pakad …

MAI — salo .. kamino …. bachpan ki dosti ka ye sila diya … ek ladki hamari dosti ke beech aa gai …

AMAR — yaar tu serious kyu ho gaya .. hum bas teri le rahe the .. waise meera ne aisa kiya kyu hoga …

MAI — mujhe kya pata …

tabhi mujhe kuch yaad aaya .. ki meera to scooty leke aati hai .. ho sakta hai ki abhi bhi wo parking me ho … ye soch kar mai waha se bhaga …. aur mere peeche wo dono bhi bhage …

per mei thoda let ho gaya … jab mai parking me pahucha to dekha meera gate se bahar nikal gai …
tabhi meri nazar ek ladke per padi .. jo meera ka friend tha … usi ke saath baithta tha … sab use battery bulate the … kyuki wo aankho me high power ka chasma lagata tha … jitni uski age nahi usse kahi zyada number to uske chasme ka tha … waise uska naam kartik hai …

mai uske paas gaya … aur gusse se bola…

MAI —oye battery .. kya planning chal rahi hai tum logo ki …
KARTIK — kya hua bhai … maine kya kiya …
MAI — sale jahanpana se haramipana … kaan ke neeche 5 bajau kya … sari acting peeche se dhuaa banke nikal jayegi … zaldi bol mujhe fasane ke liye kya plan banaya hai …

KARTIK — bhai mai sach keh raha hu .. mujhe kisi plan ke bare me nahi pata …

tab tak rahul aur amar bhi aa gaye …
RAHUL — kya hua … ab ispe kyu bhadak raha hai …

MAI — sala plan kya hai .. bata hi nahi raha …
KARTIK — bhai mai kasam kha ke keh raha hu … mujhe kuch nahi pata aap kis plan ke bare me bol rahe hai …

itna kehte hi kartik ki sakal rone jaisi ho gai … pata nahi kyu mujhe thodi daya aa gai … to maine use Jane ko bol diya …
aur wo apni bike me chavi dalne laga …tab tak amar bola …

AMAR — chal koi nahi yaar … kal to wo aayegi … usi se baat kar lenge …

tabhi kartik bol pada ..
KARTIK — per bhai kal se college ki chutti ho rahi hai … wo bhi 10 din ke liye …
MAI — kyu be … principal ka baap saadi kar raha hai kya …
KARTIK — college me renovation chalega … notice bord me likha hai …

RAHUL — waah .. kya news sunai hai … ab to 10 din maze hi maze hai …
MAI — fir to hame pata nahi chalega … ki chudail ne plan kya kiya hai ..
AMAR — wo sab baad me socha … pehle chutti ka plan banate hai …

MAI — chal theek hai … kal milkar plan banate hai …

itna keh kar hum bhi ghar ke liye nikal gaye …
mai abhi ghar pahucha hi tha ki ek zhatka aur mila … wo bhi zoro ka …

mai seedha apne room me gaya … aur fresh hokar hall me aa gaya … waha maa ,bhabhi ,dadi ,dadu aur papa baithe baate kar rahe the … papa teacher hai … unki chutti 5 baje hoti hai … per kabhi -2 zaldi hi aa jate hai … aaj bhi aa gaye the …

mai bhi unke saath baith gaya … aur bhabhi se chai banane ko bola …
bhabhi kitchen me chali gai …
tabhi papa bole …

PAPA — nikhil … tere liye ek ladki dekhi hai …

ye sun kar to mai pura hill gaya … man me socha … aaj mera saath ho kya raha hai … sab man mangi murad puri ho rahi hai … college me meera ka mujhe bachana … fir papa ka mere liye ladki dhundna …. mai sochne laga ki faltu me mai bhagwaan per vishwaas nahi karta tha … per aaj jo ho raha hai … use dekhte maine soch liya … ki aaj se mai bhi bhagwaan ka param bhakth ban jaunga ….

PAPA — mere school ke hi teacher ki beti hai … hum sabhi usse pehle hi mil chuke hai … bas tune use kabhi nahi dekha …. isiliye uski photo le aaya hu … tu bhi dekh le … aachi ladki hai … hum sabhi ko pasand hai … maine haa kar di hai …

MAA (papa se )— are … pehle ise to puch lete … fir haa karte ..

mai man me socha … mera dimag kharab hai jo naa karunga … jis cheej ke liye itna taras raha tha .. aaj wo cheej khud ba khud mil rahi hai … to mana kyu karu …

PAPA — isme puchne wali kon si baat hai … meri saadi bhi aise hi hui thi … bade bete ki saadi bhi to aise hi hui … radhika kharab hai kya …

DADU — uske jaisi bahu … lakho me bhi nahi milegi … TERI bahu kya … meri bahu bhi lakho me ek hai … tune jo kiya bilkul theek kiya …

mera man to mare khusi ke uchal ne ko kar raha tha … per kisi tarah khud ko rokte hue bola …
MAI — per papa abhi to mai padh raha hu ….
PAPA — to abhi kon si TERI saadi ho rahi hai … abhi sirf baat pakki karunga … saadi tab hogi jab teri naukari lagegi …

DADI — matlab ab sirf kuch hi mahine hai mere bacche ke paas … finale exam ke baad to kahi na kahi naukari mil hi jayegi … aur naukari milte hi saadi ….

mai man me … ab to kas ke mehnat karni padegi … bas zaldi se exam ho jaye aur ek naukari mil jaye … fir mai bhi biwi wala …..

ye soch kar maine table me rakkhi photo ko utha liya … aur jaise hi dekha to usi waqt ye ahsaas ho gaya ki mai galat tha … bahgwaan sach me nahi hote … agar hota bhi hai to ye to pakka ho gaya ki ab wo mere saath game khel raha hai …
mere aage peeche ,upar neeche har jagah ke Baal sulag uthe …..

kyuki wo photo kisi aur ki nahi .. balki MEERA ki thi ….

meera ki photo dekh kar mai upar se neeche tak sulag utha …
mai kursi per se khada ho gaya aur bola …

MAI — papa mai isse saadi nahi karunga …
PAPA — kyu kya burai hai isme … tere college me hi to padhti hai …

MAI — pata hai mujhe … per aap nahi jante ki ye ek no. ki dayan hai…. meri sabse badi dusman hai ye … college me har waqt meri band bajati rehti hai … papa aap mana kar do .. mai isse saadi nahi karunga …

PAPA — mai tujhse teri rai nahi puch raha hu … tujhe bata raha hu .. ki ye teri hone wali biwi hai … aur ye mera aakhari faisla hai …

MAI — ye kaisa faisla hai … saadi meri hone wali hai to decide bhi mai hi karunga … papa ye ladki mujhe barbad kar degi … college me bhi ye mera jeena haram kar deti hai … choti se choti baat pe teacher ko complain kar deti hai …

ye sunkar papa khus ho gaye aur bole …
PAPA — tab to mai teri saadi isi se karwaunga … kyuki ye hi tujhe sudhar sakti hai …

tabhi dadu bole …
DADU — tab to tu jitni zaldi ho sake iski saadi karwa de … iska sudharna bahut jaruri hai … apni bike ke liye meri activa bench aaya … ab iska kya bharosa kal ko kisi cheej ke liye mujhe benchne nikal pade ….

dadu ki baat sunkar sabhi has pade … siway mere … kyuki mere pichwade aag jo lagi thi …

MAI — aap logo ko jo karna hai karo … lekin mai isse saadi nahi karunga …

itna keh kar mai tezi se apne room me chala gaya ..
zitni galiya aati thi maine man hi man meera ko de di … fir bhi mera gussa shant nahi hua to kuch baate bhagwaan ko bhi sunane laga …

MAI — aaj khus to bahut ho raha hoga tu … meri ye halat karke … per bhool mat mera naam bhi nikhil hai … jis tarah mortein jalane se macchar bhagte hai … usi tarah maine agar meera naam ki chudail ko apni life se bhaga na diya to mera naam nikhil nahi ….

mai abhi bhagwaan se baat kar hi raha tha ki tabhi bhabhi room me aa gai … haatho me chai ka cup liye …

BHABHI — oye .. kisse baat kar raha hai … pagal ho gaya kya …

MAI — abhi to nahi hua .. per zaldi hi ho jaunga …

itna keh kar mai bed per baith gaya … bhabhi bhi mere bagal me baith gai aur mujhe chai ka cup thamate hue boli …

BHABHI — dekh tu pareshan na ho … abhi sirf haa bola … saadi thode hi hui hai …
MAI — mera hitlar baap meri band bajane per laga hua hai .. aur aap keh rahi ho ki pareshan na hou …

BHABHI — ab mai unka faisla to balad nahi sakti … per teri pareshani jaroor dur kar sakti hu … chal kapde pack kar le .. hum mere ghar ja rahe hai …

MAI — mai nahi Jane wala … mujhe gaav bilkul pasand nahi …
BHABHI — to kya mai akele jaau … tere bhaiya ko bhi chutti nahi mili …

MAI — to aap mere peeche kyu padi ho … waha mai kya karunga … bore ho jaunga …

BHABHI — pagal … waha mere chacha ki ladki ki saadi hai … bahut sare log honge …
MAI — kon wo moti bhais … uski saadi hai … kya tha uska …

BHABHI — seema … usi ki saadi hai … chal na … teri to chutti bhi hai …

MAI — aapko kaise pata ki meri chuttiya start ho gai hai …

BHABHI — wo…. wo …. bas pata hai … ab aur koi sawal nahi … tu chal raha hai mere saath …

bhabhi bhi apna faisla suna ke chali gai …
maine bhi man hi man socha ki chalo theek hi hai … kuch din saadi me rahunga to man bhi halka ho jayega … fir wapas aake us kamini se baat karunga ..

pita ji meri Bali dene ka plan kar rahe the .. wahi mai apni fati hui silne ke jugad me tha …

maine turant rahul ko call kiya aur use amar ko lekar park me aane ka bol kar bike lekar nikal gaya …

20 min. baad hum teeno park ke bahar mile …
RAHUL — bol kya plan banaya hai chutti ka …

MAI — abhi kuch mat puch .. pehle chal ek ek peg lagate hai …

AMAR — lekin yaar mere paas sirf 25 rs hi hai …
RAHUL — yaar itne hi mere paas bhi honge …

meri pehle se hi laal thi .. ye sunkar ab to dhuaa bhi nikalne laga ..
MAI — salo gareebo … hamesha chillar lekar ghoomte ho … kabhi to paise lekar nikla karo ..

AMAR — student hu … jeb se 25 nahi to kya 2500 rs niklenge …
MAI — to sale kabadi dhande pe utar ja .. ek baar ke 50 rs tujhe aaram se mil jayenge …

AMAR — chal be … 50 rs ke liye apni marwa lu … upar se jo dard hoga wo alag …
MAI — bas pehli baar hi hoga .. fir to aaram ho jayega …

tabhi rahul bola .. .
RAHUL — chup karo asleel insaano … jab dekho tab gandi baate …

MAI — vishwamitra ki aulaad … tu bada saaf suthra hai … apni suhagraat me mujhe bhej dena ..
AMAR (haste hue)— to fir ye kya karega …
MAI — mombatti pakad ke khada rahega ….
RAHUL — bakwas band kar .. aur ye bata nikhil ki tere paas kitne hai …
MAI — 100 rs.

RAHUL — matlab total 150 rs hai …

fir wo kuch hisab laga kar bola …

RAHUL — desi ka jugad ho jayega … 130 rs ki half … 10 rs me pani aur glass .. aur 10 ke chane …

MAI — uske baad .. apna apna hilate hue ghar wapas .. sale cigarette kaha se aayegi …
RAHUL — wo baad me dekhenge … wapsi me college ke samne wali dukan se udhar le lenge …

MAI — ye bhi sahi hai … chal fir .. chalte hai …

fir hum teeno apne area se thodi dur ek desi theke per pahuc gaye …
theke me hi choti si canteen bhi thi … jaha 5-7 table lagi hui thi … peene ke liye … aur ek aadmi snacks ki ek choti si dukan bhi chala raha tha …
mai chala gaya Botel lene … tab tak rahul aur amar glass pani aur chane lekar ek jagah pakad li …

ab desi theka hai to log bhi waise hi honge … rickshaw wale … Leber … feri wale … isi class ke log waha aate hai …

khair Botel leke mai bhi wahi aa gaya .. jaha mere dost khade the …

rahul ne peg banaya .. aur humne zaldi se use khatam kar diya .. fir chane chabane lage … kami thi to cigarette ki … jise amar ne puri kar di …
uske bagal me ek aadmi khada tha .. jo bidi pi raha tha … amar ne usse 3 bidi maang li …
pehle to usne hame aise dekha .. jaise uski biwi maang li ho …
fir jab maine use kuch chane offer kiye .. tab sale ne hame bidi di ….

hum bidi sulgate hue daru ka maza lene lage … fir rahul bola …

RAHUL — haa to ab bol .. kya plan banaya hai .. chutti ka ..

MAI — plan ghus gai pichwade .. idhar mera baap meri bajane ke firak me hai … meri saadi karwa raha hai ..

AMAR — Abe ye to khusi ki baat hai … tere armaan pure ho rahe hai .. kitna aacha baap hai tera … aur ek mera baap hai .. jo hamesha kehta rehta hai ki mai abhi baccha hu … soch raha hu ek raat baap ke saath so jaau … subah tak pata chal jayega ki mai bhi bada ho gaya hu …

MAI — ghanta mere armaan pure ho rahe hai … saadi to karwa rahe hai .. per usse ….

RAHUL — Abe usse .. kisse …
MAI — meera se …

ye sun kar dono ko saanp sungh gaya …
RAHUL — tere papa use kaise jante hai …

MAI — mere papa aur uske papa ek hi school me padhate hai …
AMAR — yaar to tu unhe bol de na ki teri meera se nahi banti …
MAI — bola tha yaar … per wo ye sunkar zyada khus ho gaye … aur bole … ki ab agar teri saadi hogi to meera se hi hogi … kyuki wo hi mujhe sudhaar sakti hai …

RAHUL — apne ghar walo se baat kar …
MAI — yaar .. unhe bhi wo pasand hai …
AMAR — bhai .. ab tu kya karega .. teri to lagne wali hai …

MAI — yaar .. kal to mai bhabhi ke saath unke gaav ja raha hu .. saadi me … aane ke baad meera se baat karunga …

AMAR — ye hi sahi rahega … waha saadi me tu thoda to fresh ho hi jayega … fir baad ki baad me dekhenge …

RAHUL — tu tension mat le … aur saadi ko full enjoy kar .. baad me koi plan banate hai …

fir humne Botel khatam ki aur apne apne ghar nikal gaye …

ghar aa kar maine apne kapde ,aur jaruri saman pack kiye .. fir khana kha kar so gaya …. ye umeed liye ki saadi me kuch aacha ho jaye ….

per haay re meri footi kismat .. sale ne waha bhi apne rang dikha diye ….

mai 8 baje jaga … 10 baje ki bus thi .. to koi zaldi nahi thi … mai aaram se fresh hua .. nahaya .. fir hall me chala gaya … jaha sabhi baithe nashta kar rahe the …

maine sabko g.m. wish kiya .. aur nashta karne laga …

PAPA — bhabhi ke maike ja raha hai .. waha koi ulti seedhi harkat mat karna …

BHABHI — papa .. aap tension mat ligiye … nikhil kuch nahi karega …
PAPA — mujhe iski tension nahi hai .. tension to is baat ki hai ki waha ye koi kand na kar de .. bechari ki saadi na atak jaye …

MAI — don’t worry papa … us moti bhais ko kuch nahi hoga …
PAPA — oye nalayak … kabhi to dhang se baat kiya kar … suman naam hai uska …

tabhi bhabhi bol padi …
BHABHI — rehne digiye papa … ye iski aur suman ki aapas ki baat hai … wo isi sand bulati hai aur ye use bhais …

fir papa chup ho gaye … nashte ke baad mai apne room me aa gaya … aur ready hone laga …
aachanak meri nazar mere deo. per padi … FOGG …. to mujhe ek purana kissa yaad aa gaya …
hua ye tha ki mai hall me baitha t.v. dekh raha tha … ki papa aaye aur mere bagal me baithte hue bade pyar se bole …

PAPA — aaj kal kya chal raha hai nikhil …

maine thoda mazakiya andaj me bol diya …
MAI — papa .. aaj kal to FOOG chal raha hai …

bas fir kya tha papa ne mere gaal per ek aisa Congress ka chunaw chinha chapa ki kasam se 2 ghante tak meri aankho ke samne kohra chaya raha …

us din se mujhe ek seekh mili ki kabhi apne baap se mazak nahi karna chahiye …

khair 9.30 per hum (bhabhi aur mai) ghar se nikle … bus stand jakar maine 2 ticket li … aur bus ka wait karne lage …

bhabhi ka gaav sahar se 200 km dur tha … kam se kam 4-5 ghante lagte the …

bus time se aa gai … aur hum apni seat per baith gaye … maine jaan bujh kar bhabhi ko window seat di aur khud unke bagal me baith gaya … kyuki ander kafi maal the …
ab agar mujh jaisa handsome ladka unko na taade … to unki khoobsurati ki tauheen hoti …

bus chal padi … bhabhi bahar ke nazare le rahi thi … aur mai ander ke …
ek ghante tak aise hi chalta raha … fir bus ruki aur ek mast item type aunty chadhi …

pata nahi kismat kaise mujh per meharbaan ho gai ki wo patakha mujh se boli …

AUNTY — plz thoda adject ho jaaiye .. to mai bhi baith jaao …

uska itna bolna tha ki nahi mai bhabhi ki or sarak gaya … per haay re meri kismat … tabhi bhabhi bol padi …

BHABHI — nikku … tu khidki ke paas aa ja …
ye keh kar bhabhi khadi ho gai …
mere dil per to jaise churi hi chal gai … mera man to bilkul nahi kar raha tha … lekin fir bhi mujhe bhabhi ki jagah Jana pada ….

bhabhi meri jagah aa gai .. aur wo aunty bhabhi ke bagal me baith gai …
ab mere paas siway khet aur jungle dekhne ke alawa kuch nahi bacha tha …

khet dekhte -2 kab aankh lagi pata hi nahi chala … kuch der baad bhabhi ne mujhe jagaya …

BHABHI — chal uth ja … gaav aane wala hai … .

mai utha aur idhar udhar dekha … aunty ja chuki thi … mera safar to sote hue hi nikal gaya …
thodi hi der me hamara bhi stop aa gaya aur hum utar gaye ….

ab ek aur problem thi … bhabhi ka ghar bus stand se 10 km dur tha … ab gaav ka to aapko pata hi hoga … sawari gadi kis tarah ki hoti hai … aur kitni muskil se milti hai …

MAI — bhabhi .. ab yaha se kaise jayenge ….
BHABHI — maine chacha ji call kar diya tha .. wo aate hi honge …

mai man me socha … chalo aacha hai .. yaha se aaram se baith kar ghar jayenge … per nahi …

bhabhi ke poojniya chacha ji ek tractor le ke aa gaye …
man kiya ki sale ko goli maar du … ab 200 km bas me safar karne ke baad 10 km tractor se Jana pade … to man me aise vichar aa hi jate hai …
per mai bechara sochne ke alawa aur kar bhi kya sakta tha …

bhabhi ne unke pair chue… to dikhawe ke liye mujhe bhi chune pade … per wo banda itne se khus nahi hua … kameene ne JEETE RAHO bolkar … peeth per ek aisa haath Mara ki mano mere pran hi nikal gaye …
lekin mai bhi kam nahi tha … sar uthate hue maine apne sar ko uske ando me pel diya …

Buddha .. daiya maiya .. karte hue uchal kar dur khada ho gaya … mai sorry chacha ji bolte hue uth gaya ….

kuch der baad unka dard normal hua to hum waha se nikal pade …
tractor per uchalte hue hum ghar pahuche …..

SAADI KA GHAR

5-6 ghante ke safar ke baad hum finally ghar pahuc gaye …

bhabhi ka ghar bahut bada tha … aur hota bhi kyu nahi unke pita ji gaav ke mukhiya jo the …
halaki mai pehle bhi unke ghar aa chuka tha … per aap logo ko ghar ke bare me thoda bata du …

ghar ki suruat hoti hai ek bade se aangan se … aur uske baad kafi sare rooms .. unhi rooms ke side se ek galiyara hai jo ghar ke peeche jata hai … jaha per ek aur aangan hai … wahi kitchan bana hua hai aur ek bada sa hall bhi hai … jaha sab log khana khate hai … hall se lag kar bathroom bana hua hai … aur uske bagal me kuaa bhi hai …
bathroom kewal ladies ke liye hai .. mard log kuaa ke paas hi Naha lete hai …

waise bhabhi ke ghar me unke mata pita ke alawa bhabhi ke do chacha bhi hai … ek bade chacha aur ek chote chacha … chote chacha .. jinke ande abhi thodi der pehle fode the … do chachiya aur unke bacche … sabhi ki saadi ho chuki thi … bas bade chacha ki sabse choti bete seema ko chhod kar … jiski saadi ab hone wali hai …

inke kafi sare khet hai … jinhe ye teeno bhai milkar sambhalte hai …

saadi ka mahool hai to ghar me roonak to hogi hi … sirf 3 din hi bache the .. sare ristedar aa chuke the … bua – fufa.. mausi – mausa … mama – mami … aur bhi na Jane kitne log the …

bhabhi ka maika hai to bhabhi sabhi ke pair chu rahi thi … per ye mere attitude ko match nahi karta …
mai ek kursi per baith gaya … aur pure ghar ka nazara lene laga …

tabhi maine dekha ki ek room me 4-5 ladkiya baithi hui hai … jo lagatar mujhe hi ghoor rahi hai …
zindagi me aisa pehli baar mere saath hua .. jab ek nahi do nahi 4-5 ladkiya mujhe line de rahi hai …
per mai khus nahi tha … kyuki sab ke sab sakal se dehati lag rahi thi …

tabhi bhabhi ke papa mere paas aaye aur bole ..

UNCLE — are nikhil beta .. lagta hai safar se kafi thak gaye ho … ek kaam karo … thodi der Jake aaram kar lo …

MAI — wo to mai bhi soch raha tha uncle … per kaha jaau ye nahi pata…

UNCLE — beta tum galiyare ke paas jaao … mai kisi ko bhejta hu ….

itna keh kar uncle chale gaye … mai uthkar galiyare ke paas khada ho gaya …

5 min. 10 min. 15 min. 20 min. beet gaye … per na uncle aaye aur na koi aadmi jo mujhe room bata sake …
maine socha kyu na bhabhi se bolu … per wo bhi kahi nahi dikhi … shayad apne pariwar walo se baat karne me busy hogi ….
yaha aaye 1 ghanta beet chuka tha .. per kisi ne mujhe ek glass pani ka bhi nahi pucha ….

dusro ka kya dosh du … jab apni bhabhi hi mera sudh na le .. to mai kaha jaau … kisse kahu … ki mujhe pyaas lagi hai mujhe pani do …

shayad sab mere hi karmo ka natija hai ki koi bhi mujhe yaad rakhne ki cheej hi nahi samajhta …

mai chup chap usi galiyare ke paas hi khada raha … log aate jate mujh per ek nazar dalte aur chale jate …
aaj bhari mehfil me khud ko bahut hi akela mehsus kar raha tha …

kafi der tak chup chap khade rehne ke baad bhi jab kisi ka dhyan mujh per nahi gaya to mera dimag garam hone laga …

tabhi mujhe aacharya chanakya ki ek baat yaad aayi …
” ki duniya me sirf do tarah ke log hi Jane jate hai .. pehla wo jo bahut acche kaam karta hai .. aur dusra wo jo bure kaam karta hai … ”

ab bhala mai accha kaam to karne se raha … waise bhi bure kaam karna aasan hota hai …

maine soch liya ki ab mai kuch aisa karunga jisse sabka dhyan mujh per hi ho …

mai waha se seedha us room me gaya jaha wo ladkiya thi … mai jaise hi room me gaya … ekdum se khamoshi cha gai … sari ladkiya mujhe hi dekh rahi thi …

MAI — kya hua … kabhi koi ladka nahi dekha kya …

fir bhi koi kuch nahi bola …
MAI — chalo .. tum sab jaao yaha se .. ab ye mera room hai …

tabhi unme se ek ladki boli …
LADKI — ji nahi .. ye hamara kamra hai … aap jaao …
MAI — pehle tha … ab ye mera hai ..

LADKI — hum kahi nahi Jane wale ..

MAI — aachi baat hai … mat jaao … baad me mujhe dosh mat dena ..

itna keh kar maine apni jacket utar di … fir shirt bhi utar di …
sari ladkiya khadi ho gai … fir jaise hi maine apni baniyan utari … sari ladkiya room se aise bhagi jaise ki unke peeche khula saand pad gaya ho …

mere chare per ek vijayi mushkaan phail gai …
MAI (man me)— mujhse panga lene chali thi .. janti nahi mai kya cheej hu …

meri peeth darwaje ki taraf thi … jaise hi mai fir se baniyan pehanne ko hua ki mujhe ek zordar zhatka laga …

kisi ladki ne mujhe peeche se apni baho me kas liya …
waah .. kya naram badan tha uska … uski garam saanse jab mere kandhe per padte to pure jism me ek alag hi josh bhar jata ….
uske gore gore haath mere seene ko sehla rahe the …
meri to halat hi kharab ho rahi thi …

mai madhoshi me bola …
MAI — are meri jaan … pehle darwaja to band kar do …

lekin wo kuch na boli … mere kandhe per dheere -2 kis karne lagi ….

MAI — are janeman … peeche se hi maja dogi .. Zara samne to aa …

itna keh kar mai hi uski taraf palat gaya ..

kasam se meri to puri buniyad hi hill gai …. sara josh thanda ho gaya … aisa lag raha tha ki abhi dharti fat jaye aur mai usme sama jaau …
kyuki samne jo cheej thi … wo na to ladki thi aur na ladka … beech ka item tha … jo mujhse buri tarah lipta pada tha …

MAI — Abe kon hai tu …
WO —- tumhari janeman …

MAI — Abe chhod mujhe … mai us type ka nahi hu …
WO — kaise chhod du mere raja … tumhare jaisa handsome pehli baar mila hai …

MAI — are meri bahan … sorry bhai … plz chhod de … ye galat hai …
WO — pyar me kuch galat nahi hota ..

wo mujhse buri tarah chipki hui thi …mai use alag karne ki bahut kosis ki per kamyabi nahi mili ….ab mujhe apni izzat bachane ke liye sirf ek hi rasta dikh raha tha …

mai gala faad faad kar chillane laga …
MAI — bachao .. bachao .. aur koi to bachao … bhabhi … kaha ho … mujhe bachao ….

kuch hi der me room me bheed ikattha ho gai … bhabhi bhi wahi thi … kisi tarah use mere se alag kiya gaya aur bhabhi mera haath pakad kar dusre room me le gai …

MAI — thanks bhabhi … aaj agar aap time pe nahi aati to mai kisi ko muh dikhane ke kabil nahi rehta …

BHABHI (haste hue)— kya jarurat thi uske samne nange hone ki …
MAI — uske samne kaha hua tha … kuch ladkiyo ko room se bhagane ke liye bas aise hi ho gaya tha … ab mujhe kaha pata is ghar me aise defective pees bhi hai … waise tha kon …

BHABHI — are wo meri bua ki beti hai …

MAI — beti …..
BHABHI — sorry … beta ..
MAI — beta …..

BHABHI — are ab jo bhi hai … pooja naam hai uska … Delhi me kisi hostel me reh kar padh rahi hai … tumhari usse ye pehli mulakat hai …

MAI — badi zordar mulakat thi … ab to usse Bach ke hi rehna padega ….

khair maine kapde pehne … fir bhabhi ne mujhe nashta karaya … uske baad mai usi room me let kar aaram karne laga …

abhi abhi ek aatmghati hamle se bachne ke baad mai thoda relax feel kar hi raha tha ki aur ek jaan leva ghatna mere saath ghati … usse se badi …

bhabhi ne meri izzat bachai .. fir khana bhi khilaya … uske baad mai wahi bed per let gaya …

mai aankh band kiye leta hua tha .. abhi 10 min. bhi nahi hue the ki koi mujhe buri tarah se hilate hue bola …

” oye … saand .. abhi se so raha hai .. uth zaldi se . ”

ye aawaj sunte hi mujhe pata chal gaya ki ye seema hai … mai aankh band kiye hue hi bola …

MAI — sone de na mooti …. bahut thak gaya hu …
SEEMA — nahi … bilkul nahi … itne dino baad tujhse mil rahi hu .. dhero baate kari hai .. aur tu hai ki so raha hai …

MAI — yaar baad me baat kar Lena …
SEEMA — tu uth raha hai ki nahi .. ya mai pani dalu …

ye sunte hi mai turant uth kar baith gaya .. kyuki seema ne pehle bhi aisi harkat ki thi … uska koi bharosa nahi …

MAI — le .. uth gaya … ab bol kya baate karni hai …

SEEMA — pehle ye bata ki itni der ho gai tujhe yaha aaye hue … lekin ek baar bhi tu mujhse kyu nahi mila … aur aate hi kand kar diya …

ye keh kar seema hasne lagi …
MAI — oye bhais has mat … tujhe kya pata meri kya halat hui thi … aisi cheej ko tum log khula kyu chhod dete ho … bandh ke rakhna chahiye …

SEEMA — bacchu .. ab Zara bach ke rehna … tu bhi yahi hai aur wo bhi … kahi mauka dekh kar chauka na maar de wo …
MAI — wo to hai .. khair use chhod .. aur ye bata .. tera hone wala bail karta kya hai … aur kaha rehta hai …

SEEMA — oye … unhe bail kyu bol raha hai … bahut acche insaan hai wo … railway me naukari karte hai … Lucknow ke rehne wale hai …
MAI — tujhe bhi ek sarkari naukar hi mila … khair Jane de … ab to tu Lucknow wali ho gai …

SEEMA — meri chhod … apni bata … didi keh rahi thi ki tere liye bhi ek ladki dekhi hai … kya naam hai uska … kaisi dikhti hai …

seema ka ye puchna tha ki nahi .. bhabhi ander aa gai …
BHABHI — seema … uska naam meera hai … aur wo dikhti kaisi hai .. ye tu khud dekh le …

itna keh kar bhabhi ne darwaje per kisi ko ander aane ka ishara kiya …
mai aur seema hairani se darwaje ki or dekh rahe the …

ki tabhi meera room me aayi … use dekhte hi mai uchal kar khada ho gaya … seema bhi khadi ho gai … aur aascharya se kabhi mujhe .. kabhi bhabhi ko .. to kabhi meera ko dekh rahi thi …

mai to bas hairan ,pareshan sa meera ko hi dekhe ja raha tha … dimag ne to jaise kaam karna hi band kar diya tha …

SEEMA — didi … ye ……
BHABHI — ye hi hai meera … nikku ki hone wali biwi … ab bol kaisi hai …

seema uske paas Jake use gale lagati hui boli …
SEEMA — bahut sundar hai didi … bilkul kisi pari ki tarah …

sach kahu dosto us waqt mere muh se koi aawaj hi nahi nikal rahi thi … but ban chuka tha …

bhabhi ne meera ko seema ke saath apne room me bhej diya .. aur mere paas aa kar boli …

BHABHI — kaisa laga surprise .

MAI — surprise .. ya shock ….
BHABHI — maine to surprise hi diya … ab tujhe shock laga to mai kya karu …

MAI — aapne hi ise yaha bulaya hai na .. kyu … is tension se relax hone ke liye mai yaha aaya tha .. per aapne to usi tension ki jad ko hi mere samne lakar khada kar diya ….

BHABHI — taki tum dono aachi tarah ek dusre ko jaan sako … samajh sako …. nikku wo itni bhi buri nahi hai jitna tu samajhta hai …

MAI — aacha .. to ab aap mujhe uske bare me batayengi … mai use bahut aachi tarah se janta hu … sali ek number ki kamini hai …

bas itna hi bol paya tha ki bhabhi ne ek zordar thappad mere gaal per raseed kar diya …

BHABHI — aurto ki izzat karna seekh … gali dena bahut aasan hai na tumhare liye … kabhi sammaan dekar dekh … itna bhi muskil nahi hai … hum aurat bhi insaan hai .. dard hame bhi hota hai … ye jo tum log baar baar mard hone ka ahsaas hum aurto ko dikhate ho na … yaad rakhna hum aurto se tum mardo ka vajood hai … mana ki tu meera ko pasand nahi karta … per tujhe usko gali dene ka bhi koi haq nahi hai …

bhabhi gusse se mujhe bura bhala bole ja rahi thi … aur mai chup chap unki baato ko sune ja raha tha … ye pehli baar tha jab bhabhi ne mujh per haath uthaya tha …
bhabhi ke haath se thappad khane ka mujhe Zara sa bhi dukh nahi tha … lekin itne saal saath me rehne ke baad bhi bhabhi mujhe samajh nahi payi … is baat ne mujhe tod diya tha …

mana ki mai ek aawara .. beparwaah .. baddimag ladka hu .. per mai kisi ki izzat nahi karta .. ye galat hai …
jo mujhe is duniya me layi .. jise mai maa kehta hu .. wo ek aurat hi to hai …
jise mai apni jaan se zyada pyar karta hu .. jo mere liye sab kuch hai .. meri dadi … wo bhi ek aurat hai …

to bhala mai kisi bhi aurat ki beizzati kaise kar sakta hu .. nikal jata hai muh se galat shabdh jab insaan gusse me hota hai … us waqt uski sochne samajhne ki shakti khatam ho jati hai … ye baat bhabhi ko samajhni chahiye thi … per wo to mujhe hi khari khoti sunaye ja rahi thi ….

apne aap hi meri aankho se aanshu behne lage …mai dheere se unhe bola …

MAI — bhabhi … aap mujhe kabhi samajh hi nahi payi ..

mere itna bolte hi bhabhi chup ho gai … aur ek tak meri aankho se girte aanshuo ko dekhne lagi …

mujhse ab aur waha ruka na gaya … aur mai ghar se bahar nikal gaya ..

mai udaas man se bahar nikal gaya … aur ek or chalne laga …

pata nahi mai kaha ja raha tha .. lekin bas chalta chala ja raha tha …
thodi dur Jane ke baad mujhe ek talab dikhai pada .. mai usi talaab ke kinare baith gaya …

din dhal raha tha … shaam hone wali thi … mai apne vichlit man ko talaab ke shant pani ki tarah shant karne ki kosis kar raha tha .. per baar baar nakamiyaab rehta …

bhabhi mujhe samajh nahi payi .. ye khayal aate hi mera dil bechain ho uthta …
mai abhi apni hi soch me tha ki koi mere bagal me aake baith gaya … maine jaise hi nazre ghuma ke uski or dekha to mere pure tan badan me aag lag gai … kyuki wo meera thi …

MAI (gusse se)— tum … ab yaha kya lene aayi ho … jaao yaha se …
MEERA — kyu … ye tumhari property hai …

MAI — agar hoti .. to yaha aane se pehle hi goli maar deta …
MEERA — oh .. i am sorry .. tumhari ye iccha puri na ho saki … ab kya karoge ..

MAI — dekho ek to mai waise hi pareshan hu .. ab aur dimag kharab mat karo …
MEERA — warna kya … ek to gali mujhe di … aur upar se ro khud rahe ho …

MAI — dekho … mai abhi faltu ki baat nahi karna chahta …
MEERA — mai yaha tumse koi baat karne nahi aayi hu … balki ye batane aayi ki jis tarah tumne gusse me aakar mujhe gali di … usi tarah bhabhi ne bhi gusse me aakar tum per haath uthaya … isme galat kya hai … aakhir wo tumhari bhabhi hai … itna haq to banta hai …

MAI — mere bhabhi mujhe thappad mare ya jaan se mare … tum beech me mat aao …
MEERA — mujhe koi shook nahi tum dono ke beech me aane ka .. mai to bas ye keh rahi hu .. ki tum bina kuch bole .. gusse me yaha aa gaye ho .. to socho udhar bhabhi ka kya haal hua hoga …

mera itna sunna tha ki nahi mera sara dard hawa ho gaya … ab mujhe bhabhi ki chinta satane lagi …
mai turant khada ho gaya .. aur ghar ki tarah daudne laga …
tabhi meera peeche se chillate hue boli ….

MEERA — oye duffer .. mujhe yaha akele chhod kar bhage ja rahe ho … kam se kam apni dusmani ka to lehaaj karo …

mai man me socha .. jiski wajah se ye panga hua .. agar usi ko yaha chhod kar chala gaya to bhabhi sach me meri jaan le legi …
mai ruk gaya … aur peeche mudkar bola …
MAI — are to zaldi chalo na … ye kya ladkiyo jaisi chal rahi ho ..
MEERA — idiot … mai ladki hi hu …

asal me dosto mai itni zaldi me tha ki kuch samajh me nahi aa raha tha ki mai kya bol raha hu … mujhe zald se zald bhabhi ke paas jana tha …

khair kuch der me hum ghar pahuc gaye … mai seedhe usi room me gaya jaha mai tha …
bhabhi abhi bhi usi room me thi … bed per sar zhukaye baithi thi …
mai dheere se unke paas gaya aur bola …

MAI — bhabhi …
meri aawaj sunkar bhabhi ne apna sar upar kiya to kasam se mai hill gaya ..
bhabhi ro rahi thi …
MAI — sorry bhabhi … mujhe maaf kar do … bahut bada paap ho gaya mujhse .. aapko rulaya … bahut bura hu mai .. bahut bura ….

bhabhi khadi hui aur mere gale lagti hui boli …
BHABHI — kyu karta hai tu ye sab … kyu chala gaya tha tu mujhe chhod ke … pata hai mai kitna dar gai thi … meri thappad ka itna bura lag gaya tujhe … kya mera tujh per itna bhi haq nahi hai …

MAI — aapka mujh per pura haq hai bhabhi … aap chahe meri jaan bhi le lo .. mai uff tak nahi karunga … per plz apne aanshu ponch lo … ye mujhse bardast nahi hote …

BHABHI — to fir rulata hi kyu hai …

maine apne haatho se bhabhi ke aanshu ponche .. aur bola ..
MAI — hamesha hasti raha karo .. aap haste hue bahut aachi lagti ho …

BHABHI — pehle promise kar ki fir kabhi mujhe akele chhod kar nahi jayega …

MAI — akele kaha … aapka pura pariwar hai ye. . aapka ghar hai ye …
BHABHI — kisi bhi aurat ka mayka uska ghar nahi hota … uske pati ka ghar hi uska asli ghar hota hai … saadi se pehle wo apne pita ke ghar sirf mehmaan hoti hai … isiliye unhe paraya dhan kehte hai …

MAI — aacha … ye to mujhe pata hi nahi tha …
BHABHI — hat badmas …

hum baate kar hi rahe the ki waha seema aa gai aur saath me meera bhi …
SEEMA — agar devar – bhabhi ka pyar khatam ho gaya ho to didi chale .. khana bhi banana hai …

BHABHI — nazar mat laga hamare pyar ko … chal bahar …

itna keh kar bhabhi aur seema chali gai … unke jate hi meera mere paas aayi aur boli …
MEERA — tum itni pyari baate bhi kar sakte ho .. ye aaj mujhe pata chala …

itna keh kar wo muskurati hui bahar chali gai …
maine meera ki baato ko ignore kiya aur bed pe let gaya … per kuch hi der me mai bore hone laga to uth kar samne wale aangan me chala gaya … to dekha waha ghar ki sari aurate ek saath khana banane me lagi hai … mujhe dekhte hi bhabhi boli …
BHABHI — nikku … peeche wale aangan me chala ja … sabhi mard wahi hai … tu bhi wahi baith …

mai turant peeche wale aangan me chala gaya … sabhi wahi mile … sab baato me magan the … mai bhi wahi baith kar unki baate sunne laga …
ab unki baato ke bare me kya bolu … jis cheej se unki 7 pusto se koi lena dena nahi hai … uske bare me aise baat karte hai jaise ki unki izzat dao pe lagi ho …
sale ek mamuli hawaldar se lekar p.m. tak baithe -2 hila dete hai …

ek aadmi bola … hamare modi sahab bahut aacha kaam kar rahe hai … ek din pure bharat ko chamka denge …

tabhi ek Buddha bol pada … kya khaak aacha kaam kar rahe hai … hamesha to videsh ka daura karte rehte hai … apne desh me kya chal raha hai koi khabar hi nahi lete … na Jane kitne log berojgar ghoom rahe hai … kisi ko naukari nahi milti …

buddhe ki baat sun kar meri to laal hi ho gai … is samay naukari na Milne ka ek hi karan hai … badhi hui aabadi … aur ye jansankhya badhai kisne …. in buddho ne … salo ke time per TV vagehra to hote nahi the … to manoranjan ke liye inke paas bas ek hi kaam rehta … apni biwi ke saath bistar per kushti ladne ka …. din me kaam karo .. raat me kushti lado … fir production pe production nikalo …
us jamane me ek aadmi ke 4-5 aulade to fix hoti hi thi …
kahi kahi to competition chalta tha …
meri 5 aulaade… meri 6 aulaade … to koi seena cahuda karke kehta … meri 7 aulaade hai aur aathvi aane wali hai …

us waqt inka maza .. aaj hum logo ki saza ban gai hai … jansankhya itni badh gai ki aaj ek naukari ke liye … hazaro logo ki line lag jati hai …

khair jo ho gaya use badla to ja nahi sakta … jaisa chal raha hai chalne dete hai …
unki baato ne ab mera dimag kharab kar diya tha .. man to kar raha tha ki kuch aisa bol du ki salo ka muh kutto jaisa ban jaye … fir bhabhi ka khayal aaya to shant ho gaya ….

khair unki baate zyada nahi sunni padi … kyuki khane ka bulawa aa gaya .. aur sabhi samne wale aangan me chale gaye ….

ghar ke samne wale aangan me khane ka arrangement kiya gaya tha …

zameen per dari (mat) bicha diya gaya .. aur sabhi log usme baith gaye …
sabhi line se baithe hue the … mai bhi ek unke beech adject ho gaya …

saadi ke ghar me is tarah khana khane ka ek alag hi maza hai … khane ke saath -2 hasi mazak bhi hota rehta hai …

khilane ki jimmedari bhabhi ,suman ,meera aur wo Pancho ladkiyo se sambhali …
pooja bhi wahi baithi thi … per mujhse bahut dur thi .. wo gusse se mujhe ghoore ja rahi thi …

mai man hi man socha ..
MAI — sali apni kismat hi aisi hai .. koi ladki bhaw hi nahi deti .. aur jo de rahi hai … wo meri sehat ke liye hanikarak hai …

khair maine pooja se apna dhyan hataya aur khane per focus kiya …
ek ladki sabhi ke samne pattal ( patte se bani hui thali) rakh rahi thi … aur ek ladki disposal glass de rahi thi …

bhabhi sabzi dal gai … aur usi ke peeche meera pudi rakh gai …
waise to mai apne dusman ke haath ka pani bhi na piyu .. per abhi kuch karna theek nahi tha … to mai chup chap khane laga …

do type ki sabzi thi … ek aalu gobhi … aur ek baingan ki sabzi … khuda kasam mujhe baingan se badi chid hai .. sala koi test hi nahi milta … pata nahi log kaise kha lete hai …
bhabhi ko meri pasand pata thi … to unhone mujhe baingan nahi diya …
per ye meera bai … ek alag hi cheej hai …
baingan ki sabzi lekar mere paas aayi aur meri thali me dalkar boli …

MEERA — chup chap kha lo … khane ki kisi bhi cheej ko mana nahi karte … paap lagta hai …

man kiya ki thali utha kar usi ke muh me pel du … lekin khunkhaar nazro se ghoorne ke alawa aur kuch na kar saka …
ek cheej maine gaur ki .. meera sirf bhabhi ke alawa aur kisi ko mere paas aane nahi de rahi thi … mujhe kisi bhi cheej ki jarurat hoti to meera hi lekar aati …

jaise taise khana khatam hua … sabhi apna apna pattal utha ke bahar chale gaye .. per jab mai apna pattal uthane gaya to bhabhi ne mata kar diya ..

BHABHI — nikku .. tu rehne de .. mai phenk dungi ..

mai aise hi uth gaya aur haath dho kar room me chala gaya …

tabhi waha meera bhi aa gai …
MEERA — kaisi lagi baingan ki sabzi …

MAI (gusse se )— mujhe baingan pasand nahi .. fir bhi tumne zabardasti kyu di …

MEERA — tumhari problem kya hai … har waqt mujhse ladne ko ready rehte ho …
MAI — kyuki tumhe dekhte hi mujhe gussa aa jata hai … sar fatne lagta hai …

MEERA — kabhi pyar se bhi baat kar liya karo …
MAI — pyar se aur wo bhi tum se … bhool jaao …

MEERA — apni hone wali biwi se pyar se baat karne me saram aati hai ..

MAI — oye … mai aur tujhse saadi … pagal hai kya … duniya me tu agar aakhari ladki bhi hoti .. fir bhi mai tujhse saadi nahi karta …
MEERA — soch lo … kahi baad me pachtana na pad jaye …

mai kuch kehta … tabhi chote chacha aa gaye … aur bole …

CHOTE CHACHA — nikhil beta … sabhi mardo ke liye peeche wale aangan me sone ka intejam hai … chalo wahi …

mai meera ko ghoorta hua bahar nikal gaya … aur chacha ke saath aangan me chala gaya …

intejam aacha tha … zameen per mote -2 gadde bichaye gaye the … aur odhne ke liye saaf rajai thi … mai ek kona pakad kar so gaya …

meri good night to theek rahi per good morning behad buri .. itni buri .. ki aap soch bhi nahi sakte …

mai gehri neend me soya hua tha .. ki kisi ne mujhe jhanjhor kar jaga diya …

mai aankh malte hue jagane wale ko dekha to paya ki wo chote chacha the …

maine aas paas dekha to pata chala ki waha koi nahi hai .. sirf mai aur chacha …

bahar abhi bhi andhera tha … to sale baki sab kaha hai ..
mai abhi soch hi raha tha ki chacha bole ..
C . CHACHA — utho beta subah ho gai .. MAI — kya … per abhi to andhera hai …
C. CHACHA — beta 5 baj gaye hai … aur sabhi log samne wale angan me hai … tumhe bhi bulaya ja raha hai …

MAI — kyu .. aisa kya hua …
C . CHACHA — chalo to sahi sab pata chal jayega …

hadd hai yaar .. ek to 5 baje jaga diya .. ab upar se samne wale aangan me jaao .. itni subah subah kon si emergency ho gai …
khair mai chacha ke saath aangan me gaya … to dekha ghar ke sabhi log aangan me khade the .. aur bhabhi ke dada ji sabse aage hamari taraf muh karke khade the .. mujhe matter kuch samajh me nahi aaya .. to bhabhi ke paas Jake khada ho gaya …

MAI — bhabhi .. ye chakkar kya hai ..
BHABHI — are kuch nahi … pichle 7-8 mahino se dada ji ne ek naya niyam nikala hai .. sabhi log subah 5 baje is aangan me ikattha honge .. fir dada ji gayatri mantra bolenge .. aur unke saath -2 sabhi ko bolna hai …

bhabhi ne abhi itna hi bola tha ki tabhi Buddha suru ho gaya … aur unke peeche -2 sabhi log …
mai beech me chup chap khada soch raha tha ki sirf mere buddhe ka hi dimag kharab nahi hua hai … ye umar hi aisi hai ki sabhi buddho ka mansik santulan hil jata hai … warna koi thand me subah 5 baje sabhi ko jaga kar gayatri mantra bulwata hai …

jaise hi mantra khatam hua … ki do ladki haatho me bade bade thaal liye .. sabko kuch de rahi thi …
mai man hi man khus ho gaya ki chalo kam se kam chai to mili … maine bhi ek glass utha liya … aur jaise hi pehli ghoot bhari … kasam se mere sar ke Baal khade ho gaye … aatma to mano mere peeche ke raste bahar nikalna chahti thi … maine to pura dum laga ke use rok rakkha tha ..

itni kadvi cheej … maine aaj tak nahi pi … sala zahar bhi itna kadva nahi hoga …

maine kutte jaise muh bana kar bhabhi se pucha …
MAI — kya hai ye …
BHABHI — neem ki patti ka ras … dada ji kehte hai ki isse pet saaf rehta hai …

kasam se mera man kar raha tha ki Jake us buddhe ke sar ke baal noch lu … per is waqt aisa karna theek nahi tha …

peene ke baad sabhi log ghar se bahar Jane lage … mai bhi chal diya …
bahar Jake dekha .. mard log ek tarah ja rahe the aur aurate ek taraf … bhabhi bhi un aurto ke saath Jane lagi … ab ye kya chakkar hai … sab ja kaha rahe hai … tabhi chacha bagal se nikle to maine pucha …

MAI — chacha .. ab kya hua .. sab kaha ja rahe hai ..

CHACHA — are sab 2 no. karne kheto me ja rahe hai .. tu bhi chal …

ab sala ek aur bawal …
MAI — kya .. kheto me .. ghar me toilet nahi hai kya …

CHACHA — beta .. ye gaav hai .. yaha sabhi log kheto me hi jate hai ..

itna keh kar wo mera haath pakad kar le gaye … aur ek jhaad ke paas baitha diya … aur khud thoda aage Jake baith gaye …
ab aap log khud sochiye … itne thand me .. itne andhere me .. jhaad ke paas baithne se bhala pressure banta hai kya .. upar se saanp , bicchu ka khatra alag … pata nahi kaha se nikal kar kaha kaat le …
khair upar wala thoda maharbaan hua … pressure ban gaya … aur meri utar gai … man ko badi shanti mili ….

per ek aur problem samne khadi ho gai … sala dhou kisse … pani to hai hi nahi …

maine usi tarah baithe hue .. chacha ko aawaj lagai …

MAI — chacha … o .. chacha ..

tabhi mere peeche baitha ek aadmi gurrate hue bola …
AADMI — kya kar rahe ho … abhi abhi pressure bana tha .. band ho gaya …

MAI — are .. ab doubt hai to clear nahi karunga kya …
itna keh kar mai khada ho gaya … to thodi dur se chacha bole …

CHACHA — kya hua … khade kyu ho gaye …
MAI — mera ho gaya … ab dhou kaise … pani nahi hai …

CHACHA — jab talab me nahane jayenge tab dho Lena … abhi patte se saaf kar lo …

ab ye din bhi dekhna reh gaya tha … patte se saaf karu … chee … isse aacha to aise hi baitha rahu …

yahi soch kar mai baitha raha … na Jane baithe baithe kaise meri aankh lag gai …

subah jab makkhiya meri naak me ghusne lagi tab Jake meri neend tuti ….

maine aankh kholte hi charo or nazar dali … mere alawa waha koi nahi tha …

MAI — abe sab gaye kaha … shayad talab gaye honge …
ye soch kar mai bhi talab chala gaya … aur jaisa socha tha wahi hua …

sare kameene wahi nahate mile … mujhe dekh chacha bole … aajaao nikhil …. Naha lo …

MAI — Naha to lu .. per kapde kaise badlu … wo to ghar per hai …
CHACHA — are gamcha (dehati towel ) lapet Lena …

maine socha ab ye hi ek rasta bacha hai .. ye hi karna padega …
mai bhi kood pada talab me …

Naha kar gamcha lapet kar hum sabhi ghar aa gaye … mai zaldi se room me gaya aur kapde pahan liye …

kapde pehna hi tha ki bhabhi chai lekar aa gai …
kehte hai na ” doodh ka jala .. chaach bhi fook -2 kar pita hai ” …

mai peene se pehle chai ka acchi tarah se muayna kar raha tha ki chai ke saath aur kuch to nahi milaya gaya .. us buddhe ka koi bharosa nahi .. pata nahi ab kon sa niyam laga rakkha ho …

mujhe is tarah chai ka parikchan karte dekh bhabhi hans padi … aur boli . .
BHABHI — pi le … ye asli me chai hai … isme kuch nahi milaya gaya …

MAI — check karna to padega hi … buddhe ka koi bharosa nahi ..
BHABHI — marungi … mere dada ji hai wo …
MAI — aise dada ji aapko hi Mubarak … mere liye ek hi kafi hai …

ye keh kar mai bed pe baith gaya aur chai peene laga …
BHABHI — tu chai pi .. tab tak mai nashte ka intejam karti hu …

itna keh kar bhabhi bahar chali gai … mai aaram se chai ka maza lene laga …

abhi meri chai khatam hi hui thi ki meera aa gai … haatho me nashte ki plate liye …

MEERA — ligiye .. prannaath .. nashta kariye. ..
MAI — mujhe nahi karna tera laya hua nashta … pata nahi kya mila kar layi hogi …

MEERA — are aap meri hone wale pati permeshwar hai … bhala mai aapko koi nuksaan pahucha sakti hu kya …

MAI — oye … ye kya tab se prannaath , pati permeshwar laga rakkha hai … dimag kharab ho gaya hai kya ..

MEERA (hasti hui)— kyu .. accha nahi laga .. ok nahi bulati … lekin ye nashta to kar lo …

maine uske haath se plat le li .. aur nashta karne laga … meera ek tak mujhe dekhti rahi …
mujhe bada odd feel ho raha tha … to mai jhunjlate hue bola …

MAI — kya hai … ghoor kyu rahi ho ..
MEERA — wo … tumse ek kaam tha …

MAI — haa … ab aaya tera asli maksad samne … mujhe pata tha .. tujhe koi kaam jaroor nikalwana hoga mujhse … tabhi teri nautanki chal rahi thi … bol kya kaam hai …

MEERA — mujhe shopping karni hai …

MAI — to mai kya karu … ja kar Jake …

MEERA — aur tum mere saath chaloge ..
MAI — mujhe kisi pagal kutte ne kanta hai … jo tere saath jaau … nahi jaunga … kisi aur ke saath ja …

MEERA — mai tumse puch nahi rahi hu … bata rahi hu … ki tum mere saath chaloge … aisa bhabhi ne bola hai …

mai man me sochne laga ki yaar ye sach me meri hi bhabhi hai … ya iski … har waqt iska saath deti hai …

meera fir boli …
MEERA — kya hua .. kya sochne lage … chaloge na …

maine plate side me rakkha aur khada ho kar bola …
MAI — chahe koi bhi bole … mai tere saath kahi nahi Jane wala …

itna keh kar mai bahar nikalne ko hua ki tabhi meera fir boli …

MEERA — kyu .. dar rahe ho kya ..

mere kadam ruk gaye … mai uski taraf palat aur bola …
MAI — mai bhala tujhse kyu darne laga …

wo muskurati hui boli …
MEERA — wo isliye .. ki kahi tumhe mujhse pyar na ho jaye …

ab to baat izzat pe aa gai thi … agar nahi jaau to meera ye hi samjhegi ki dar raha hu …
darna meri fitrat me nahi … use galat sabit karne ke liye mujhe uske saath Jana hi padega …
per ek samasya thi .. sahar yaha se 20 km dur hai … to jaau kaise …

MAI — theek hai chal … lekin jayenge kaise … bike yaha hai nahi … aur tractor mujhe chalani aati nahi …

MEERA — tum tension mat lo … bhabhi ne chote chacha ko bol diya hai .. unhone ek bike ka intejam kar liya hai …

mera ye plan bhi fail ho gaya … khair ab to Jana hi padega …

hum dono bhabhi ko bol ke jaise hi bahar nikle … to meri nazar bike per padi … sorry -2 bike kehna uski beizzati hogi … kyuki wo ek asli mardo wali gadi thi …

ROYAL ENFIELD classic 350 … ek real saahi sawari … jisme baithte hi sahansaaho wali feeling aati hai … iske aage to har bike cheeni kam chai hai … jab rod per chalti hai to log palat kar jaroor dekhte hai …

bullet dekhte hi mai khus ho gaya … aur hota bhi kyu nahi … meri dream bike jo thi …

mujhe khus hota dekh … meera dheere se mere kaan me boli ..

MEERA — isko chalane me aur bhi maza aata hai …

mai uski taraf ghoora to wo fir se boli …
MEERA — chale … warna late ho jayenge …

mai kuch nahi bola … aur Jake bike start ki … waah .. kya aawaj thi … dil khus ho gaya …
meera peeche baith gayi … aur maine bike aage badha di .

hum dono ghar se kafi dur nikal aaye the ..

meera mujh se bilkul chipak ke baithi thi … per mera dhyan to bike per hi tha .. mujhe jo khusi mil rahi thi … use shabdo me bayan nahi kar sakta ..

lekin use waqt meera ne meri sari khusiyo ko tabah kar diya ..
apni kauwe jaisi aawaj me boli …

MEERA — nikhil .. mujhe pyaas lagi hai …

mai chidhte hue bola ..
MAI — thoda ruk … abhi aage ek nadi aane wali hai .. mai usme tujhe dhakel dunga … jee bhar ke pani pi Lena …

MEERA — are sach me mujhe pyaas lagi hai …
MAI — to mai kya karu … ghar se pi ke chalna chahiye tha …

MEERA — plz. kahi roko na ..

itni aachi speed me ja raha tha .. abhi pyaas lagni thi ise … mera rukne ka bilkul bhi man nahi tha .. lekin rukna to padega hi . warna agar is chuhiya ne bhabhi ke samne ugal diya .. to meri khair nahi …

majboor hoke maine ek dhabe ke paas gadi roki …

MAI — ja .. Jake pi le …

wo utri aur boli ..
MEERA — 20 rs. laao …bottle leni hai ..

MAI — bottle ki kya jarurat hai .. samne table pe jug rakkha hai .. use utha kar pi le …
MEERA — nahi wo bahut ganda hai .. theek se dhote bhi nahi hai … agar wo pi liya to pakka bimar pad jaungi .. mujhe to bottle hi leni hai …

ye ladkiya bhi na .. sach me dimag ki aadhi hi hoti hai .. bahar ka chawmeen, burgur , momos , gol gappe .. ye sab khane ke liye marti hai .. lekin jab pani pine ki bari aati hai to duniya bhar ke kanoon pel deti hai … ki ganda hai .. bahut kitanu hote hai … pi liya to bimar pad jaungi …

per 5 gol gappe ke saath jo 50 gm dhool muft me khati hai … usse koi farak nahi padta …

MAI — pyaas tujhe lagi hai .. to tu khareed .. mai paise kyu du …
MEERA — mere paas chutte nahi hai … udhaar hi de do .. baad me wapas kar dungi …

MAI — wo to karna hi padega … kyuki tere upar mai ek rs. bhi kharch nahi karunga …

ye keh kar maine apni jeb se 20 ka note nikal kar use de diya …
meera zaldi se ander gai aur ek pani ki bottle le aayi …

pani peene ke baad hum fir se chal pade ….

ab mai seedhe sahar me hi Jake ruka …

maine ek garment shop ke paas bike roki … use dekhte hi meera ne apna naak sukod liya … aur boli …

MEERA — chee .. ye bhi koi shop hai … yaha dhang ka to kuch bhi nahi milega … kahi aur chalo …

maine order follow karte hue … bike aage badha li … thodi der baad mujhe ek aur dukan dikhi .. maine bike wahi rok di …
meera fir boli …
MEERA — yaha bhi dhang ka kuch nahi milega … kahi aur chalo …

mera dimag kharab ho gaya …
MAI — tu yaha baithe -2 kaise bol sakti hai ki kuch milega ki nahi … ander jayegi nahi to pata kaise chalega …

MEERA — are mai bol rahi hu na … yaha bhi kuch nahi milega .. meri pasand ka .. shop ki condition batati hai ki kis dukan me kaisi variety hai … dusri dukan chalo …

hadd hoti hai in ladkiyo ki … hum ladke to inse bahut best hai … kisi bhi shop me ghuse … nikalte tabhi hai jab kuch na kuch khareed nahi lete … bhale chaddhi hi kyu na ho … ab bechara dukandaar … itni mehnat se ek ek kapda khol kar hame dikhata hai … ab agar hum kuch na le .. to use kitna bura lagega … yahi soch agar ladkiyo me aa jaye .. to duniya hi badal jayegi … lekin inhe samjhaye kon …

ab to maine kasam kha liya ki mai khud kahi nahi rokunga … jab ye bolegi tabhi rukunga …

thoda aage Jane per ek aur shop dikhi to meera ne mujhe rukne ko bola .. mai shop ke samne bike rok di …
meera ander gai … mai bahar uska wait karne laga …

kareeb aadhe ghante baad wo nikli .. per khali haath …
bike me baithti hui boli ..

MEERA — chalo … yaha kuch bhi pasand nahi aaya …

maine bike fir se aage badha di …

is tarah se 5 dukan nikal gaye … har baar meera khali haath hi aati … is baar jab usne bola ki dusri dukan me chalo .. to kasam se mera dimag ubal gaya …

MAI — kya tab se nautanki kar rahi hai … itne dukan dekh liye … tujhe kuch pasand hi nahi aata …
MEERA — isme mai kya kar sakti hu .. agar pasand na aaye to .. chalo na ..

MAI — oye .. mai tera driver nahi hu .. jo tab se hukum de rahi hai ..
MEERA — itne pyar se bol rahi hu … hukum kaha de rahi hu … yahi rukna hai to raho … meri liye hi accha hai … aur der tak tumse chipak ke baith sakti hu …

itna keh kar meera ne mujhe peeche se apni baaho me bhar liya …
maine zaldi se uske haath zhatak diye .. aur bola ..

MAI — ye kya kar rahi hai .. pagal hai kya … sharam nahi aati sare aam aisi harkat karte hue … asleel ladki …

ye keh kar maine bike start ki aur aage badh gaya …

thodi dur Jane ke baad ek bahut badi garment shop mili … to maine waha bike roki aur bola …

MAI — ye tera last option hai … agar yaha se tu khali haath lauti .. wo ghar wapas …
meera ne bina kuch jawab diye .. ander chali gai … aur mai bahar uske nikalne ka wait karne laga …

kareeb ek ghanta beet gaya … per wo nahi aayi … mujhe thodi shanti mili .. ki chalo yaha use kuch pasand to aaya …

tabhi shop me se ek ladki mere paas aayi … kapdo se sells girl lag rahi thi …

SELLS GIRL — sir .. kya aap nikhil hai.
MAI — haa ..
SELLS GIRL — sir .. aapki gf aapko ander bula rahi hai …

ye sunkar to meri laal hi ho gai .. maine sells girl se kuch nahi bola .. aur gusse se ander chala gaya …

dukan bahar se jitni badi thi ander se usse bhi badi thi … kafi log the waha …
mai gusse se meera ko khoj raha tha .. per wo kahi nazar nahi aa rahi thi …

gusse se mera sar fata ja raha tha … ki uski himmat kaise hui .. khud ko meri gf batane ki …

tabhi mujhe samne se meera aati hui dikhi … kasam se dosto .. mera sara gussa hawa ho gaya … use dekhte hi mere muh se dheere se bas ek hi shabdh nikla …..
WAAAAW …

maine jaise hi meera ko dekha to mera muh khula ka khula reh gaya …

badi hi khoobsurat lag rahi thi wo .. khule baal .. jo aadhe uske kandhe se aage ki taraf the … aur aadhe peeche ki taraf ..
kaan ke chote -2 jhumke …
hoontho me halki pink lipstick …
gale me patli si chain ..
itni sunder mujhe wo aaj tak nahi lagi … shayad kabhi us nazar se dekha hi nahi tha …
itna khoobsurat chahra tha ki meri nazar hi nahi hat rahi thi …
per jab meri nazar uske kapdo per padi .. tab Jake mujhe pata chala ki aaj wo mujhe itni haseen kyu lag rahi hai …

darasal usne sadi pehni hui thi … red color ki halki banarasi sadi … kasam se dosto sadi me wo itni pyari lagegi .. ye maine kabhi nahi socha tha …

wo sadi ke pallu ko kandhe pe set karti hui jaise jaise meri taraf aa rahi thi … waise -2 meri dil ki dhadkan thamti ja rahi thi … kaano me kuch kuch hota hai ki music bajne lagi thi … wo to baad me pata chala ki store wale wo music chala rahe the …
aisa lag raha tha .. jaise swarg se koi apsara utar ke chali aa rahi hai …

mai uski khoobsurti me itna kho gaya ki pata hi nahi chala ki kab mera muh khul gaya … wo to meera ki aawaj sunke mujhe hosh aaya …

MEERA (mushkurate hue)— pata hai .. mai bahut khoobsurat lag rahi hu .. lekin iska matlab ye nahi ki tum sabke samne is tarah mujhe ghooro …

uski aawaj ne meri khumari todi …
MAI — chal .. mai tujhe nahi dekh raha tha … wo jo samne ladki khadi hai mai use dekh raha tha …

ab mai bhala kaise ye keh deta ki tum sach me bahut sunder lag rahi ho … sali apni bhi koi izzat hai … itni zaldi kaise haar maan leta … isiliye keh diya ki mai samne wali ladki ko dekh raha tha … waise wo ladki bhi kuch kam nahi thi … per sach kahu to us waqt wo meera ke pairo ki dhool bhi nahi lag rahi thi …

MEERA — tumhe to theek se jhooth bhi bolna nahi aata … tumhari aankhe sab bata rahi thi ki tum kise dekh rahe the ..

MAI — bakwas hai ye … aur ye sadi tum per bilkul aachi nahi lag rahi hai …

MEERA — tab to ye jaroor lungi … tumhe bekar lagi .. matlab aachi lagi … ok .. ab tum jaao … mera ho gaya .. aati hu ..

ye sunkar mai wapas bahar aa gaya … aur sochne laga ki sala ye mujhe ho kya gaya hai .. mujhe us per gussa hona chahiye .. per mai kuch bol hi nahi paya … kahi mai bhi usse pyar to nahi karne laga .. nahi nahi … ye nahi ho sakta .. wo meri dusman hai .. ab uski tarah dekhunga bhi nahi … aur usse keh dunga ki mai usse saadi nahi karna chahta …

mai apni soch me gum tha ki meera aa gai … aur hum wapas ghar ki taraf chal diye …

hum dono shop se nikal kar ghar ki taraf chale ja rahe the …

meera peeche baithi bak bak kiye ja rahi thi .. per uski koi aawaj mere kaano tak nahi pahuc rahi thi .. ya fir mai pahuche hi nahi de raha tha …

mera dhyan to meera ki khoobsurti per tha … abhi kuch der pehle jo kasam khayi thi .. wo khud todne per majboor ho gaya tha …
mai man hi man soch raha tha ki aisa kaise ho sakta hai .. meera ki khoobsurti maine pehle kabhi kyu nahi dekhi … ho sakta hai maine pehle kabhi use goor se dekha hi nahi … use harane ,neecha dikhane ke chakkar me uski khoobsurti mujhse chipi reh gai ho ..
hota hai logo ke saath aisa aksar .. insaan jisse nafrat karta hai .. fir uski laakh acchai use nazar nahi aati …

shayad aisa mere saath bhi hua hoga … lekin meera bhi to mujhse nafrat karti thi … hamesha mere peeche padi rehti thi … fir aachanak usme aisa badlaaw kaise aa gaya … aisi kya baat ho sakti hai …

ye baat zahen me aate hi .. mai hosh me aaya … aur socha ki kyu na meera se is bare me baat karu … ghar me to ho nahi sakta .. itne log hai … to kyu na abhi baat karu … per kaha …

tabhi meri nazar highway ke kinare bani ek choti si chai ki dukan per padi … ab highway me aise dukan dekhne ko mil hi jate hai … is dukan ke aas paas .. dur dur tak khali pada tha … baat karne ke liye isse acchi jagah ho hi nahi sakti thi …

maine us dukan ke samne bike rok di … to meera boli ..
MEERA — kya hua .. yaha kyu rok di …

MAI — tumhari bak bak se mera sar dard karne laga hai .. chai piunga to kuch aaram milega …

MEERA — ab aadat daal lo … saadi ke baad mai baar baar chai nahi pilane wali …
MAI — bakwas band karo … aur utro neeche …

meera ke utarte hi mai bhi utra … aur chai wale ko do chai banane ko bol kar ek chair per baith gaya …
meera bhi mere samne wali chair per baith gai …

kuch der tak mai khamosh raha … sochta raha ki baat kaha se suru karu ..
mere chahre me aayi pareshani ko samajh kar meera dheere se boli …

MEERA — kya hua … kuch pareshan lag rahe ho … koi problem ho to mujhe bata sakte ho .. agar bharosa ho to …

maine uski aankho me dekha aur bola ..
MAI — kyu kari ho ye sab … chahti kya ho tum …

meera aascharya se boli …
MEERA — kya matlab hai tumhara … kya kiya maine …
MAI — ye jo tum baar baar mujhe jata rahi ho ki tum mujhse pyar karti ho .. mujhse saadi karna chahti ho .. mujhe pata hai ki ye sab jhooth hai … natak kar rahi ho … asliyat kya hai .. ye hum dono jante hai …

MEERA — accha … kya jante ho asliyat ke bare me … yahi na ki hum ek dusre se nafrat karte hai … hamesha ek dusre ko neecha dikhana chahte hai …

MAI — haa .. yahi baat hai ..

MEERA — agar ye baat hai to Mr. nikhil varma .. ek baat mai tumhe bata du .. ki tum bilkul galat ho … maine tumhe kabhi bhi neecha dikhane ya harane ki kosis nahi ki … suruat hamesha tum karte the … mai nahi … college ke pehle din se lekar aaj tak … hamare beech jo bhi hua .. un sabki suruat tumne ki … sachchai to ye hai ki mai pehle din se tumhe chahne lagi thi … ye jante hue ki tum kis kisam ke insaan ho .. socha tha ki tum badal jaaoge … lekin tumne kabhi mere pyar ko samjha hi nahi … ulta mujhe apna dusman samajh baithe … fir bhala mai kya kar sakti thi … mujhe sirf tumhare dil me apni jagah banani thi … jab wo pyar se na hua .. to dusmani se hi sahi … kam se kam is bahane tum mujhe yaad to karoge .. are tumhari gaaliya me bhi mujhe apne liye pyar nazar aata tha …

kehte kehte meera ki aankh bhar aayi … per usne use behne se rok rakkhe the … chai ke cup aise hi pade pade thande ho rahe the .. per pine ka man kisi ka nahi tha …
meera aage boli …
MEERA — kehte hai na .. jise cheej ko agar sacche dil se upar wale se mango … to wo ek na ek din mil hi jati hai … wahi mere saath bhi hua … bhagwaan se har waqt sirf tumhe hi mangti rehti thi … tabhi to mere liye tumhara rista aaya … mujhe laga ki meri itne salo ki tapasya ka fal bhagwaan ne de diya … khusi se jhoom uthi thi mai … socha tha ab to tum mere pyar ko samajh hi jaaoge … per mai galat thi … bhool gai thi ki ek tarfa pyar kabhi safal nahi hota …

ab wo apne aanshuo ko aur na rok saki … uske aanshu uske gaalo ke bhigone lage … mai chup chap uske behte aanshuo ko dekhta raha aur sochne laga …

MAI (man me )— accha to ye baat hai .. jo aajtak mujhe koi bhi ladki nahi mili … ab agar koi upar wale se itni siddat se sirf mujhe hi apne liye mangti aa rahi ho .. to bhala wo upar wala mujhe kisi aur ka pyar kaise de sakta tha …
sala kitna bada bewkoof hu mai … itni chahne wali ladki mere samne thi .. aur mai kisi aur me apna pyar dhund raha tha … aur ise apna dusman bana liya tha … ek no. ka gadha hu mai …

mai ye sab soch hi raha tha ki meera apne aanshu ponchte hue boli …
.
MEERA — mai janti hu ki tum aaj bhi mujhse nafrat karte ho .. aur mujhse saadi nahi karna chahte .. mai tumpe koi jor jabardasti nahi karungi … agar tum chahte ho ki ye saadi na ho to nahi hogi … mai apne ghar pahucte hi mana kar dungi …

MAI (man me )— aise kaise mana kar dogi meri jaan .. ab to hamare pyar ki suruat hui hai … tumne aaj tak meri nafrat dekhi hai … pyar nahi dekha …

meera uthkar khadi ho gai .. aur gambheerta se boli. .
MEERA — ab hame chalna chahiye .. bahut der ho rahi hai …

per mai use abhi kaha Jane dene wala tha … abhi tak to usne apne dil ki baat kahi hai .. ab to meri bari thi usse pyar ka izhaar karne ki …

mai bhi khada hua .. aur jaise hi kuch bolna chaha … tabhi ek pagal sa dikhne wala Buddha .. gande ,fate purane kapde pehne mere samne aake khada ho gaya … aur mujhe gaur se dekhta hua bola …

BUDDHA —- jise tu na Jane kitne salo se dhund raha hai .. jiske liye tu itna padapa hai … ab wo tujhe milne wali hai … bas use pehchan Lena … wo tere samne hoga …

use dekh meera dar gai … aur mujhse chipak gai … tabhi chai wala use bhagate hue .. mujh se bola …

CHAI WALA — aap jaao sahab … ye pagal hai …

ye sunte hi mai meera ko leke waha se nikal gaya … mere dimag me bas ek hi baat ghoom rahi thi ki is pagal ko kaise pata ki mai pichle 10 salo se kisi ke liye tadap raha hu ..

chai ki dukan se nikal kar hum ghar ki taraf chale ja rahe the ..

dono bilkul khamosh the …
meera chup thi kyuki uska dil tuta tha … aur mai chup tha kyuki us waqt mere dil aur dimag me uthal puthal machi hui thi …

wo cheej jise sirf mere alawa aur koi nahi janta tha .. us pagal ko kaise pata … kya wo maathe ki lakeere padh kar bhavishya bata sakta hai … per mai khud in sab baato per yakeen nahi karta .. to fir wo meri tadap ke bare me kaise janta hai …

dosto ek baat mai aap sabhi ko batana chahunga … mai pehle se itna beparwaah , badtameej nahi tha .. mujhe aisa banne per majboor kiya meri us tadap ne …

aisa shayad aap logo ke saath bhi hua hoga … jab hum kisi cheej ko dil se pana chahte hai .. aur wo cheej hame hasil na ho … to use pane ke liye hamare dil me ek tadap uthti hai .. jisse hum thode se chidchide ho jate hai … hum theek se kisi se baat nahi karte .. kisi cheej ki care nahi karte … to log hame badtameej aur beparwaah kehte hai ….

ab aap khud sochiye … jis cheej ko mai pichle 10 saalo se hasil karna chahta hu … aur wo mujhe aaj tak nahi mila … to mere dil me kaisi tadap hogi …

hum kab ghar pahuc gaye pata hi nahi chala … meera chup chap apne room me chali gai … aur mai apne room me …

room me jakar mai bed pe let gaya … aur aankhe band karke khud ko kosne laga … ki kyu mai us chai ki dukan per ruka …
agar aaj waha na ruka hota to meri ye tadap fir se mujh per haavi na hoti ..

badi muskil se mai bhoola tha sab kuch .. aaj us pagal ki wajah se sab yaad aa gaya ….
ab mujhe yaha rukne ka bilkul bhi man nahi kar raha tha … yaha tak ki mujhe ab meera ki khoobsurti bhi katne ko daud rahi thi …

kuch nahi chahiye mujhe … upar wala chahe to meri jaan hi kyu na le le … per ek baar meri tadap mita de …
per ye bhagwaan jisne pichle 10 saalo se meri nahi suni … bhala ab kaise sunega …

per us pagal ne kaha tha ki wo khud mere samne hoga … bas mujhe use pehchana hai … lekin kab … aur kaha …. uff .. mere to sar hi fata ja raha tha …

abhi mai apni soch me gum tha ki bhabhi room me aa gai … aur mere bagal me baith kar mere sar per haath ferti hui boli …

BHABHI — kya hua nikku … tu theek to hai na …

maine apni aankh kholi aur uth kar baith gaya …
MAI — bhabhi … ab yaha mera bilkul bhi man nahi lag raha hai … plz wapas chalo na ..

BHABHI — meera se jhagda hua kya …

MAI — aisa kuch nahi hai … bas mera yaha dum ghut raha hai ..

BHABHI — sach sach bol .. kisi ne tujhse kuch kaha hai … tu uska naam bata .. mai chhodungi nahi …

MAI — kisi ne kuch nahi kaha … bas yaha mera man nahi lag raha …

BHABHI — nikku … aisa nahi kar sakte .. kal saadi hai .. ab agar hum bina kisi wajah ke yaha se chale jaye .. to bura maan jayenge …

MAI — samajh sakta hu bhabhi .. per sach me ab yaha mera dil nahi lag raha hai …
BHABHI — sirf 2 din ki baat hai nikku … parso vidai hote hi hum wapas chale jayenge … ab apni bhabhi ki itni si baat nahi manega …

ab mai aur kya keh sakta tha … majburi me haa kar di …

fir bhabhi mujhe apne saath bahar khana khane le gai … meera bhi wahi thi .. chahre se kafi udash lag rahi thi … per sabke samne nakli mushkurahat liye hue thi …

sabhi ne khana khaya aur apne apne kaamo me lag gaye …

raat bhi aise hi nikal gai … is beech meera ne na to mujhse koi baat ki aur na hi mere kareeb aayi …
mujhe bahut hi bura lag raha tha … ki kis tarah ek hasta ,mushkurata ,pyara sa chahra sirf meri wajah se murjha gaya tha …

man to kar raha tha ki abhi use apni baaho me bhar lu … per meri wo tadap mujhe aisa karne se rok rahi thi …

mai kya karu kuch samajh me nahi aa raha tha .. ek taraf meri 10 saal purani tadap … aur dusri taraf meri mohabbat .. ek aisi ladki jisne mujhe pane ke liye na Jane kitne dukh sahe …

raat me khana khane ke baad hum sabhi pehle ki tarah peeche wale aangan me sone chale gaye …

mera mood bahut hi upset tha .. to bhala neend kaise aati .. is waqt agar ek Botel mil jati to maza hi aa jata … kasam se badi hi chull machi thi …

shayad upar wale ko mujh per thodi si daya aa gai thi …
hame lete hue kafi der ho gai thi … pura ghar so chuka tha .. siway mere … mai apni charpai me karvate le raha tha ki tabhi chote chacha jo mere bagal wale charpai me the … fusfusa kar bole …

CHACHA — kya hua … neend nahi aa rahi hai kya …
MAI — nahi … sar me dard hai …

chacha kuch soch kar bole …
CHACHA — chalo mere saath … abhi sara dard kam ho jayega …

mai man me socha ki ab kya sala ye mere sar pe zhandu balm lagayega …
MAI — are .. aap rehne do na … wo apne aap theek ho jayega ..

chacha uth baithe aur apne charo or nazar ghumai … jaise tasalli kar rahe ho ki sab so gaye hai ya nahi ….
acchi taraf dekhne ke baad bole …

CHACHA — are chalo na … ek aisi cheej pilaunga ki sara dard bhool jaaoge …

sala aisa kya pilayega … dekhne me kya burai hai … ye soch kar mai bhi uth gaya …
chacha ne chup rehne ka ishara kiya .. aur dabe paav apne peeche aane ko bola …

mai unke peeche dheere -2 chalne laga … pure ghar me andhera tha .. bas chand ki halki roshni ke sahare hum chal rahe the … hum samne wale aangan se hote hue main gate tak pahuche … aur dheere se gate ko khol kar bahar nikal gaye …

mujhe to kuch samajh me nahi aa raha tha .. ki ye ullu mujhe le kaha ja raha tha … kabhi kabhi man me bade hi daravne khayal aate … ki ye kameena kahi ulte tave per roti sekne ka shookin to nahi hai … ( matlab to samajh hi gaye honge .. dostana type ) …
fir bhi mai himmat karke chalta raha …
thodi der me hum ek ghar ke paas pahuche … khidki khuli hui thi .. jisse ander ki jalti light dikh rahi thi …

MAI — mujhe yaha kyu le aaye …
CHACHA — ye mere dost ka ghar hai … tumhare sar dard ki dawa ander hi hai .. chalo …

itna keh kar chacha ne darwaja khatkhataya … thodi der me ek hatta katta .. aadmi darwaja khol ke bola …
AADMI — kya yaar .. itni der laga di .. aur ye kon hai ..

CHACHA — bhatija hi samajh lo … aaj ye bhi apna partner hai …

itna keh kar chacha aur mai ander aa gaye … us aadmi ne gate band kiya … aur mujhe ghoorta hua room me chala gaya …
kasam se dosto meri aatma tak kaanp gai … mujhe yakeen ho gaya ki ab mere saath pakka kuch bura hone wala … shayad mai kal subah kisi ko apna muh na dikha paau …

mai ye sab soch hi raha tha ki tabhi chacha bole …
CHACHA — kya hua … chalo room me …
MAI — lagta hai mera sar dard theek ho gaya … ab mai jaa raha hu …

chacha ne mera haath pakad liya aur bole …
CHACHA — are daro mat … kuch nahi hoga .. lagta hai tumhara pehli baar hai … hota hai .. pehli baar me dar lagta hai … lekin ghabrao nahi hum log sambhal lenge …

keh kar chacha mera haath pakad kar room me le Jane lage .. ab mujhe mera ant saaf nazar aa raha tha .. mai samajh chuka tha ki ab to meri izzat lut ke hi rahegi … mai minnat karta hua bola ..

MAI — plz chacha chhod do … maine aaj tak ye nahi kiya …
CHACHA — are ek baar try to karo .. maza na aaye to mat Lena …
MAI — chacha bahut dard hoga ..
CHACHA — isme dard nahi hota .. haa agar aise hi lo ge to takleef hogi .. lekin tum tension mat lo .. tumhe pani ke saath dunga …

ye sunkar to meri hawa hi kharab ho gai … man me bola … salo balatkariyo … pani use karoge … kutto kam se kam tel to le aate ….

chacha mujhe kheench kar room me le gaye … per ye kya yaha to kuch aur hi majra hai …
do aadmi kursi per baithe the aur samne table per 4 Botel desi daru ki rakkhi thi .. saath me kuch snacks bhi the …

to abhi tak chacha daru ki baat kar rahe the … mai ullu ki dum pata nahi kaha tak soch aaya ….

Botel dekhte hi mere hoontho pe mushkaan aa gai .. to chacha bole …
CHACHA — kya hua … mushkura kyu rahe ho .. abhi tak to dar rahe the …

ab mai unko kya bolta … bahana maar diya …
MAI — kuch nahi chacha … ab dar nahi lag raha hai … aap sab jo ho …

CHACHA — to fir chalo pina suru karte hai …

fir kya tha … hum char … aur hamari Botel bhi char …. suru ho gaye …

full Botel dhakelne ke baad bhala kise hosh rehta … hum charo .. wahi dher ho gaye …

raat bhar faila ke sone ke baad jab subah meri aankh khuli .. to time dekha .. 8 baj chuke the … yani ki dusre din hi maine bhabhi ke dada ji ke niyamo ko pichwade ghused chuka tha …

maine chacha per nazar mari .. wo maze se lungi taane so rahe the …
maine unko hilate hue bola ..

MAI — chacha … utho … 8 baj gaye ..

ye sunte hi wo uchal kar khade ho gaye .. aur bole …
CHACHA — kya … 8 baj gaye .. mar gaya .. pita ji jaan le lenge ..

MAI — are koi accha sa bahana bana Lena …
CHACHA — haa wo to karna hi padega .. tu tension mat le .. mai dekh lunga .. chal pehle fresh ho jate hai …

fir hum dono fresh hue aur ghar ki taraf chal diye .. Jane se pehle chacha ne apne dosto ko bhi jaga diya tha …

jab hum ghar pahuche to waha badi raunak thi … aaj saadi ka din jo tha … sabhi bhaga daudi me lage the …

saadi ghar ke bagal me kafi khali jagah thi wahi honi thi .. to waha tent ka kaam chal raha tha … kuch log ghar ko sazane me lage the …

mai ander Jake bhabhi ko khojne laga … wo kahi nazar nahi aa rahi thi …
yaar yaha to koi ladies nazar nahi aa rahi thi … sab gaye kaha …

maine bhabhi ko call karne ki Sochi … lekin tabhi unke pita ji mere paas aa gaye ..
MAI — uncle .. sab ladies kaha hai ..

UNCLE — beta wo sab mandir gai hai ..yaha ki ek pratha hai .. saadi wale din ladka ho ya ladki .. jiski saadi hai us mandir me pooja karne se unka vaivahik jeevan hamesha khus rehta hai .. to sabhi aurate seema ko lekar us mandir me gai hai …

MAI (man me )— ho gaya kabada .. raat ki daru ke chakkar me subah ki chai nikal gai … ab pata nahi sab kab tak wapas aayenge .. tab tak aise hi ghoomna padega …

mai abhi soch hi raha tha ki uncle bol pade …

UNCLE — beta .. ek kaam hi kar do ..

MAI — haa boliye ..

UNCLE — do teen log sabzi mandi ja rahe hai .. tum bhi unke saath chale jaao … jitne log honge utni aasani hogi …

man me to hazar gali de dali .. sala ab meri ye hi aukat bachi hai … mandi Jake aalu ,tamatar khareedu … aur koi kaam nahi mila dene ko … man kiya sale ka tetua daba du .. per wo meri bhabhi ka baap tha … izzat to deni thi to haa bol diya …

fir kya tha mai teen bando ke saath tractor lekar nikal pada … sabzi lene …

3 ghante lag gaye hame wapas aane me … ghar aakar dekha to sabhi wapas aa chuke the …

mai seedha room me chala gaya aur bed pe let gaya … tractor per uchalte -2 meri kamar tedhi ho gai thi …

mai leta hi tha ki meera waha aa gai … aur mujhe dekhte hi sorry bol ke Jane lagi … per maine use rokte hue bola ..

MAI — kaha ja rahi ho .. baitho na ..

wo kuch nahi boli .. bas ek tuk mujhe dekhti rahi …
MAI — kya hua .. mai tumhe hi bol raha hu ..

wo fir bhi chup rahi … uska udash chehra mujhse saha nahi ja raha tha … man kar raha tha ki abhi use apni baaho me bhar lu .. per mai kar nahi pa raha tha … mai lachar tha … socha bhaad me jaaye wo tadap … jo ab tak nahi mila wo ab kya milega … samet lu meera ko apni baaho me … shayad uska pyar mujhe meri tadap ko bhulane me madad kare …

per ye kar pana sambhaw nahi tha … 10 saal kam nahi hote dosto …

MAI (man me)— thoda waqt de de meri jaan .. kasam hai mujhe tere pyar ki fir kabhi tere chahre per udasi ki parchai tak nahi aane dunga …

mai soch hi raha tha ki bhabhi aa gai …

BHABHI — are nikku … kaha tha tu subah se …
MAI — sabziya lene gaya tha bhabhi …

bhabhi mere paas aayi aur mujhe gaur se dekhte hue boli …
BHABHI — teri tabiyat to theek hai na … tu aur mandi gaya tha … mujhe to vishwaas hi nahi ho raha hai …

mai meera ki or dekhte hue bola …
MAI — kya karu bhabhi .. aadat daal raha hu … baad me kaam aayegi …

BHABHI — matlab ..
MAI — aap nahi samjhogi …

BHABHI — tu aur teri baate … kuch samajh me nahi aata … baith yahi .. mai nashta lati hu …

MAI — rehne do bhabhi .. ab lunch hi karunga …
BHABHI — theek hai … mai bahar hi hu .. kuch chahiye ho to bol dena …

itna keh kar bhabhi chali gai … meera abhi bhi wahi khadi thi … chup chap … apna sar zhukaye …

MAI — yaar kya hua hai tujhe … kal se ek baar bhi baat nahi ki … yaar tu aisi shakal liye bilkul bhi aachi nahi lagti .. bandariya lagti hai …

mai jaan bujh kar use gussa dila raha tha … taki uski udasi dur ho jaaye … aur fir se wahi purani wali meera ban jaaye …

magar aisa kuch nahi hua … wo bina kuch bole bahar chali gai …

ab maine soch liya tha ki meera ko sari sacchi batani hi padegi … tabhi wo meri majburi samajh payegi .

shaam ke 7 baj rahe the … aur sabhi sajne sawarne me lage the …

ladkiya to theek hai .. unka sajna sawarna banta hai .. aakhir wo log sajengi nahi to bhala hum jaiso ka man kaise lagega …

waise ek baat to manni padegi .. ye sala make up badi hi kamal ki cheej hai … kaali muh wali bandariya ko bhi hoor ki pari bana deti hai ..

sajne ke baad unme attitude bhi apne aap hi aa jata hai .. duniya jaye tel lene .. unke dress me ek doond coffee bhi gir jaye to aisa muh banati hai ki jaise kisi ne injection laga diya ho … fir apne haath me pakde hue apne 2 inch ke rumal ko bhigoke coffee gire hisse per ghisna suru kar deti hai .. jaise modi ji ke safai abhiyaan ki ek jagruk karyakarta ho …

hoontho ki lipstick kharab na ho .. isliye khane ka niwala itna chota hota hai ki khate waqt dono hoonth chipke hi rehte hai ..

unka dhyan puri party me sirf do cheejo per hota hai … ek to apni dress aur makeup pe … aur dusra .. wo thodi thodi der me charo or nazar ghuma kar dekhti hai ki kon kon ladke use taad rahe hai …

gaavo wali to ek kadam aage rehti hai … gora dikhne ke liye itna powder laga leti hai ki jaise lagta hai ki chahre per 2 kg aata thop liya ho … saath ki hoontho pe lipstick wo bhi laal … ghiste -2 daant bhi laal kar leti hai … baal bilkul khule .. unhe dekh kar to kaali mata bhi dar jaye ..
kisi kisi me dressing sense bada hi gajab ka hota hai ..
koyle jaisi kaali ladki … safed ya peela dress pahan lengi … aap khud hi samajh jaao ki kaisi dikhegi …

gaav me sirf ladkiya hi nahi .. ladke bhi gajab cartoon hote hai … single pasli ka shareer .. aur pant bilkul chipki … aisa lagta hai jaise aas paas do patle -2 baans gade ho ..
jeans ka to haal hi bura hai … pichwada khisak ke neeche latak raha hota .. aur kehte hai ki ye style hai …

sale kabhi koi kaam nahi karte .. lekin us waqt ladki ko impress karne ke liye ek aap unse toilet ka rasta poocho to wo log khud aapko waha tak chhodne jayenge …

baate bahut ho gai .. ab story per aate hai …
barat aane ka time ho chuka tha .. sabhi log ready ho chuke the … seema abhi abhi ready ho rahi thi .. aur sabhi ladkiya use ready karne me lagi thi …

mai bhi ready hokar nikla … to meri nazar meera per gai … usne ek salwar sute pehna hua tha .. halka sa make up … baal bandhe hue …

mujhe ye dekh kar bada hi aascharya hua .. ki meera ne ye kyu pehna .. wo to apne liye sari layi thi ..

maine use ishare se apne paas bulaya .. to wo chup chap aa ke khadi ho gai …

MAI — tune ye kyu pehna .. sari kyu nahi ..

MEERA — mai kuch bhi pehnu … tumhe kya …
MAI — yaar itna bhadak kyu rahi hai .. sari me tu acchi dikhti hai .. aur tu layi bhi sari hi thi … to ye sute kyu pahan liya …

MEERA — meri marzi .. mai kuch bhi panhu .. tum kon hote ho bolne wale …

MAI — yaar gussa kyu ho rahi hai .. tu jo sunna chahti hai mere muh se .. mai wo bolunga .. per mujhe thoda time chahiye …

meera meri or dekh kar boli.
MEERA — abhi bhi time chahiye … kahi aisa na ho ki baad me mere paas hi time na ho kuch sunne ko …

itna keh kar meera ander chali gai …
sach me dosto uski baato se mere man me ek dar sa baith gaya .. ki kahi mai use kho na du .. ab chahe kuch bhi ho … meera ko wo raaj batana hi padega …

barat aa chuki thi … dulha mandap pe baitha chuka tha …

sari taiyariya karne ke baad … pandit ne dulhan ko mandap pe lane ko bola …

mai wahi khade hokar har cheej bade gaur se dekh raha tha .. bahut hi accha lag raha tha mujhe …

pehle to ye sab bada hi boring lagta tha mujhe … per aaj ye sab mere dil me ek umang bhar raha tha …

tabhi seema mandap ki or aati hui dikhi … uske saath 5-7 ladkiya bhi thi … sab gajab ki thi … meera bhi unke saath hi thi … per haay … kya lag rahi thi wo …

usne apne kapde badal liye the .. halki laal banarasi sari … baal side se khule hue .. haatho me kangan … kaan me jhumke … hoontho pe laal lipstick … halka sa make up …

maa kasam .. meera is waqt jannat ki pari ko bhi maat de rahi thi .. aisi khoobsurti maine aaj tak nahi dekhi thi .. bemishal lag rahi thi meera … nahi nahi … meri meera….

waha maujood har aadmi ka dil meera ko dekh kar jaroor dhadak raha hoga …
aur mera to haal hi mat pucho dosto … mandap bhi hai … barat bhi hai .. samaa bhi hai .. muhurt bhi hai … meera bhi hai … aur mai bhi hu …
socha bhaad me jaaye seema … mai hi meera ko lekar baith jaau … jo hoga dekha jayega …

per sochne aur karne me bada farak hota hai … ye mandap … ye barat … ye samaa aur ye muhurt .. sab seema ke liye the … aur ye seema meri dost thi … to bhala mai apni dost ke saath aisa kaise kar sakta tha ….

man ko samjhaye … ruk ja beta … itna utawla kyu ho raha hai … item to apni hi hai … aaj nahi to kal aisa waqt mera bhi aayega ….

seema ke mandap pe baithte hi pandit suru ho gaya … sorry sorry … pandit ji … aaj ye pandit bhi mujhe bada pyara lag raha tha …

sir pandit hi nahi ab to mujhe waha maujood har koi pyara lag raha tha … jab apne samne koi apsara khadi ho .. aur ye jante hue ki wo apsara apni hi hone wali hai .. to fir dil ka haal hi kuch alag hota hai … sala koi muh pe gali bhi de de .. to bhi bura nahi lagta …

mai ek tuk meera ko dekhte hue ye sab soch raha tha ki tabhi meri khusiyo pe grahan lag gaya …

sala ,kutta ,kameena ,harami , maa ki ****** ,bahan ka ******* ….. dulhe ka ek dost uske bagal me Jake khada ho gaya …. aur usse baat karne laga …
meri to dekh kar hi sulag uthi … man kiya ki sale ko aadha zameen me gaad ke pagal kutto se katwau … kameene ki itni himmat kaise hui meri meera se baat karne ki … wo bhi has has ke …

meera ne mujhe tirchi nigaho se dekha aur wo bhi us ladke se has has ke baat karne lagi …

ab bhala mujhe kaha bardast hota … mai turant meera ke paas gaya aur bola …

MAI — mujhe tujhe kuch baat karni hai … bahar aa …

meera ke kuch bolne se pehle hi wo kutta bhook pada …

LADKA ( meera se )— kon hai ye …

mai man me bola … sale … tera jija hu …

tabhi meera bol padi …
MEERA — are kuch nahi .. ye seema ka risredar hai …

fir meri taraf dekh kar boli …

MEERA — abhi mai busy hu … baad me baat karti hu …

itna keh kar wo fir se us ladke se baat karne lagi …

kasam se mere dil ke tukde -2 ho gaye the … sare armaano ki dhajjiya udd gai thi ….

meera mere saath aisa karegi … ye maine kabhi nahi socha tha …

ab waha ki har cheej mujhe katne ko daud rahi thi … bilkul bhi man nahi kar raha tha waha rukne ka …

mai chup chap waha se nikala aur ghar me Jake seedha chaat me chala gaya …

waha boundary ke paas baith kar peeth deewar per tika diye … aur sar aasman ki taraf kar liya …
tabhi mujhe apne gaalo per kuch geela -2 sa mehsus hua … maine haath laga kar dekha to pani tha … mai soch me pad gaya ki ye pani kaha se aaya … tabhi mujhe ahsaas hua ki ye pani mere aankh se hi nikal rahi hai … yani ki mai ro raha hu …

kab ye aanshu nikle mujhe pata hi nahi chala … shayad mohabbat ka dard isi ko kehte hai … chot dil me lagti hai aur aanshu aankh se nikalte hai ..

apni aankho me aanshu dekh kar mai hairan reh gaya …
mai samajh nahi pa raha tha ki aakhir mai ro kyu raha hu … kya meera ne jo mere saath kiya us wajah se ..

dil tootne se aisa hota hai …
iska matlab aaj tak maine jin jin ke dil tode .. sabka mere jaisa hi haal hua tha …
matlab mere apno ko bhi aisa hi dukh pahucha hoga jab jab maine unka dil toda …

kitna bura hu mai … kitna gir chuka hu mai … ye sab usi ki wajah se hua hai … na mai kabhi waha Jane ko zid karta … aur na hi wo tasveer mujhe milti …

sab us tasveer ki wajah se hua hai … usi ki wajah se mai itna ghatiya insaan bana ..

ab nahi … ab mai badal ke rahunga …kisi ka dil nahi dukhaunga … sabke saath pyar se rahunga ….

mai ye sab soch hi raha tha ki meera waha aa gai … aur mere paas baithte hue boli …

MEERA — tum yaha baithe ho .. aur maine pura ghar dhoond Mara … ab bolo kya baat karni thi …

maine uski taraf dekha aur halka sa mushkurate hue bola …

MAI — ab uski koi jarurat nahi … waise aaj bahut khoobsurat lag rahi ho tum ..

meera aascharya se meri or dekhti hui boli …
MEERA — tum theek to ho .. aaj aachanak mai khoobsurat kaise lagne lagi …

MAI — itne dino se theek nahi tha … ab theek hua hu … waise wo ladka kon tha …

ye sunte hi meera ke chahre per smile aa gai ..
MEERA — uska naam VEER hai … dulhe ka chota bhai hai … pata hai wo apne hi sahar me rehta hai .. ek badi si company me job karta hai … baato se bahut hi accha insaan laga wo …

meera bahut hi utsaah se veer ke bare me batane lagi .. uski baato se aisa lag raha tha ki shayad meera use pasand karne lagi thi …
aur kare bhi kyu na … har ladki chahti hai ki koi aisa insaan uski zindagi me aaye jo usse beinteha pyar kare .. uski care kare … shayad meera ko veer me wo insaan nazar aaya ho …
agar aisa hai to mera koi haq nahi batna usse uski khusiya cheenne ka … meera ko lagta hai ki veer uske liye bilkul sahi hai .. to yahi sahi … mai beech me nahi aaunga …
waise bhi tadapna meri kismat me hi likha hai …

mai ye sab soch hi raha tha ki meera boli …
MEERA — ab tumne tension lene ki jarurat nahi hai .. kuch hi din me mai apne papa se hamare riste ke liye mana kar dungi … ab tum bilkul free ho ….

mai fir se mushkuraya … aur bola …

MAI — pata hai meera … ek baat hai jo aaj tak maine kisi ko nahi bataya … per pata nahi kyu aaj wo tumhe batane ko dil kar raha hai … ye kareeb 10 saal purani baat hai … mai shayad 11-12 saal ka tha … summer vacation chal rahe the …
mai apni puri family ke saath shimla ghoomne gaya tha … waise papa to Jane ke bilkul mood me nahi the … per maine zid karke unko mana hi liya tha …
bahut khus the hum … mai aur bhaiya sara din masti karte the … kisi ki nahi sunte the …
hum baccho ki masti dekh kar ghar ke bade bhi bacche ban jate aur hamare saath masti karte …
mujhe aisa lagta ki kaas ye pal yu hi tham jaye … aur hum sab aise hi jhoomte rahe ….

per shayad honi ko kuch aur hi manjoor tha … hamari wapsi ka time aa chuka tha … sab packing me busy the … to mai yu hi khelte khelte hotel ke compound me chala gaya ….
waha meri nazar ek lifafe per padi … mai daud kar us lifafe ko utha liya … aur idhar udhar dekhne laga … ki jiska ye lifafa hai wo mujhe dikh jaye … per koi nahi dikha …. to maine us lifafe ko khol diya … usme ek tasveer thi … ek ladki ki … ek khoobsurat si pari ki … jo shayad mere hi umar ki lag rahi thi ….jise dekhte hi mai puri duniya ko bhool gaya … na Jane kya kasis thi un aankho me ki mai usme doobta hi chala gaya …

jab papa ki aawaj kaano per padi to mujhe hosh aaya … aur maine wo tasveer apni jeb me chupa li …. usi waqt hamne shimla chhod diya … aur wapas ghar aa gaye …
ghar aane ke baad se mai jaise badal sa gaya tha … har waqt apne room me hi rehta … aur us tasveer ko ghanto dekhta rehta …
mujhe kuch samajh me nahi aa raha tha ki mere saath ye kya ho raha hai … kyu mujhe kisi se baat karna accha nahi lag raha … na mera man padhai me lagta … na khelne me … yaha tak ki khana pina bhi ab accha nahi lagta tha … accha lagta to bas us tasveer ko dekhte rehna … dil me ek kasak hi uthti ki kaas ye tasveer baat kar pati … kaas ye ladki mere samne hoti …. per aisa hona sambhaw nahi tha … na tasveer bolti … aur na wo ladki mere samne aati … tadap ke reh jata mai …
socha shayad waqt sab bhula dega … per beet te waqt saath meri tadap aur badhti chali gai …. lekin aaj tak wo ladki mere samne nahi aayi … aur na hi mai use kahi dhoondh paya … kaha dhoondhta … uske bare me kuch bhi nahi pata tha …. bas usi tadap ke sahare mai jee raha tha …
lekin kal jab tumhe dekha aur tumhari baate suni to mujhe laga ki ab sirf tum hi meri wo tadap dur kar sakti ho … tumhara saath aur pyar meri tadap mita dega …

per lagta hai ki meri kismat me sirf tadapna hi likha hai … meri footi kismat .. jab maine apne dil ki baat tumse kehne ki Sochi tab tak tumhare dil me koi aur bas chuka tha …
daro mat … mai tum dono ke beech nahi aaunga … tumhe veer pasand hai to tum usi ki banogi …
maine ye sab baate tumse isliye kahi ki mere dil ka bojh kuch halka ho sake … aur aaj tak maine tumhare saath jo bhi galat kiya … ho sake to mujhe maaf kar dena ….

itna keh kar mai meera ki taraf bina dekhe hi khada ho gaya … aur bola …

MAI — meera ek aur baat .. thanks … mujhe badalne ke liye … khus rehna hamesha …

itna keh kar mai waha se neeche chala aaya … aur fir se mandap ke paas Jake khada ho gaya …..

maine apne dil ki baat meera ko bata di … aur wapas mandap me chala aaya …

mai bhabhi ke paas Jake khada ho gaya .. aur saadi dekhne laga .. tabhi bhabhi ne kaha ..
BHABHI — kaha tha hu ..
MAI — apne dil ka bojh halka karne gaya tha ..

BHABHI — kya matlab .
MAI — Jane do … aap nahi samjhegi ..
BHABHI — tu aur teri bate …

itna bolkar bhabhi fir se saadi me busy ho gai … aur mai chup chap dekhne laga …

kuch der baad meera bhi wahi aa gai … kuch gum- sum si lag rahi thi wo …
per ab mai nahi janna chahta tha …

abhi kuch hi der pehle badi muskil se samjhaya tha apne dil ko … ab agar fir se uske kareeb gaya to shayad fir se uske pyar me pad jaunga .. tab mai khud per kabu nahi kar paunga … aur fir se purana wala nikhil ban jaunga …

mai waha se hat gaya … aur khane pine ki jagah chala gaya …

ab Zara waha ka nazara lete hai ….

bada hi khatarnaak manjar tha … aisa lag raha tha jaise koi yuddha chal raha ho …
sare barati khane per aise tut pade the jaise ki ye unki zindagi ka aakhari khana ho … iske baad unhe kala pani bhej diya jayega …
ye haal sirf gaav ka hi nahi .. balki shahro me bhi dekhne ko mil jata hai …
sare sistachar ki dhajjiya isi waqt ud jati hai …
inhe dekh kar to bhed bakriya bhi sharma jaye …

ajeeb ajeeb type ke log waha dekhne ko mil jate hai … kuch log to khane ke paas hi khade ho kar suru ho jate hai … taki jaise hi unki plate se koi item khatam ho wo turant fir se use apni plate me bhar sake .. koi jaan pehchan wala agar use apne paas aane ka ishara bhi karta hai to wo log baad me baat karenge ka ishara karke apna pura dhyan khane per lagate hai …. per apni jagah nahi chhodte …

unhi me kuch log bhai- chare ka prateek nazar aate hai … ek plate me char log khate hai … bhagwaan Jane kya khate hai .. kitna khate hai …

aur kuch logo ka tareeka to bada hi bhayanak hota hai … ek hi plate me sabse pehle jeera chawal , fir mix sabzi ,fir daal makhni ,fir chole ,fir sahi paneer .. aur bhi koi dish hui to wo bhi bhar lenge … fir uske upar tanduri roti .. uske upar papad … aur uske upar salad … fir usi plate me sabhi ko idhar udhar adjust karke ek do dahi bade bhi rakh lenge … aur ant me sabse upar rasgulla …

na Jane kya soch kar itna bhar lete hai … baad me sale khud hi confused ho jate hai ki suru kaha se karu …

ye haal to har jagah dekhne ko milta hai … ab hum unhe sudhaar to sakte nahi … to bas dekhte hi raho … India me ye sab chalta hai …

raat ke 10 baj rahe the … ghar walo aur barat me se kuch khaas logo ko chhod kar sabhi jaa chuke the … saadi bhi ho chuki thi … ab bari thi hamare khana khane ki … to hum sab chal diye khana khane ….
meera bhi thi aur uske saath veer bhi … meera abhi bhi gum – sum hi thi …
veer lagatar usse baat kiye ja raha tha … per meera sirf haa ya naa me uttar de rahi thi …
khair mujhe kya karna tha mai to ab unke beech me nahi aane wala tha …

veer khane ki do plate laga kar le aaya … aur ek meera ko dene laga … per meera ne mana kar diya … aur bhabhi ke paas chali aayi … jaha mai bhi khada khana kha raha tha …

use khali haath dekh kar bhabhi boli …
BHABHI — kya hua meera … tum khana kyu nahi kha rahi ho ..

MEERA — bhook nahi hai bhabhi …
BHABHI — kyu … koi problem hai ..

MEERA — nahi bhabhi … bas kisi ki baato ne meri bhook khatam kar di …
BHABHI — matlab …

MEERA — kuch nahi bhabhi … jab bhook lagegi tab kha lungi …
BHABHI — tum bhi bilkul nikku jaisi ho gai … kuch samajh me nahi aata …

itna keh kar bhabhi dusri taraf chali gai … ab waha mai aur meera hi reh gaye … mai to apna pura dhyan khane me laga rakkha tha …
tabhi meera mere kareeb aayi aur boli …

MEERA — bilkul idiot ho … bas khana hi aata hai … thooso .. sab thoos Lena … kam pade to mujhe bhi kha Jana … bewkoof. …

itna bolkar wo chali gai aur mai muh me khana bhare hui aascharya se dekhte raha … aur sochta raha sala ab maine kya kiya …..

meera mujhe gadha ,bewkoof ,ullu bol kar chali gai …
aur mai muh me khana thoose hairani se use dekhta raha … aur sochne laga ki ab maine aisa kya kar diya …
kya mera khana use accha nahi laga ..
per mere khana khane se use kya takleef … wo to ab veer ko pasand karne lagi hai … kahi aisa to nahi ki wo abhi bhi mujhe chahti hai … aur mujhe jalane ke liye veer ka sahara le rahi hai …

per ye pata kaise chalega ki wo abhi bhi mujhe chahti hai …

mai chup chap khata raha aur sochta raha ki kaise pata karu … tabhi meri nazar ek ladki per padi … jo ghar ki hi un 5 ladkiyo me se ek thi …

maine jab gaur kiya to paya ki wo dheere -2 kisi ko ishare kar rahi thi … ishare itne halke the ki unke saath khadi baki ladkiya samajh hi nahi pa rahi thi …

jab maine uski nazro ko follow kiya to pata chala ki wo ek ladke ko ishare kar rahi thi … jo ki usi gaav ka tha … kyuki usko maine saadi ke kaam me dekha tha ….

mai chup chap dono ke ishare dekhne laga … ki tabhi us ladki ki nazar mujhse takrai … use samajhte der nahi lagi ki maine sab dekh liya hai … dar ke mare uska bura haal ho gaya …

uski halat dekh meri hasi nikal gai … aur maine apni nazre ghuma li … aur fir se apne khane per focus kiya …. ki tabhi wo ladki mere paas aayi …

LADKI — nikhil … mujhe aapse kuch baat karni hai …
MAI — kis bare me …

LADKI — aap jante hai .. kis bare me ..

MAI — accha … to bataiye ..

ladki kuch der khamosh rahi fir idhar udhar dekh kar boli …

LADKI — uska naam MOHIT hai … isi gaav me rehta hai … bahut accha ladka hai …

MAI — to ye sab mujhe kyu bata rahi ho …

LADKI — hum dono ek dusre se pyar karte hai … aur saadi karna chahte hai …

MAI — ok … ye to acchi baat hai …

LADKI — ek problem hai … hum dono ek hi gaav ke hai …

MAI — yaar … jab tum dono ek dusre se pyar karte ho … saadi karna chahte ho .. aur sabse acchi baat ki dono ek hi gaav ke ho … to problem kis baat ki …

LADKI — ye hi to problem hai .. ki hum ek hi gaav ke hai …

MAI — yaar ye kaisi problem hai … accha ek baat batao … ye mohit karta kya hai …

LADKI — kheti karta hai … khud ki zameen hai …
MAI — waaw … to bhai sahab kisaan hai … ye to Garv ki baat hai … ki wo kheti karta hai … warna aaj kal to sab ladke sahar bhagne ki firak me rehte hai … sirf 3-4 hazar ki naukari ke liye jaan dete hai .. per kisaani nahi karte ….
to problem ye hai ki wo kisaan hai … aur tumhare ghar wale koi sarkari naukar chahte honge …

LADKI — nahi aisi koi baat nahi … mere ghar wale to kya .. pura gaav mohit ko pasand karta hai … uski har baat mante hai … asli problem ye hai ki is gaav ka ek riwaz hai ki ladka ladki agar ek hi gaav ke hai to wo kabhi saadi nahi kar sakte … unhe dusre gaav ke ladke ya ladki se hi saadi karni padti hai …

MAI — ye kaisa ghatiya riwaz hai … jab itna accha ladka apne hi gaav me maujood ho to bahar ladka dhoondne ki kya jarurat hai … usi se saadi kyu nahi kar dete ….

LADKI — ye sadiyo se chalta aa raha hai … hum kuch nahi kar sakte …
MAI — kya bakwas hai ye … mai baat karta hu tumhare ghar walo se …

LADKI — nahi nahi … aisa kabhi mat karna … agar unhe bhanak bhi lag gai ki hum dono ek dusre ko chahte hai to wo hame jaan se maar denge …

ye sunkar to mere hosh hi udd gaye …

MAI — pagal ho kya … duniya ka koi bhi maa baap apne bacche ke saath aisa nahi kar sakta … are Zara si kharoch hame lagti hai to dard unhe hota hai …

is baat per wo fiki si mushkaan liye boli …

LADKI — nikhil .. abhi tum gaav ke niyamo aur riwazo ke bare me kuch nahi jante … gaav bahar se jitna sundar aur nispaap nazar aata hai … ander se utna hi khokhla aur nirdayi hota hai …
yaha ke log apni maan maryada ke liye khud ki jaan de sakte hai .. to kisi ki jaan le bhi sakte hai …chahe wo koi apna saga hi kyu na ho …

MAI — lekin ye sab galat hai …

LADKI — baat sahi galat ki nahi hai … baat riwaj ki hai … jise hum sabhi gaav walo ko manna hi padta hai … do logo ne himmat dikhai thi … is niyam ko badalne ki … apne pyar ke liye pure samaj ke khilaf khade ho gaye the … per natija kya hua … dono ki jaan chali gai … hamara samaj pyar mohabbat ko nahi manti .. unke liye sirf unka osool hi bada hota hai ..

ye kehte kehte … uski aankho se aanshu ki do boonde giri … usne zaldi se apne aanshu ponche .. aur boli …

LADKI — agar tum chahte ho ki hamara bhi waisa hi hasra ho to jaroor bata dena … waise bhi aisi zindagi jeene se kya fayda ..

itna keh kar wo palti aur chali gai … mai bas use jate hue dekhta raha ….

pata nahi kyu … uske aanshu dekh … mera dil bhi ro pada tha … dum ghutne sa laga tha …
maine plate wahi zameen per rakkhi .. aur bahar chala aaya …. fir se ghar ki chaat per jakar boundary ke paas khada ho gaya aur sochne laga …

MAI (man me )— kya koi insaan apne aadarsho ke liye apne hi bacche ka khoon baha sakta hai … kya insaan itna gir gaya hai …

dosto kuch sawal aise hote hai jinke jawab shayad hame nahi milte …
insaan bada ya unki maan maryada .. ye ek aisa sawal hai jiska jawab mujhe abhi tak nahi mila …
shayad aap log ke paas ho …

mai chaat pe pareshan sa khada us ladki ki kahi har baat ko soch raha tha …
ki yaha ke log aisa kyu karte hai .. kyu do pyar karne walo ko milne nahi dete …
kyu ye samaj unke beech deewar banke khadi ho jati hai .. kyu unke pairo me maan maryada ki bediya daal di jati hai ..

ek anjaan ladki … jiska mai naam tak nahi janta .. uski dil ki halat jaan kar jab mujhe takleef ho sakti hai to ye unka ye dard uske ghar wale kyu nahi samajh sakte …
man kar raha tha ki goli maar du aise insaano ko jo in ghatiya riwajo ko insaniyat se bada samajhte hai ….
per mai ashaay tha … chah kar bhi kuch nahi kar sakta tha …
aise log na dar se .. na maar se … aur na pyar se .. kisi bhi bhasa me nahi samajhte …

mai isi pareshani me chaat pe khada tha ki tabhi mera mobile baja … mai dekha to bhabhi ka call tha .. maine turant receive kiya …

MAI — haa bhabhi … kya hua …

BHABHI — kaha hai tu … kab se dhund rahi hu tujhe ..

MAI — kyu kuch kaam tha …

BHABHI — are nahi … kafi der se tu dikh nahi raha tha to puch liya … kaha hai tu …

MAI — mai chaat pe hu …

BHABHI — itni raat ko yu chaat pe kya kar raha hai … tu theek to hai na …

MAI — aisi koi baat nahi hai … bas man kiya to aa gaya …

BHABHI — chal theek hai .. ab neeche aa ja .. seema ke room me … sab yahi baithe hai … tu bhi aa ja …

MAI — kuch der aur rehne do na … accha lag raha hai yaha …

BHABHI — nahi bola na … chal neeche aa … kuch der mere paas bhi baith …

itna keh kar bhabhi ne call cut kar di… aur mai beman se neeche seema ke room me chala gaya …

seema aur uska pati wahi baithe the … aur saath me aur bhi log the …

mai bhabhi ke paas Jake baith gaya … aur chup chap sabki baate sunne laga … hansi mazak chal raha tha … sabhi seema aur uske pati ko cheed rahe the … sabhi khus the … yaha tak ki wo ladki bhi … use dekh kar aisa lag hi nahi raha tha ki uske dil me itna dard bhara hai ….

tabhi veer bola …

VEER — meera ji … ek gana suna digiye .. to dil khus ho jayega ..

MEERA — nahi nahi … mujhe gana nahi aata …

VEER — aisa ho hi sakta … aap jaisi khoobsurat ladki .. aur gana nahi ga sake … mai nahi manta …

MEERA — sach me .. mujhe gana nahi aata …

tabhi uske paas baithi ek ladki boli …
LADKI — are kyu jhooth bol rahi ho … abhi kuch der pehle jab sari pehan rahi thi tab to ga rahi thi .. ” sajna hai mujhe .. sajna ke liye ” … ab keh rahi ho gana nahi aata …

uski baat sunkar meera ne ghabra kar meri taraf dekha … jaise ki uski chori pakdi gai ho …
mujhe bhi khud ki taraf ghoorta dekh meera ne apni nazre neeche kar li … aur sharma ke boli …

MEERA — dhaat … kuch bhi bolti ho .. wo to bas aise hi …

meera ka yu sharmana … haaye …. meri to jaan hi le li …
jab suhagraat me ladki ki nazar ladke se takrati hai to wo sharma ke apni nazar jhuka leti hai … theek usi tarah meera bhi apni nazre zhukaye hue sharma rahi thi …
meera ki is ada ne to mere dil ka sara dard hi bhula diya … aur mai mazak me bola …
MAI — lagta hai bathroom singer hai …

meri baat pe sabhi hans pade .. siway meera ke … wo mujhe dekhti rahi ..
tabhi aachanak usne gana suru kar diya ….

kasam se dosto usne apna dil cheer ke rakh diya tha is gaane me ..

” mai tenu samjhawa ki …
na tere bina lagda jee …
tu ki jaane pyaar mera …
mai karoo intejar tera …
tu dil tui-yon jaan meri …

mai tenu samjhawa ki ..
na tere bina lagda jee …
tu ki jaane pyaar mera …
mai karoo intejar tera ..
tu dil tui-yon jaan meri ..
mai tenu samjhawa ki ..
na tere bina lagda jee…

tenu chadd ke kitthe jawa ..
tu mera parchhavaa …..
tere mukhde vich hi mai taa …
rab nu apne pawaa ….
meri duaa…… haaye
sajda tera kardi sadaa …
tu sun iqraar mera …
mai karoo intejar tera ..
tu dil tui-yon jaan meri …

mai tenu samjhawa ki …
na tere bina lagda jee ….. ” ” ”

is gaane ke saath usne itni saralta se apne dil ka haal mujhe baya kar diya …

waha maujood sabhi ke liye ye sirf ek gaana matra tha … magar is gaane ke ander chupe dard ko sirf meera aur mai hi samajh paa rahe the …

pure kamre me taaliyo ki gunj thi … lekin khamosh the to sirf mai aur meera … hum bas ek dusre ki aankho me dekhe ja rahe the …

na mai usse nazar hatana chahta tha .. aur na wo mujhse apne nazre fer rahi thi …

dosto hum dono ek dusre ki aankho me khoye hue the .. duniya ki koi khabar nahi thi …

tabhi bhabhi ki aawaj sunai padi …

BHABHI — ab nikku ki bari …

ye sunte hi mai hosh me aaya aur bola …

MAI — are nahi nahi .. mai koi gaana waana nahi gaane wala …

BHABHI — kyu nahi gayega … meera ne gaya ab tu bhi gaa …

MAI — abhi mujhe koi gaana yaad nahi hai ..

BHABHI — nikku bahane mat bana .. zaldi se suru ho ja …

tabhi meera bol padi ..
MEERA — rehne do bhabhi .. jo bathroom singar hote hai … wo sabke samne nahi gaa pate …

sala ye to insult ho gaya … ab to gaana hi padega …
per mai bhi kam nahi tha … jaan bujh kar aisa gaana gaya ki gaate hi sabhi ne chup kara diya …

” ” ” do hanso ka joda …
bichad gayo re ……..

do hanso ka joda ..
bichad gayo re ……..

gajab bhayo rama …
julam bhayo re ……….

gajab bhayo rama….
julam bhayo re ………. ” ” ”

kasam se dosto … bas itna hi gaa paya tha ki sabhi ek saath bol pade …
are ye kya gaa rahe ho … aise acche mauke pe ye upsaguni gaana gaa rahe ho ….

MAI — to aur kya karu … mujhe iske alawa aur koi gaana nahi aata …

tabhi bhabhi boli …
BHABHI — tu rehne hi de … abhi abhi inki saadi hui hai .. aur tu bichadne ka gaana gaa raha hai …

plan kamyaab …. mujhse gaana gawane chale the … are sher bhi kabhi gaana gate hai kya … unki ek halki si dahad hi kafi hai pura jungle hilane ke liye … jaise ki maine abhi hila diya sabhi ko bas do line gaa ke …

uske baad to jaise gaane ki hod si lag gai … jise man hua gaane laga … sale gaa rahe the ya kavita suna rahe the … pata hi nahi chal raha tha ….

ab mahool bada hi boring ho gaya tha … to mai utha aur dusre room me chala gaya … bed khali thi to let gaya … aur kab gehri neend me chala gaya pata hi nahi chala …

subah Rone ki aawaj se meri neend tuti … ghar ki aurte haaye tauba macha rahi thi …

mai uth kar bahar gaya to dekha seema ki vidai samaroh chal raha tha …
ab bitiya Vida le rahi hai to Rona dhona to hoga hi … per yaha ka nazara sabse hat ke tha …

chachi kona pakad ke Rone me lagi thi … to mami apni chaati peet rahi thi …
mausi zameen me baith kar dahade maar rahi thi … to maa usi zameen me paltiya kha rahi thi …

unhe dekh kar baki ki aurte bhi Rone me lagi thi … aisa lag raha tha ki beti sasural nahi balki shamshan ja rahi ho …

ab aise bhi koi rota hai bhala …

khair do ghante tak Rone ka program chalta raha .. fir mahool thoda shant hua …. aur sab ghar ke kaamo me lag gaye …

mai ghar me baitha bor hone laga to socha kyu na bahar ghoom lu …

mai bahar nikalne hi wala tha ki meera ne peeche se aawaj lagai …

MEERA — ab tum kaha chal diye …

MAI — bor hi raha tha to socha bahar ghoom aau …

MEERA — chalo mai bhi chalti hu …

MAI — tum … chalogi mere saath …

MEERA — kyu .. ab saath kahi ja bhi nahi sakti …

MAI — are bhadak kyu rahi ho … chalo na …

fir hum dono nikal pade gaav bhraman ke liye …. sach me dosto aaj meera ka saath mujhe bahut accha lag raha tha …

kehne ko to hum dono ke beech khamoshi thi … magar aaj is khamoshi ka ek alag hi maza tha …

hum dono gaav ghoomne nikal pade … aaj meera ka saath mujhe bahut accha lag raha tha ..

kehne ko to hum dono hi khamosh the … per is khamoshi ka bhi ek alag maza tha …

hum ghar se kafi dur nikal gaye the … na wo kuch bol rahi thi aur na mai …

gaav ke wo tedhe medhe ,kacche raste … un rasto ke agal bagal ,lehlahate khet aur bageeche ..
sahar ki bheed bhaad aur pollution se dur gaav ka suddha aur shant vatavaran ….
unche unche ped … aur un pedo per reh rahe chidiyo ki madhur sangeet …

kasam se dosto ek pal ke liye aisa laga jaise ki kisi aur hi duniya me pahuc gaya hu …

mana ki shahar me dhero shukh suvidaye hai … per asliyat to ye hai ki gaav ki baat hi kuch nirali hoti hai … prakriti ka aisa adbhut nazara shahro me kaha hota hai …

kudrat ki di hui koi bhi cheej yaha ke logo ke liye bekar nahi hoti … chahe wo sukhi ghaas se chara banana ho .. ya gobar se khaad aur uple ..

in uplo ki aanch se bane khane ka test bhi bada hi nirala hota hai dosto .. aisa swaad aapko kisi bhi 5 star hotel me bhi nahi milega …
shahar me bhook hai ki lagti hi nahi .. aur yaha .. bhook hai ki mit ti hi nahi …
kulmilakar mai ye keh sakta hu ki gaav se hi sahar ka astitva hai …

khair hum dono ghoomte -2 ek bageeche me pahuc gaye … jaha kafi sare Ber ke ped the …
ab aap sab to ladkiyo ka jante hi hai … ber ,imli ,keri dekhi ki nahi zhapat padti hai …
bhagwaan Jane kya test milta hai …

meera ka bhi ye hi haal tha … ber dekhe ki nahi lagi uchalne …

MEERA — nikhil … ber la ke do na … mujhe khane hai …

lo kar lo baat … insaan ki kad ke barabar hote hai ber ke ped … fir bhi la ke do …

MAI — are haath ke paas hi to lage hai … tod lo ..

MEERA — tum mere liye itna sa bhi nahi kar sakte na … mat karo .. mai khud hi tod lungi ..

ye keh kar meera muh fula kar ped ki taraf badhne lagi .. to maine use rokte hue bola …

MAI — ruko … mai lata hu … kante lage hai … chubh jayenge …

ye keh kar mai ped ki taraf badh gaya … aur ber todne laga ….

zindagi me aaj pehli baar maine kisi ke liye kuch kiya … dil ko bada hi sukun mil raha tha …
haath me kante bhi chubhe … magar us chubhan ka ek agal hi ahsaas tha dosto ….

kafi sare ber todkar maine meera ko diye … aur meera ke sare ber apne duppate ke pallu me rakhkar .. sabse pehle mere haatho ko check kiya …

haath me ek do jagah halke halke kharoch lag gaye the … jise dekh meera boli …

MEERA — ye kya tumhe to choot lag gai …

maine thoda attitude dikhate hue bola …

MAI — are mardo ko aise choot to lagte hi rehte hai … mard ko dard nahi hota …

to wo bhi ek ada se muskurati hui boli …
MEERA — acchi baat hai …

itna keh kar wo ber khane lagi … yaar mera to sara attitude hi fuss ho gaya … mujhe laga ki Hindi filmo ki tarah meera apna dupatta faad kar mere haath me bandhegi … magar aisa kuch nahi hua … wo to maze se ber khane lagi …

MAI — yaar tum filme nahi dekhti … jab kisi ladke ko choot lag jati hai to ladki kis tarah apna dupatta faad ke bandh deti hai …

MEERA — aisa sochna bhi mat … bahut mahanga sute hai … aur iski matching dupatta aur nahi milega … bhool jaao …

yaar badi matlabi hoti hai ye ladkiya … kisi ki jaan jaye … per inki matching kharab na ho ….

maine socha kyu na thodi ungli ki jaye ..

MAI — yaar tum ladkiya .. ye sab bekar ki cheeje kyu khati ho … ber ,imli ,keri … kya test milta hai …

MEERA — are inka khatta meetha test .. bahut hi accha lagta hai …

MAI — accha … to pregnancy ke samay tum logo ko aisa kya ho jata hai ki ye sab khane ke liye mar jati ho …

meera mujhe ghoorte hui boli …

MEERA — kyu … tumhe ye jaan kar kya karna hai …

MAI — yaar mere ko janna hai … aur kisi se puch nahi sakta … to tum hi bata do …
MEERA — tum to aise bol rahe ho .. jaise ki mai pregnant hu …

MAI — are to kitna time lagta hai pregnant hone me …

ye bol ke mai chup ho gaya … kyuki mai samajh gaya tha ki mazak mazak me kuch zyada hi bol diya …

meera gusse se boli …

MEERA — idiot ho ek number ke … gadhe ho gadhe … bewkoof …. kabhi nahi sudhar sakte …

itna keh kar meera waha se Jane lagi … aur mai bhi uske peeche peeche use manata hua chalne laga …

meera gusse me badbadati hui chali ja rahi thi … aur mai use manane ki puri kosis kar raha tha …

dosto aaj pata chala ki roothne ,manane ka ek alag hi maza hai …
girlfriend gusse se laal chahra liye apna muh fulaye baithi ho … aur aap use tarah tarah ka lalach dekar manane ki kosis kar rahe ho … to kitna maza aata hai …
haa wo baat alag hai ki kiye gaye dhero waado me se sirf ek do hi pura kar pate hai … kyuki usse zyada hamari jeb allowed nahi karti …

theek usi tarah mai bhi meera ka gussa shant karne ke liye use rishwat dene ki kosis kar raha tha …

MAI — yaar tum bhadak kyu gai … mai to sirf mazak kar raha tha …

MEERA — itna ganda mazak bhi koi karta hai … chee ….

MAI — yaar plz shant ho jaao … dekho agar tum shant ho gai na to mai tumhe tumhari manpasanp ki chocolate dunga ….

ye sunte hi meera ruk gai .. aur boli …

MEERA — accha … sirf chocolate …

MAI — are yaar tumhe jo chahiye wo dunga … ab to khus …

meera muskurati hui boli ..

MEERA — haa bahut khus … mujhe meri manpasanp ki dress dilani hogi ..

MAI — ok … waise kitne tak ki hogi wo dress … 500 ya 600 …

meera hairani se meri or dekhti hui boli …
MEERA — dress hai … tumhari chaddhi ,baniyan nahi jo 500-600 rs. me aa jayegi …

MAI — kya baat kar rahi ho … 500-600 ki chaddhi ,baniyan .. mai to footpath se 95 rs. me dono le aata hu … 50 ki chaddhi aur 50 ki baniyan … dono ek saath lene per 5 rs. wapas kar dete hai …

MEERA — tumhare jaise kanjoosh log hi honge jo 95 rs ki chaddhi baniyan pahante honge …

MAI — yaar wo sab pahan kar kisi ke samne mujra thode hi karna hota .. ander ki baat hai kuch bhi pahan lo … haa agar mai superman hota to branded chaddhi khareedta … waise tum log kitne wala khareedte ho … footpath se leti ho ya dukan se …

ye mai kya bak raha hu … mushkil se gussa thanda kiya tha … fir se bhadka diya ….

maine darte darte uski or dekha … pura chahra gusse se tamtama gaya tha …
mai kuch bolta usse pehle wo bol padi …

MEERA — kutte ki dum ho … ek saal tak pipe me daal kar bhi rakh do .. fir bhi tedhi ki tedhi …

itna bolkar wo fir se chalne lagi … aur mai fir se uske peeche -2 maafi mangta hua chalne laga …

hum thoda aage nikle hi the ki ek Buddha bagal se gujarta hua mushkurate hue bola …

BUDDHA — ber kha rahe ho ….

mai man me … nahi sale … kela kha raha hu … jab dekh raha hai ki haath me ber hai .. fir bhi ” ber kha rahe ho ” …

tabhi meera bol padi …

MEERA — haa baba … bahut hi meethe hai …

BUDDHA — garmiyo me aana dono log … yaha ke aam bhi bahut famous hai …

MEERA — haa baba jaroor aaungi … magar is bander ke saath nahi …

MAI — haa koi khoobsurat gorilla dhoondh ke layegi apne liye …

MEERA — jo bhi hoga tumse to accha hi hoga …

hum dono isi tarah lad rahe the …
Buddha mushkurate hue bola …

BUDDHA — lagta hai pati patni ho …

MAI — patni aur ye … dimag nahi kharab hua hai mera …
MEERA — haa to mai kon sa mari ja rahi hu tumse saadi karne ko …

tabhi Buddha serious hokar bola. ..
BUDDHA — lagta hai tum dono premi premika ho … aur koi tum dono ko is tarah dekh le usse pehle chale jaao yaha se … warna anjaam accha nahi hoga ….

uski baat se hum dono shocked reh gaye …

MAI — kyu baba … aap aisa kyu bol rahe hai …

Buddha gusse se bola …
BUDDHA — jitna kaha hai utna karo … bhaag jaao yaha se … warna kisi gaav wale ko tumhari bhanak bhi lagi to anjaam theek nahi hoga …

MEERA — kyu baba … aisa kya kiya hai hamne … kya pyar karna gunaah hai …

BUDDHA — is gaav me paap hai … tum log yaha ke nahi ho isliye sirf saza di jayegi … agar yaha ke hote to kaat diye jate …

buddhe ki baate sunkar meera bahut dar gayi thi … usne kas ke mera haath pakad liya aur boli …

MEERA — plz nikhil .. chalo yaha se … mujhe bahut dar lag raha hai …

per mai aise kaise ja sakta tha … ye hi janna chahta tha mai ki aisi kon si baat hai jisse ye gaav wale pyar shabdh se nafrat karte hai … aur ye baat mujhe sirf ye Buddha hi bata sakta tha …

meera baar baar mujhe waha se chalne ko bol rahi thi … dar uski aankho me saaf zhalak raha tha …

maine uske chahre ko apne dono haatho me thaam liya aur bola …

MAI — daro mat … mai saath hu na … kuch nahi hone dunga tumhe …

ye sunte hi meera shant ho gai … aur mai uska haath pakad kar us buddhe ke peeche chal pada …

MAI — ruko baba … mujhe janna hai ki aakhir aisi kya baat hai jisse ye gaav wale pyar se itna nafrat karte hai ….

Buddha ruka aur palta … aankhe gusse se laal ho chuki thi …
BUDDHA —- bhaag ja yaha se … mai kuch nahi bolunga …

MAI — nahi … mai kahi Jane wala nahi … chahe to aap pura gaav ikattha kar lo … fir wo log chahe to hamari jaan hi le le … per mai wo baat Jane bina nahi Jane wala ….

Buddha meri najdeek aake meri aankho me aankhe daal ke bola …

BUDDHA — bahut ziddi hai tu … per kya sun payega wo hadsa … jo aaj se 30 saal pehle is gaav me ghata tha … kayamat ki raat thi wo … dil dehla dene wala manzar tha wo … rooh tak kanp jaye aisa bhayanak nazara tha wo … kya sun payega tu …

MAI — haa baba … mujhe sunna hai …

BABA — theek hai … chal mere saath …

ye keh kar baba aage aage aur hum peeche -2 usi bageeche ke aur ander Jane lage …

kuch dur Jane ke baad hame ek jhopda dikha … jo usi baba ka tha … hum ander gaye … waha sirf ek hi charpai thi aur kuch bartan the … zahir hi baat thi wo Buddha waha akela hi rehta tha …

mai aur meera usi charpai me baith gaye … meera itni dari hui thi ki bilkul mujhse chipak kar baith gai … baba hamare samne zameen per baith gaya …

kuch der tak waha khamoshi chaai rahi … fir Buddha bolna suru kiya …

kasam se dosto baat sunkar hamari to rooh hi kanp gayi …

mai aur meera charpai me baithe ek tuk baba ko dekhe ja rahe the .. per baba chup chap sar zhukaye baitha tha …

MAI — kya hua baba … bataiye na ..

BABA — soch raha hu ki kaha se suru karu … 30 saal purani baat hai … kehne ko to us ghatna ko hue ek lamba arsa ho gaya … per jab bhi wo wakya yaad aata hai to dil dehal jata hai …
pehle hamara ye gaav aisa nahi tha .. har taraf sirf pyar hi pyar tha … bahut khusi aur sukoon se rehte the hum … lekin pata nahi kiski nazar lagi hamare gaav ko ki yaha ke log pyar shabdh se nafrat karne lage ….

MAI — baba … paheliya mat bujhao … saaf saaf batao ki aisa kya hua tha 30 saal pehle …

baba aage bolna suru karta hai ….

BABA — is gaav ke utter disha me ek jungle hai … jaha se jungle suru hota hai theek usi se lagkar 2 ghar hai … jo aaj sirf khandar hai ….
lekin 30 saal pehle waha 2 pariwar raha karte the … RAM PRASAD aur DEVI LAAL …. dono gehre dost the … un dono ka pariwar pure gaav me sabse bada tha dono ke pariwar me lagbhag 15-16 sadasya the … bade pariwar ke saath saath unka pariwar kafi sampanna tha …

pura gaav un dono ki bahut izzat karta tha … kyuki un dono ne sab kuch apni mehnat ke bal per banaya tha …
unki mehnat pure gaav le liye ek aadarsh thi … are is gaav ka guroor the wo dono …
kehne ko to ram prasad aur devi laal dost the .. per rehte hamesha bhai jaise the … dono ke pariwaro me koi bhed nahi tha … sab mil kar rehte … subah shaam sirf ek hi chulha jalta tha .. jisme dono pariwaro ki bahuye mil kar khana banati thi ..
unka aapas me itna pyar itna apna pan dekhkar pura gaav jhoomta tha …

per kehte hai na samay ek sa nahi rehta … jaha khusi hai waha dukh bhi hote hai …. kaal ki Ku dristi in per aisi padi ki wo hasta khelta dono pariwar tahas nahas ho gaya …
ye kaal aur koi nahi unke ghar ke hi do log the … ram prasad ka beta KISHOR aur devi laal ki beti DIVYA ….
dono ek saath padhe .. ek saath bade hue … har kaam saath me karte the … ab kisko pata tha ki unka is tarah saath rehna unke dilo me ek dusre ke liye pyar jaga dega ….
pura pariwar unke is riste se bekhabar tha .. aur wo dono apni us nayi duniya me aage badhte chale gaye …

fir ek din divya ka rista paas ke gaav ke zameen daar ke bete se tay ho gai … dono pariwar ke saath saath pura gaav khus tha … siway KISHOR aur DIVYA ke … kyuki wo dono to kabhi ek dusre se alag rehne ka soch bhi nahi sakte the …

isi ke chalte ek din dono ghar se bhaag gaye .. aur apne peeche chhod gaye pure pariwar ki tabahi ….

jab ram prasad aur devi laal ko pata chala ki unke baccho ne kitna bada paap kiya hai to wo dono ye bardast nahi kar sake … kyuki jo izzat .. jo samman unhone itni mehnat se kamai thi … sab ek hi pal me bikhar gaya tha …. isse pehle ki gaav wale unhe taane mare ,unhe zaleel kare … un dono ne maut ko gale laga liya ….

wo raat kayamat ki raat thi … jab dono ne zahar kha ke apni jaan de di … un dono ke marne ka sadma pariwar walo se saha na gaya … aur un logo ne bhi apni jaan de di ….
maut ka tandaw mach gaya tha dono gharo me … kuch ne fansi laga li .. to kuch ne chaku se apna gala kaat liya … aur kuch kuwe me kud kar apni jaan di …

pure ghar me khoon aur laase thi … jab tak ye khabar gaav bhar me faili tab tak bahut der ho chuki thi … koi nahi bacha tha un dono pariwaro me se …
wo bhayanak manzar jisne bhi dekha uski rooh tak kanp gai ….
us raat pura gaav roya tha …
kisi pariwar ka itna dardnaak ant shayad hi kisi ne socha hoga ….
aur iski wajah the sirf kishor aur divya … jinhone sirf apne swarth ke liye pure pariwar ko bali de di ….

kehte kehte baba chup ho gaye …. kuch der tak kamre me khamoshi chaai rahi … meera dar ke mare bilkul mujhse chipak gai thi ….
maine baba se bola …

MAI — baba … to fir kishor aur divya ka kya hua … kya kabhi wo laut kar aaye the ….

ye sunte hi baba ne gusse se meri or dekha … unki aankhe laal ho chuki thi … aisi aankhe dekh kar to ek pal ke liye mai bhi dar gaya ….
baba gurrate hue bola …

BABA — maar dala unhe bhi … zinda jala diya dono ko … usi ghar me … pure gaav ne milkar … jinhone aisa ghinona kaam kiya ho unhe jeene ka koi haq nahi tha ….
dono sahar me chipe the … gaav ke ek aadmi ne unhe dekh liya … fir kya tha utha laye dono ko yaha … aur zinda jala diya ….
tab se aaj tak is gaav ke logo ke dil me pyar shabdh se nafrat hai … aur kisi pariwar ke saath aisa na ho isliye yaha aise niyam banaye gaye …

ab tum dono jaao yaha se …. isse pehle ki gaav walo ko tum dono ki bhanak bhi lage … chale jaao ….

maine meera ki or dekha … uski aanshuo se bheegi dard bhari aankho me sirf waha se chalne ki guhaar thi …
ab mai bhi waha aur rukna sahi nahi samjha … kyuki jo sach mujhe pata chala usse mai pura hill chuka tha ….

mai khada hua aur meera ka haath pakad kar jhopde se bahar aa gaya … aur seedha ghar ki or chalne laga ….

sari sacchai pata chalne ke baad mera to dimag hi ghoom gaya tha …

kuch samajh me nahi aa raha tha ki kya react karu … kise dosh du …

ek baar lagta ki galti kishor aur divya ki thi … jinhone apne swarth ke liye pure pariwar ka ant kar diya …

fir lagta ki galti unke pitao ki thi … agar wo aatmhatya nahi karte to halat aisi nahi hoti …

lekin wo dono bhi kya karte … unke baccho ne aisa kaam hi kiya tha ki unke paas aur koi vikalp nahi tha …

ek taraf mere dimag me yuddha chal raha tha .. aur dusri tarah mai chup chap meera ka haath pakad kar chale ja raha tha …

hum kuch hi dur gaye the ki meri kaano me meera ki sisakne ki halki si aawaj aayi …

mai uski or dekh to paya ki wo ro rahi hai … mai khada ho gaya aur bola …

MAI — kya hua … ro kyu rahi ho …

per usne koi jawab nahi diya … bas aanshu bhare aankho se meri or dekhti rahi …
maine fir se pucha …

MAI — kya hua … kuch bologi bhi ..

mera itna bolna tha ki meera kas ke mere gale lag gai … aur betahasa rone lagi …

kasam se dosto aaj pehli baar mujhe dar lag raha tha … wo bhi sirf meera ko lekar … wo jis tarah mujhse lipat kar ro rahi thi … aisa lag raha tha jise ki use bahut takleef ho rahi ho …

mere dil ki dhadkan badh gai thi … ro wo rahi thi per dard mujhe ho raha tha … na Jane aisa kyu ho raha tha ..

maine bhi meera ko apni baaho me kas liya … aur bola …

MAI — chup ho jaao yaar .. kyu ro rahi ho … plz kuch to bolo …

meera sisakte hue boli …

MEERA — mujhe bahut dar lag raha hai …
MAI — kyu dar rahi ho … mai hu na .. tumhe kuch nahi hone dunga … mare rehte hue koi tumhe chu bhi nahi sakta …
MEERA — kyu laaye mujhe yaha … tumhare saath ye soch ke nikli thi ki kuch der dono akele time bitayenge … per tum …. bahut gande ho … aur kitna sataoge mujhe …

maine dheere se meera ko apne se alag kiya .. aur uske aanshu ponchte hue bola …

MAI — sorry … maaf kar do … mai yaha kisi kaam se aaya tha … mujhe nahi pata tha ki tum itna dar jaaogi …

MEERA — kaam … kaisa kaam …

fir maine saadi ki raat ko us ladki se hui sari baat meera ko bata di ….
sab sunne ke baad meera kuch normal hui aur boli …

MEERA — oh .. to ye baat hai .. tum ANU se ye baat kar rahe the … mai to Sochi ki tum mujhe jalane ke liye usse baat kar rahe the …

MAI — accha to uska naam Anu hai .. mujhe to pata hi nahi tha … waise ek baar socha tha ki tumhe jalau … per ho nahi paya …

MEERA — oye … khabardar … jo aur kisi ladki se baat bhi ki to … muh noch lungi tumhara …

MAI — accha … khud karo to kuch nahi .. mai karu to muh noch lungi …

MEERA — maine kya kiya …

MAI — kyu … veer ko bhool gai kya … baate to aise kar rahi thi ki jaise bichde hue premi ho …

ye sunte hi meera khilkhila kar hans padi ….

MEERA — duffer ho sach me … hum kya baat kar rahe the pata hai tumhe … aur maine uski tareef isliye ki thi ki wo sach me ek accha insaan hai … iska matlab ye nahi mai usse pyar karne lagi thi …

meera ne apni dono baahe mere gale me dalte hue boli ..

MEERA — jab dil kisi idiot per aa gaya ho … to fir koi genius kya cheej hai …

bilkul khula proposal de rahi thi … magar itni zaldi haa kar du .. mai wo cheej nahi …

maine uski baahe apne gale se hataya … aur bola …
MAI — ye sab baate hum baad me karenge … pehle ye batao ki koi plan hai tumhare paas Anu aur mohit ko ek karne ka …

MEERA — wo sab mai nahi sochti … haa per itna jaroor janti hu ki tumhare paas koi na koi plan jaroor hai …

MAI — haa hai ek plan … dekhte hai kaam karta hai ya nahi …

MEERA — kya plan hai batao na …

MAI — abhi nahi … per zald hi pata chal jayega … bas sahi mauka mil jaaye …

MEERA — jo karna zaldi karna … aaj ka hi din hai tumhare paas … kal hame wapas bhi Jana hai …

MAI — haa pata hai …. aaj shaam ko hi kuch karta hu …

tabhi mera phone ring hone laga … bhabhi ki call thi …. 1 baj gaya tha … khana khane bula rahi thi …

call cut karke mai aur meera ghar ke liya chal pade ….

kuch hi der me hum ghar pahuche …
ghar me kafi shanti thi … shayad thakawat ka asar tha … kafi log so rahe the … mai bhabhi ko dhoondne laga …

tabhi ek room se bhabhi ki aawaj aayi …

BHABHI — idhar aa jaao tum dono …

hum usi room me chale gaye … room me sirf bhabhi hi thi …

BHABHI — kaha gaye the dono …

MEERA — bhabhi hum bas aise hi gaav ghoomne gaye the …

bhabhi mushkura kar mere se boli. ..

BHABHI — waah .. kya baat hai nikku … apni hone wali biwi ko gaav ghuma rahe ho … kabhi hamare saath to kahi nahi jata …

MAI — are nahi bhabhi … mai to akela hi ja raha tha … faltu me ye gale pad gai …

MEERA — accha to mai gale pad gai …

MAI — aur nahi to kya … mai bola tha saath chalne ko …

tabhi bhabhi hame rokte hue boli …
BHABHI — ab fir se zhagda mat suru kar dena tum dono … baitho chup chap mai khana lagati hu dono ke liye …

itna keh kar bhabhi bahar Jane lagi .. ki meera boli …

MEERA — chaliye bhabhi .. mai bhi chalti hu …

BHABHI — koi jarurat nahi … chup chap baitho … kal se kuch nahi khaya … khana kha ke aaram karo …

itna bolke bhabhi chali gai … aur mai hairani se meera ko dekhne laga …

MEERA — kya hua .. aise kya dekh rahe ho ..
MAI — yaar … kal se bina kuch khaye .. kaise reh leti ho …

MEERA — sab tumhari wajah se hua hai …
MAI — kya … meri wajah se … per maine kya kiya …

MEERA — kal raat ko tumne ek baar bhi khane ko pucha … khud to chabar chabar karke thoose ja rahe the … jabki mai to tumhare paas hi khadi thi … lekin nahi … bas thoosne ko mil jaye .. duniya gai tel lene …

MAI — yaar … sab to bol hi rahe the khane ko … isliye mai nahi bola …
MEERA — mai yaha sabke liye nahi aayi hu … sirf tumhare liye aayi hu … jab tum hi meri taraf nahi dekhoge … to mai kaise kha leti …

MAI — ajeeb ho yaar … sach me

MEERA — mai to aisi hi hu … ab jab khana aa hi raha hai to meri ek sharth tumhe manni padegi …

MAI — kaisi sharth …
MEERA — pehla niwala .. tum hi khilaoge … warna mai nahi khaungi …

ab sala ye ek nahi musibat … bhabhi ke samne kaise …

MAI — oye … pagal ho kya … D.D.L.J. dekh ke aayi ho … pehla niwala tumhare haath se khaungi … bhabhi ke samne mai kuch nahi karne wala …

MEERA — mai kuch nahi janti … tum mujhe khilaoge to bas khilaoge … warna tum to jante hi ho ki mai kitni ziddi hu …

mai man hi man sochne laga ki yaar ab kya karu … bhabhi ke samne kaise khilau … agar nahi khilata to ye sach me nahi khayegi … jo ab mujhe bilkul accha nahi lagega …

mai soch hi raha tha ki bhabhi aa gai … haatho me do thali liye … ek mujhe diya aur ek meera ko ….

BHABHI — chalo ab zaldi se khana kha lo …

mai haath me thali liye soch raha tha ki kya karu .. tabhi ek idea aaya …

MAI — bhabhi .. pani le aao …

bhabhi uth kar bahar chali gai … aur isi mauke ka fayda utha kar maine zaldi se ek niwala meera ke muh ke samne kar diya …

MAI — lo .. ab zaldi se thoos lo …

MEERA — ye kon sa tareeka hai apni hone wali biwi ko khana khilane ka .. Zara pyar se khilao na …

MAI — are yaar bhabhi aa gai to gadbad ho jayega … kha lo na zaldi se ..

MEERA — tum itna darte kyu ho … hamari saadi tay ho chuki hai … bhabhi kuch nahi bolegi …

MAI — yaar tum nahi manti bhabhi ko … mere pure khandaan me pata chal jayega ki maine tumhe apne haath se khana khilaya hai … fir pura ghar milke meri taang khichega …

MEERA — to fir zaldi se pyar se khilao na …
MAI — lo meri maa … kha lo …
MEERA — maa nahi biwi …

Marta kya na karta …bolna hi pada …
MAI — lo meri biwi ji … khana kha lo … ab to khus …

meera mushkurate hue …
MEERA — haa bahut khus …

fir usne apna muh khola aur mere haath ka niwala apne muh me bhar liya …
lekin khate waqt meri ungli me zor se kaat liya …
mai cheek pada …

theek usi waqt bhabhi bhi pani leke waha aa gai ..
BHABHI — are kya hua …

ab mai kya bolu … ek baar bhabhi ko dekh raha tha to ek baar meera ko … jo sir neeche karke hans rahi thi …

MAI — kuch nahi bhabhi … khana itna accha bana hai ki khane ke saath apni ungli bhi kaat li …

ye sun kar bhabhi hans padi …
BHABHI — sambhal ke kha … aise bhi koi khata hai bhala …

maine ek nazar meera pe mari jo abhi bhi hans rahi thi ….
maine man me socha … chalo baal baal bach gaya …

fir mai khana khane me magan ho gaya … sach kahu dosto … meera ko khilane ke baad usi haath se khane ka test kuch zyada hi badh gaya tha … jis ungli ko usne kanta tha wo ungli jab mere hoontho ko chuti to pure jism me ek sihran si daud jati …

khate khate … maine bhabhi se pucha …
MAI — bhabhi … is gaav me koi mandir nahi hai kya .. jaha shaam ko aarti hoti ho …

BHABHI — haa hai na … yahi paas me hi hai … radha krishna ka mandir hai .. per tu kyu puch raha hai …

MAI — soch raha hu … ek baar ho aau …

ye sun kar bhabhi hairan reh gai …
BHABHI — teri tabiyat to theek hai na … tu aur mandir jayega … wo bhi aarti ke waqt …

MAI — kyu nahi ja sakta kya …

BHABHI — jo bhagwaan ke naam se itna chidhta hai. .. wo mandir Jane ki baat kar raha hai … badi ajeeb baat hai …

MEERA — mere saath rehte rehte sudhar raha hai bhabhi …

BHABHI — papa ji sahi keh rahe the … ise sirf tum hi sudhaar sakti ho …

MAI — aisa kuch bhi nahi hai … aap bas ye batao ki aarti hoti kitne baje hai …

BHABHI — 6 baje shaam ko ….

mai man me socha … mujhe jo karna hai wo 6 baje se pehle hi karna hai …

hum khana kha chuke the … bhabhi aur meera bartan leke bahar chali gai … aur mai bed pe let gaya … aur apne plan ke bare me sochne laga ..

aarti 6 baje honi thi … aur ghadi me 4 baj rahe the …

ye hi sahi mauka tha mere plan ko anjaam dene ka …

mai bed se utha aur dheere se bahar nikalne gala … mujhe laga ghar me sabhi log thakawat ki wajah se so rahe honge …

per mai galat tha … mai abhi main gate tak pahucha hi tha ki tabhi kisi ne mere kandhe me haath rakkha …

mai samajh gaya ki ye bhabhi hi ho sakti hai … kyuki dopahar ko sone ko aadat unhe nahi hai … chahe kitna bhi thaki ho ….

mai palta to meri sari bhavishya wani galat sabit hui … kyuki samne meera khadi thi …
wo mushkurate hue boli …

MEERA — kaha chal diye Mr. mujhe akela chhod kar ..

MAI — yaar tum soi nahi abhi tak … bhabhi ne aaram karne ko bola tha na .. raat se jagi ho … jaao Jake aaram karo … mujhe thoda kaam hai … thodi der me wapas aa jaunga …

MEERA — mai bhi chalungi …

MAI — bilkul nahi … mai jaha ja raha hi waha tumhe nahi le ja sakta …

MEERA — kyu … yaha mandir me ladkiya allow nahi hai kya …

mai man me sochne laga ki yaar ise kaise pata chala ki mai mandir ja raha hu …

mai apni soch me hi tha ki meera fir boli …

MEERA — kya soch rahe ho … yahi na ki ye baat mujhe kaise pata chali …

MAI — haa ..

MEERA — are … abhi khana khate waqt tum hi to mandir ke bare me bhabhi se puch rahe the … fir bhabhi ne bola ki tum kabhi mandir to jate nahi … tabhi mujhe saq hua … ki kuch to baat hai .. jaroor kuch gadbad karne ja rahe ho …

MAI — yaar .. mai koi gadbad karne nahi ja raha … bas ek kosis karna hai gaav walo ko samjhane ki …

MEERA — fir to mai jaroor chalungi … agar gaav wale tum per bhadak jaaye … to koi to akal mand hona chahiye unhe samjhane ke liye …

time zyada nahi tha … isliye majburi me meera ko saath Lena hi pada …

hum dono chup chap ghar se nikal gaye …. thodi hi dur Jane ke baad hame mandir dikhai pada ….

hum mandir me chale gaye … radha ,Krishna ka mandir tha … zyada bada nahi tha … per theek thaak tha ….

5 baj chuke the … per abhi mandir me koi nahi tha … bilkul sahi samay tha …

mai mandir ko acchi tarah se dekh raha tha … aur meera mujhe ….

MEERA — waise … tum karne kya wale ho …

MAI — radha ko Krishna se alag ….

ye sunkar to meera ka muh khula ka khula reh gaya … wo hairat se mujhe dekhe ja rahi thi …

MAI — kya hua … aisa kya dekh rahi ho …

MEERA — dekh rahi hu … ki tum kitne bade bewkoof ho … apne pairo me khud hi kulhadi maar rahe ho … aisa karne se gaav wale tumhe chhod denge kya …

MAI — isme galat kya hai … gaav walo ko unhi ki bhasa me samjha raha hu …

MEERA — radha , Krishna ko alag karke … maar dalenge tumhe …

MAI — aise kaise maar dalenge … is gaav ki to parampara hai na … premiyo ko saza dene ki … to fir wo log radha Krishna ko ek saath kaise rakh sakte hai … ye dono bhi to premi premika hai …

meri ye baat sun kar meera chup ho gai …

MAI — dekho meera … ek ye hi rasta hai … gaav walo ko samjhane ka .. aur mujhe ye karna hi hai …

MEERA — manti hu tum jo soch rahe ho wo bilkul sahi hai … lekin agar gaav wale nahi samjhe to …

MAI — ab chahe kuch bhi ho … kosis to karni hi padegi na …

MEERA — lekin tum hi kyu … aur koi bhi to ye kar sakta hai …

MAI — dekho .. kisi na kisi ko to karna hi hai … ab kya farak padta hai .. wo mai hou ya koi aur ….

MEERA — farak padta hai … bhoolo mat ki tum akele nahi ho … kai aur jaane bhi tumhare saath Judi hui hai … nahi jee sakti mai tumhare bina … are meri nahi to kam se kam apni maa aur dadi ka to khayal karo … kya wo seh payegi ….

maine koi jawab nahi diya … aur seedha radha Krishna ki murti ke paas chala gaya …. aur bola …

MAI — maine faisla kar liya hai meera … ye kaam mai hi karunga … aage jo hoga dekha jayega ….

ye keh kar mai Krishna ki murti ko dekhte hue bola …

MAI — sorry yaar … gaav walo ko samjhane ke liye … kuch der ke liye tumhari gf ko tumse alag kar raha hu … gussa mat hona ok … aur ho sake to thoda sambhal Lena … kyuki ye jo pagal ladki peeche khadi hai na .. bahut pyar karti hai mere se…. waise bhi sab kuch to pata hi hoga tumhe … to plz . don’t mind haa …

itna keh kar maine radha ki murti ko utha liya … aur usi mandir me Krishna se thodi dur ek kone me rakh diya ….

ab kya hoga aage … pitunga ya gaav wale samajh jayenge … next me dekhte hai .

maine radha ko Krishna se alag kar diya … bina anjam ki parwaah kiye ….
ye bhi nahi socha ki is waqt meera mere saath hai …

mai meera ka haath pakad kar mandir se bahar chala gaya … aur paas ke ped ke peeche khada hokar gaav walo ke aane ka wait karne laga …

meera bilkul chup chap mere saath khadi thi … uske chahre me na koi dar tha aur na hi koi excitement … kisi gehri soch me dubi hui lag rahi thi …

maine us per zyada dhyan nahi diya .. aur sabke aane ka wait karne laga …

abhi 6 bajne me kuch hi der bache the ki tabhi pujari aur kuch log aate hue dikhe … wo log seedha mandir ke ander chale gaye …

per mai abhi bhi wahi ruka raha … mujhe intejar tha kuch aur logo ke aane ka .. log zyada honge to sahi rahega … warna 4-5 aadmiyo ko samjhane se kya fayda … wo bhi itna risk leke ….

dekhte hi dekhte mandir me kafi log ikattha ho gaye ….

ye hi sahi mauka tha sabke samne Jane ka …. lekin meera … uska kya karu …

MAI — meera. .. tum ghar jaao …

wo kuch na boli … bas mere ko dekhti rahi … mai fir bola ….

MAI —- dekho meera … yaha kuch bhi ho sakta hai … ho sakta hai ki ye log samajh jaaye … ya ho sakta hai ki na samjhe … mai chahta hu ki tum yaha na raho .. mere saath kuch bhi ho mujhe koi afsos nahi .. per in logo ne tumhare saath bhi kuch kiya … to mai bardast nahi kar paunga … tum jaao … mai zald hi wapas aaunga .. aur haa bhabhi ko is bare me kuch bhi mat batana … ok ..

mai itni sari baat meera ko bol gaya … per wo kuch na boli … bas ek tuk mujhe dekhti rahi ….

mujhe laga ki wo chali jayegi … isliye mai use wahi chhod kar mandir me aa gaya …
badi hi garma garmi thi waha … sab gusse se bookhalaye hue the …

EK GAAV WALA — kisne kiya hoga ye paap …

PANDIT — jisne bhi kiya hoga use narak me bhi jagah nahi milegi …

unki baat sunkar mai bola …

MAI — kya hua pandit ji ..

sabhi meri taraf dekhne lage …

PANDIT — tum to DAYAL BABU (bhabhi ke pita ji ) ke mehmaan ho na …

MAI — haa … mai aise hi ghoom raha tha to ye mandir dikhai pada … isliye chala aaya …

AADMI — dekho beta … kisi ne kitna ghoor anarth kar diya … radha ji ko shyam ji se alag kar diya …

MAI — haa to isme bura kya hai … theek hi to kiya hai …

meri baat sunkar sab hairan reh gaye …

PANDIT — ye tum kaisi baate kar rahe ho beta … radha ji ke bina shyam adhure hai … unke bagair shyam ji ki puja ho hi nahi sakti ….

MAI — kyu … radha unki patni to nahi thi … to fir shyam unke bina adhure kaise hue …

PANDIT — radha unki premika thi … unhone radha ko apni patni se bhi uncha sthan diya tha …

MAI — per aisa kyu kiya tha unhone …

EK AADMI — kyuki prem ka sthan is sansar me sabse bada hai …

uski baat sunkar sabhi log sehmati jatane lage …

MAI — bahut hi badi baat keh di aapne … prem ka sthan sansar me sabse uncha hai … magar ye baat waha acchi lagti hai jaha pyar ki kadar ho … waha nahi jaha pyar ke naam per ek dusre ka khoon bahaya jata hai …

meri baat sunkar sabhi sann reh gaye …
fir ek aadmi bola …

AADMI — tum kehna kya chahte ho …

MAI — ye hi ki aap sab log to pyar ke khilaf hai … fir itni badi badi baate kyu …

AADMI — to tum insaano ki barabari bhagwaan se kar rahe ho …

MAI — nahi … mai insaan ki barabari bhagwaan se nahi kar raha hu … mai to us ghatiya soch ke bare me bol raha hu jo aap sabhi logo ke aur is gaav ke sabhi logo ke dimag me bhari hui hai ….

AADMI — shayad tumne kisi pariwar ko ek saath marte hue nahi dekha … tabhi aisi baate kar rahe ho …. pyar karna koi paap nahi ye hum bhi jante hai … magar usi pyar ko pane ke liye apne pure pariwar ki bali dena … ye kaha ka nyay hai …..

tabhi ek aadmi aur bola ….

AADMI — hum shyam ji ki puja kyu karte hai pata hai … pyar unhone bhi kiya … magar apne dayre me reh kar … chahte to wo bhi radha se saadi kar sakte the … unke liye ye koi badi baat nahi thi … magar unhone aisa kiya nahi … bete hone ka dharam unhone sabse pehle nibhaya … apne mata pita ki iccha anusaar unki pasand ki ladki se unka vivah hua …. pyar ka matlab sirf pana hi nahi hota …. jo dusro ki khusi ke liye apna sab kuch luta de … wo hota pyar … isiliye hum inki puja karte hai ….

dosto meri to bolti hi band kar di in logo ne … mujhe to pata hi nahi tha ki sadharan sa dikhne wale ye gaav ke log … itni badi badi baate bhi jante honge …

kaha mai inko samjhane gaya tha … ulta in logo ne mujhe hi samjha diya … mere paas ab kuch nahi bacha tha bolne ko …. kya bolta …

sar zhukaye chup chap khada ho gaya …

gaav walo ne meri bolti band kar di …
kya kahu kuch samajh me nahi aa raha tha …

mujhe laga tha inhe samjhana aasan hoga … per ye itna bhi aasan nahi tha …

mai sar zhukaye chup chap khada hokar unki baate sunne laga …

ki tabhi peeche se meera ki aawaj aayi …

MEERA — sahi keh rahe hai aap sab … shyam ji ne sabse pehle apne bete hone ka dharam nibhaya … apne pyar radha ji ko chhod kar rukmani ji se vivah kiya …
per ek baat bataiye … kya wo khus the …

meera ki baat sunkar sabhi chup ho gaye … mai to apna muh khole use dekhta hi raha …. kyuki maine to use Jane ko bola tha … lekin wo nahi gai … aur mere saath itne logo ke khilaf khadi ho gai …

kuch der khamosh rehne ke baad pandit bola …

PANDIT — bilkul khus the … tabhi to vivah ke baad unhone kabhi radha ko nahi apnaya …

uski baat sun kar ek aadmi bola …
AADMI — aur nahi to kya … are ye sab vidhi ka vidhan tha … Krishna ,bhagwaan Vishnu ji ke avtar the … aur rukmani ,mata lakshmi ji ki … unka vivah to hona hi tha … ye to pehle se hi tay tha …

MEERA — fir bhi unhone radha ji se prem kiya … ye jante hue ki unka vivah sambhaw nahi hai … kyuki prem per kisi ka bas nahi chalta … jab bhagwaan nahi bach sake to hum insaan cheej hi kya hai ….
haa mai manti hu ki rukmani ji se vivah ke baad unhone kabhi bhi radha ki taraf nahi dekha … lekin sacchai to ye hai ki radha ki yaad me wo har waqt tadapte rehte the … rote the ….
rukmani ji ko unhone sirf patni hone ka darza diya tha … magar radha ko unhone apna aadha ang hi bana liya tha … jabki wo to gaav ki ek sadharan ki kanya thi …
ab pyar ki shakti ko khud samjhiye pandit ji … jisne ek mamuli si ladki ko devi bana diya …
shyam ,radha ke bina adhure hai … na ki rukmani ke bina ….

mera to man kar raha tha ki abhi jor se seeti baja du … per abhi aisa karna sahi nahi tha ….

meera ki baat sunkar sabki bolti band ho gai thi ….
fir se kuch der ki khamoshi ke baad ek aadmi bola …

AADMI — chalo maan lete hai ki prem sansar me sabse bada hai … lekin kya us prem ko pane ke liye pure pariwar ko tahas nahas kar dena sahi hai … jis mata pita ne janam diya .. kya unka unke baccho per koi adhikar nahi hai …

MEERA — bilkul adhikar hai … mai to kehti hu ki baccho ko apna pura jeewan hi unki Sewa me nikal dena chahiye … per kya mata pita ka itna kartavya nahi hota ki wo apne baccho ki iccha jaane .. ki unhe kya pasand hai kya nahi …

AADMI — matlab maa baap apni marzi ka apne baccho ke liye kuch na kare …

MEERA — zabardasti ki di hui cheej tanasahi kehlati hai … pyar nahi ….

AADMI — matlab aaj se 30 saal pehle jo hua … usme galti sirf mata pita ki thi .. baccho ki nahi …

MEERA — usme galti dono ki thi …. ek to baccho ko is tarah ghar se bhagna nahi chahiye tha … jab pyar kiya tha to use sabke samne kubulne ki himmat bhi honi chahiye thi … aur dusra unke maa baap ko saadi tay karne se pehle ek baar apne bacche se jaroor puchna chahiye tha .. ki wo tumhe pasand hai ki nahi …. agar dono me se ek bhi us waqt hua hota to aisi dard naak ghatna na ghat ti …

meera ki baat se fir me waha ek dum khamoshi cha gai …. sabhi sochne per majboor ho gaye the …

aur mai bhi … ki aakhir meera cheej kya hai ….

meera ne hi is chuppi ko toda ….

MEERA — jis tarah Pancho ungli baradar nahi hoti … usi tarah har insaan barabar nahi hota … apne dilo se pyar ke khilaf is nafrat ko nikaliye … aur pyar ko apnaiye … agar aap aisa kar lete hai … tabhi aap radha ji ki murti shyam ji ke saath rakh sakte hai … warna aap ka koi haq nahi …

itna keh kar meera mere paas aayi aur mera haath pakad kar mandir se bahar le gai ….

mandir me mahan bhasan dene ke baad meera mera haath pakad kar bahar le aai …. aur ghar ki taraf chalne lagi ….

mai to bas muh faade meera ko hi dekhe ja raha tha .. aur soch raha tha … sach me yaar kya gajab item hai ye … pata nahi aur kitne roop hai iske … bilkul sahi time pe aake … bilkul sahi tareeke se samjhaya un logo ko … per maine to ise Jane ko bola tha … fir gai kyu nahi ….

MAI — tum mandir me kyu aayi …. maine tumhe ghar Jane ko bola tha na …

per meera ne koi jawab nahi diya … aur na hi meri or dekhi … bas mera haath chhod kar chalne lagi ….

mai fir bola …

MAI — kya hua … bol kyu nahi rahi ho … tum ghar kyu nahi gai …

lekin tab bhi meera kuch na boli … bas chalti rahi ….

maine uska haath pakad kar roka … aur use apni or ghumaya. … aur gusse se bola …

MAI — sunai nahi de raha hai kya … mai tumse baat kar raha hu … tum mandir me kyu gai …. agar gaav wale bhadak jate to pata hai kya hota … jaan se maar dete tumhe …

meri baat sunkar meera bhi gusse se boli …

MEERA — mai maru ya jeeu … tumhe koi farak padta hai … nahi na … aur kabhi padega bhi nahi … isliye ab faltu ki baate mat karo aur ghar chalo …

meera ke muh se aisi baate sun kar mai hairan reh gaya … aur sochne laga ki ab aachanak ise kya ho gaya …

MAI — ye kaisi baate kar rahi ho tum … farak kyu nahi padta …

MEERA — accha … agar farak padta hai .. to tum meri baat mante … mai mana kiya tha ye sab mat karo … agar tumhe kuch ho jata to mera kya hota … kaise jeeti mai … are meri nahi to kam se kam apne pariwar ki chinta to karte …. lekin nahi … zidd pakad ke baithe the .. ye kaam to mai hi karunga ….

MAI (man me )– accha … to ye baat hai … isliye madem ka mood itna ukhda hua hai ….

MAI — sorry yaar … galti ho gai … ab kabhi nahi karunga aisa …

MEERA —- nahi … ab bahut ho gaya …. bahut seh liya maine … ab nahi sehna … tum sudhroge to ho nahi … aur waise bhi tum to mujhe pasand karte nahi ho …. aur mujhe bhi roj roj ki ye tension nahi chahiye … isliye ab maine faisla kiya hai ki mai tumhare raste se hat jaungi … tumhe jaise jeena hai .. waise jeeo … mai tumhare saath nahi reh paungi ….

ye sunkar to mere pairo ke neeche se zameen hi khisak gai … maine to socha bhi nahi tha ki meri us baat se meera is kadar naraz ho jayegi … ki wo mujhe hi chhod de …

MAI — aisi baat mat karo meera … wo sab to maine aise hi keh diya tha …

MEERA — nahi nikhil … bahut seh liya maine … ab nahi seh paungi …. hamari baat yahi khatam ho jaye to hi accha hai … ab se tum apne raste aur mai apne raste ….

itna keh kar wo chali gai …. aur mai khada sochta hi reh gaya … ki yaar ye kya ho gaya …. jab socha tha ki use apne dil ki baat bataunga … use propose karunga … use apna banaunga … tabhi ye sab hona tha …

yehi sab sochte hue mai bhi ghar ki taraf chal diya .

meera mujhse naraz hokar chali gai … aur mai bas use jate hue dekhta hi raha ….

aisa lag raha tha ki jaise mere jism ka koi hissa mujhse juda ho raha hai … aur mai chah kar bhi nahi rok pa raha ….

ajeeb parishtithi thi …. abhi kuch waqt pehle jo ladki mujhse pana chahti thi … ab usi ko mai pane ke liye machla raha tha … pehle mai dur Jana chahta tha … ab wo dur ja rahi hai ….

khair ye hi sab sochte hue mai bhi ghar pahuc gaya ….

seedha room me gaya aur bed pe late gaya …. aur sochne laga …
sala ye sab mere saath hi kyu hota hai … jab kisi ko pana chahta hu … to wo mujhse dur kyu chala jata hai … pehle wo photo wali ladki … jo aaj tak mujhe nahi mili … ab ye meera … jo ab mujhse dur Jana chahti hai ….

aise mauke pe bhojpuri film ka ek dialogue yaad aata hai …
” ZINDAGI ZHAND BA …. FIR BHI GHAMAND BA ”

kahe ka ghamand .. ye nahi pata …

khair mai bistar me leta ye sab sochte -2 kab neend ki aagosh me chala gaya … pata hi nahi chala …

lekin mai zyada der tak na so saka … kyuki thodi der me bhabhi aake mujhe jagane lagi …

BHABHI — uth ja nikku … khana kha le .. fir so ja aaram se ….

mai apni aankhe malta hua uth baitha aur bola …

MAI — khana lag gaya kya … time kya hua hai …

BHABHI — 9 baj rahe hai …

MAI — itni zaldi …

BHABHI — are sab thake hue hai … isliye zaldi kha ke so jayenge … waise bhi hame kal subah subah nikalna bhi hai ….

MAI — theek hai chalo …

fir mai bhabhi ke saath bahar aa gaya … roj ki tarah ghar ke samne wale aangan me sab khana khane baithe the …

mai bhi ek kona pakad kar baith gaya … meera bhi wahi thi … khana parosh rahi thi …

mai uski or dekh kar ek acchi si smile di … per usne koi response nahi diya …

mai chup chap khane laga …

khana khane ke baad mai ghar ke peeche wale aangan me gaya jaha pehle ki tarah sab mardo ke sone ki jagah thi ….

ek khatiya pakad kar mai bhi let gaya …

per sala neend kise aani thi …. reh reh kar dimag me bas meera ki wahi baat yaad aa rahi thi …. ” ab hamare raste alag hai ” ….

ab bhala aisi baate yaad aaye to neend kise aati hai …

kafi der tak mai karwate hi badalta raha per neend nahi aayi ….

ant me maine ek pratigya li …

jab tak meera ko wapas apni life me na le aau … khana kya pani ki ek boond bhi nahi piyunga ….

lekin ye kuch zyada hi ho jayega … pyar ke chakkar me apni fat jayegi … choti kasam khata hu …

chahe kuch bhi ho jaye .. kuch bhi karna pade … meera ko mana ke hi rahunga ..

ye theek hai … time zyada bhi lag jaye to bhi kuch nahi hoga …..

kasam khane ke baad mai fir se let gaya … aur ab kasam se dosto … badi hi mast neend aayi …..

kasam khane ke baad mere ko badi mast neend aayi … itni ki jab aankh khuli to pata chala ki 7 baj chuke hai …

mere aas paas koi nahi tha … matlab mai akela hi so raha tha …

khair mai zaldi se utha aur samne wale aangan ki taraf gaya …. to sare wali mil gaye …

mai bhabhi ko dhundne laga … to wo room me packing karti mili. .. saath me meera bhi thi …
mai bhi unke paas Jake baith gaya …

BHABHI — uth gaya … chal Jake zaldi se fresh ho ja … 9 baje ki bus bhi pakadni hai ….

MAI — din nikal gaya hai … ab kaha jaau fresh hone … haath muh dho leta hu … fresh ghar jakar ho jaunga …

BHABHI — nahi abhi ja … warna bus me kahi pressure ban gaya to problem ho jayegi … fir teri gandi gandi hawa hame nahi sunghni …

MAI — are to sungh Lena na … bas 2-3 ghante ki hi to baat hai …

BHABHI — chee …. utni der me to hamari jaan hi nikal jayegi … nahi tu abhi ja. .. kisi zhaad ke peeche baith Jana …

ab bhala mai kya karta … kaam aisa tha ki kisi se bol bhi nahi sakta ki mere saath chalo company ke liye …

khair mai chal pada zhadiyo ki or ….

aadhe ghante baad mai fresh ho kar haath muh dho kar ghar aaya … aur seedhe room me chala gaya … bhabhi waha nahi thi … meera thi …

mujhe dekhte hu uth kar bahar chali gai ….
lagta hai abhi bhi naraz hai … warna aisa mauka bhala wo kaha chhodti ….

mai bed per baith gaya … thodi der me meera chai ,nashta lekar aayi … aur mere paas bed me rakh kar Jane lagi … to maine uska haath pakad liya … aur bola …

MAI — abhi bhi naraz ho kya …

MEERA — mera haath chhodo ….

MAI — sorry yaar … bas ek baar maaf kar do …

MEERA — mai kon hoti hu maaf karne wali … ab mera tumhara koi sambandh nahi …

MAI — aisa mat bolo yaar. … mai tumhe pasand karne laga hu …

MEERA — ab bahut der ho chuki hai … mai apna faisla nahi badlungi …

ye sunte hi maine uska haath chhod diya … aur bola …

MAI — accha … agal maine tumhara faisla badalne pe majboor kar diya to …

meera mujhe ghoor kar boli …

MEERA — is janam me ye possible nahi hai …

MAI — challenge de rahi ho …. tum to acchi tarah se janti ho mai kabhi nahi haarta … tumhari naa ko haa me na badal diya to mera naam nikhil nahi …

MEERA — to koi naya naam soch lo … kyuki tum bhi acchi tarah se jante ho ki aaj tak tum mujhse kabhi nahi jeet paye ….

MAI — wo baat alag thi … ye baat alag hai … isme mai jeet kar hi rahunga ….

meera best of luck bol ke chali gai … aur mai sochne laga ki challenge to accept kar liya … per sala karu kya … aaj tak kisi ladki ko patana to dur … dhang se kisi se baat bhi nahi ki …. koi experience nahi hai mere paas ….

per mujhe kaha pata tha ki pyar me kabhi experience kaam nahi aata … bas ek saccha dil hi kafi hai …

khair mai ye hi sab sochte -2 nashta kiya …. fir hum ghar se nikal pade bus stand ki or …. wo bhi tractor me……

9 baje bus bhi aa gai … aur hum baith kar chal pade apne ghar …. yani ki sahar

11.30 baje hum apne sahar pahuche ….
bus stand me utar kar meera apne ghar ki taraf chali gai … aur hum apne ghar ki taraf … raste bhar usne ek baar bhi meri taraf nahi dekha …

per haa jate waqt usne ek baar palat ke jaroor dekha … ab kya kare bechari … pyar jo hu uska … bhale hi wo gussa ho .. per ye baat mai bhi jaan gaya hu ki uska ye gussa sirf upari hai … ander se wo abhi bhi mujhe utna hi pyar karti hai ….

maine bhi mauke ko haath se Jane nahi diya … usne jaise hi palat ka mujhe dekha … mai ek flying kiss de dali … wo gusse me pair patakti hui waha se chali gai ….

fir hum bhi waha se ghar ki or chal pade …

kareeb 12 baje hum ghar pahuc gaye .. ghar me dadi ,maa aur dada ji hi the … papa aur bhaiya duty gaye the …

maine door bell bajai … thodi der baad dada ji ne darwaja khola … aur hame dekhte hi bole ..

DADU — aa gaye tum log …

MAI — nahi … abhi raste me hu … thoda time lagega …

bhabhi meri peeth me halka sa mukka marti hui boli …

BHABHI — pagal … har waqt ulti seedhi baat karta rehta hai …

fir wo dadu se boli …

BHABHI — haa dada ji … hum aa gaye …

fir hum ander Jake sofe per baith gaye … maa aur dadi kitchen me thi .. hamari aawaj sunke wo dono bhi hall me aa gai aur sofe per baith kar bhabhi se saadi ki baate karne lagi …

ab aap sab in ladies ki halat to jante hi hai … gaav pahuche se lekar … aaj waha se nikalne tak ki sari information unhe chahiye … including khana pina ….

10 min. baad hi inki baato se mera sir dard karne laga … to mai uth kar apne room me Jane laga ki tabhi peeche se mera Buddha bola …

DADU — are kaha ja raha hai …

MAI — narak ja raha hu … saath chalna hai kya … badi mast jagah hai … 2 aadmiyo ki jagah khali hai …

meri baat sunkar maa daant te hue boli …

MAA — nikku … ye kya badtamiji hai .. aise baat karte hai kya …

tabhi dadu bol pade …

DADU —- bahu … ye dada – pote ki aapas ki baat hai … tum beech me mat pado … mujhe pata hai nikku ye jo bhi kehta hai .. aise hi keh deta hai … lekin din se wo hum sabse bahut pyar karta hai … kyu karta hai na …

MAI — mai kisi se koi pyar wyar nahi karta …

itna keh kar mai jaise hi aage badha .. to dadu fir bole …

DADU — accha … to tu un ladko ko kuch nahi bolega .. jinhone kal shaam mujhe dhakka maar ke gira diya tha …

kasam se dosto .. ye sunkar mai to sulag hi utha … dimag hi khisak gai …

mai hall me idhar udhar kuch dhundne laga … chahra gusse se laal ho gaya tha …. aankho me khoon utar aaya tha …

mujhe pagalo ki tarah dhundte dekh dadi boli …

DADI — kya dhoondh raha hai beta …

mai kuch na bola .. bas dhoondhta raha … kuch der baad mujhe wo cheej mil gai …

wo ek mota sa danda tha … maine use uthaya … aur dada ji ke paas Jake bola …

MAI — chalo mere saath … salo ko aaj zinda nahi chhodunga … bas ek baar dikha do … kon the wo … kutto ki himmat kaise hui mere dadu ko chune ki …

DADI — are beta sun to …

MAI — abhi mujhe kuch nahi sunna … pehle un kameeno ko upar pahuchaunga ….

mera gussa aur baate sunkar sabhi hans pade ….

MAI — has kyu rahe sab … pagal ho gaye kya ….

DADU — abhi to tu keh raha tha ki tu hamse pyar wyar nahi karta … ab kya hua …

DADI — are beta … tere dadu sabko proof de rahe the .. ki sabse kitna pyar karta hai … kal aisa kuch nahi hua tha ….

mai ghoor kar dadu ki taraf dekha … wo abhi bhi hasne me lage the …

ab mujhe samajh me aaya ki dadu abhi tak mazak kar rahe the …

meri pol patti khul chuki thi …

maine dande ko side me rakkha aur bus itna hi bola …

MAI — kya dadu … aap bhi na …

itna bol ke mai apne room me bhaag gaya ….

mai bed me leta hua … dadu ki harkat ke bare me soch raha tha ki aakhir unke paas itna dimag kaha se aa gaya …

mai to janta tha ki jo log army me hote hai wo dimag se kam aur haath ,laat se zyada sochte hai …
baat baat me lad Jana unki hobby hoti hai … bas ek hi dialogue unhe aata hai … VANDE MATRAM … JAI HIND ….

iske alawa wo log kuch nahi jante … per dadu to kamal hai … meri hi dho dali …

dhone se yaad aaya …. mere ko to meera per focus karni hai … ab use kisi bhi halat me patana hi hai …

per kaise …. tabhi mujhe mere dono humdard ki yaad aayi … mere sukh dukh ke saathi … mere param mitra … RAHUL AUR AMAR ….

pata nahi sale kaha honge … in 3-4 dino me ek baar bhi unse baat nahi hui …

maine apna mobile nikala aur rahul ko call kiya … do ring ke baad hi usne call uthaya …

RAHUL — haa bhai bol … enjoy kar raha hai na saadi me …

MAI — Abe … saadi kab ka nipat gai … aur mai wapas bhi aa gaya … tu kaha hai …

RAHUL — mai to ghar me hi hu … hamara plan nahi ban paya … bahar Jane ka …

MAI — to sale … tu tab se yahi hai … aur ek baar bhi phone nahi kiya ..

RAHUL — yaar tu waha saadi me busy hoga … yahi soch kar call nahi kiya … accha wo chhod .. ye bata saadi kaisi rahi … enjoy kiya. .

MAI — Abe sari enjoyment pichwade ghus gai … saadi to badhiya gai … per meri band baj gai …

RAHUL — kya hua yaar … kuch bawal to nahi kar diya …

MAI — wo mai mil kar bataunga … ek kaam kar aaj shaam mujhe theke me mil … aur amar ko bhi saath le aana …

RAHUL — to aaj tu pilayega …

MAI — sale chaddhi chor … kabhi to kharcha kar liya kar …

RAHUL — bhai .. aaj mere paas ek rupaye bhi nahi hai …

MAI — sale hote kab hai tere paas … hamesha meri hi Marta rehta hai …

RAHUL — bhai aaj ka jugad kar le … baad me pakka mai pilaunga …

MAI — pata nahi wo din kab aayega … chal theek hai shaam ko mil .. dekhte hu koi jugad ban gaya to pila dunga …

itna keh kar maine call cut kar di … aur sochne laga ki paiso ka jugad kaha se karu …

tabhi maa ki aawaj aayi …

MAA — nikku … zaldi se Naha le … khana ban gaya hai …

bhook to kas ke lagi thi … to mai bhi farafat kapde utar ke bathroom me ghus gaya … aur ragad ragad ke nahane laga …

aaj se pehle mai kabhi itna ragad ke nahi nahaya … per aaj pata nahi kyu … khud ko saaf suthra rakhne ka man kar raha tha … man me bas ye hi khayal aate ki jab meera ko gale lagaunga to use mere body se badbu nahi aani chahiye …

jab mai accha tarah se janta tha ki meera abhi mujhse koso dur hai … lekin fir bhi wo ahsaas hote hi haath khud ba khud body me ragadna suru kar deta ….

khair Naha dho kar mai hall me gaya … khana lag chuka tha … mai bhi chair per baith gaya ….

maa ne mujhe khana parosa aur mai chup chap khane laga …
mai khate waqt sirf meera ke bare me hi soch raha tha … yaha tak ki mai kya kha raha hu … is per bhi mera koi dhyan nahi tha ….

tabhi dadu bole …

DADU — ab kya karne wala hai tu …

dosto us waqt mere dimag me sirf meera hi ghoom rahi thi … to aap samajh hi gaye honge ki mera jawab kya ho sakta tha ….

MAI — kuch nahi … ab manana to padega hi …

DADU — kya ….. kise manayega tu …

tab mujhe hosh aaya ki maine kya bol diya …

MAI — are maine padhunga bola …

DADU — per mujhe to manaunga sunai pada …

MAI — buddhe ho gaye ho … kaano se bhi kam sunai padne laga … machine lagwa lo …

DADU — oye .. mere ko Buddha nahi bolna … abhi bhi apne baal kale kar lu .. to tera bada bhai lagunga …

MAI — lo dadi … sambhalo apne buddhe ko .. is umar me apni seenge katwa kar bachdo me shamil hona chahte hai … abhi bhi waqt hai sambhalo … warna is umar me aapki sautan aayegi to kya accha lagega aapko ….

dadi gusse se aankh dikhati hui dadu se boli …

DADI — chee … sharam nahi aati tumhe … is umar me aisi bate karte hue … paav kabar me latka hai … fir bhi jawani chadhi hai ….

dadu to bilkul bheegi billi ban gaye the …

DADU — per maine aisa kab bola …

MAI — lo … abhi abhi to bola … indirect hi sahi ..

DADU — oye kameene chup ho ja … ab is umar me mera takal karwayega kya …

MAI (dheere se )— mere se panga loge to aisa hi hoga … us waqt badi hansi aa rahi thi na … ab hanso ….

DADU — dekh lunga tujhe ….

tabhi dadi fir boli …

DADI — usse kya baat kar rahe ho … mujhse baat karo … waqt rehte sudhar jaao .. warna mai acche accho ko sudhaar sakti hu … do min. me jawani ka bhoot utaar dungi …

MAI — bilkul dadi … warna mai duniya ko kya muh dukhaunga … kya kahunga … meri sauteli dadi aayi hai … matlab maa ki sauteli saas … matlab papa ki sauteli maa … nahi nahi mai ye sab seh nahi paunga ….

DADU — chup ho ja mere baap … kyu meri zindagi me aag laga raha hai …

udhar bhabhi aur maa ka to has has ke bura haal ho raha tha …
idhar maine dadu se ek sauda kiya …

MAI (dheere se)—- theek hai chup ho jaunga … per 500 rs. chahiye …

DADU — Abe 1000 dunga … bas chup ho ja ….

ab mere ko kya chahiye … dadu ki band bhi baja di aur paiso ka jugad bhi ho gaya …. to maine dadi se bola …

MAI — theek hai dadi … ek mauka de do dadu ko … fir se ye aisi baate nahi karenge …

dadu bhi meri haa me haa milate hue bole …

DADU — haa … ab kabhi aisi baate nahi karunga … maaf kar do …

DADI — theek hai … nikku keh raha hai tabhi maaf kar rahi hu … warna …

khair ab dada dadi ka matter bhi solve ho gaya … fir hum sabne khana khaya … aur apne apne room me chale gaye ..

shaam ke 6 baj chuke the .. yani ki apne dosto milne ka time ho chuka tha ..

maine rahul ko call karke amar ke ghar ke bahar aane ko bola .. aur zaldi se ready ho kar hall me gaya …

mai dosto se milne ko itna utawla tha ki ye bhi bhool gaya ki ghar me is waqt ek yamdoot maujood hai … jo har waqt apna bhala mere pichwade chubhone ko taiyar rehte hai …

sahi pehchana .. mere pita ji …

mai ready hokar jaise hi hall me pahucha ki tabhi unki kadakti hui aawaj mere kaano per padi …

PAPA — kaha ja raha hai … aise ban than kar …

mai man me gurrate hue bola ..
MAI (man me )— tumhari bahu ko patane ja raha hu … saath chalna hai kya …

mujhe kuch na bolta dekh papa fir chillaye …

PAPA — oye nalayak .. mai tujhse puch raha hu … kaha ja raha hai is waqt …

MAI — dosto ke paas …

PAPA — ye kon sa time hai unse milne ka … saaf saaf kyu nahi bolta ..ki aawara gardi karne ja raha hai …

MAI — abhi to sirf 6 hi baje hai … kon sa raat ke 11 baj gaye hai … aur aapse kisne kaha ki mai aawara gardi karne ja raha hu …

PAPA — tere jaise ladke shaam ko bahar kyu jate hai mai accha tarah janta hu ..

MAI (man me )— matlab khud bhi jate honge .. apne time per … tabhi to itna confident hai …

MAI — aisa kuch nahi hai … college ke bare me baat karne ja raha hu ….

tabhi maa waha aa gai … aur papa ko daant te hue boli …

MAA — kaise baap ho … beta itne din baad ghar aaya … uska haal chaal na puch kar .. lage use dhamkane …

PAPA — are mai to sirf puch raha tha ki kaha ja raha hai …

MAA — haa to bola na usne ki dosto ke paas ja raha hai college ka pata karne … kab se suru ho rahe hai … tumhe to bas bahana chahiye use daantne ka ….

fir maa meri taraf dekh kar boli …

MAA — jaa beta … mil aa unse … per zaldi ghar aa Jana … der mat karna ..

MAI — ok maa … thanks ..

ye bolkar mai ghar se bike lekar nikal gaya … aur seedha amar ke ghar pahucha …

dono bahar hi mil gaye ….

AMAR — aur bhai … saadi kaisi rahi … rahul bol raha tha ki koi lafda ho gaya …

RAHUL — haa yaar .. tune baat suspense me kyu chhod di thi … kya hua saadi me …

MAI — Abe … sari baat yahi sunni hai kya … adde per nahi chalna hai kya …

AMAR — Abe chanla kyu nahi hai … na Jane kitne dino se gala sukh raha tha … aaj fate tak piunga …

MAI — haa to chal na … aaj beer pite hai …

RAHUL — yaar usme zyada kharcha hoga … ek cane ke 130 rs. yani ki 390 rs. … fir snacks ,cigarettes … total kharcha 500 maan le … usse accha apna desi maar lete hai … sala 200 me ho jayega ….

MAI —- chup kar sale bhikhari … sala jaisa aadmi .. waisi uski soch … hamesha gareebo wali hi baat karega … kuch bada socha kar …

AMAR — dekho bol kon raha hai … hum gareebo ka mukhiya …

MAI — oye … gareeb mat bolna … aaj mere paas pure 1000 rs. hai … salo kabhi dekhe hai 1000 ka note …

RAHUL — Abe kaha se churaya sale …

MAI — kutte .. teri tarah chor nahi hu … mere paas dimag hai jo rajdhani express ki tarah chalta …

AMAR — to aaj kise murga banaya …

MAI — wahi jo ghar me khud ko sabse bada toop samajhta hai …

RAHUL — dadu …. aaj tune unka sikar kar diya …

MAI — koi saq …

AMAR — to chal na bhai … gala sukha ja raha hai …

MAI — haa to chal na … utni der se to tum dono hi bakwas kar rahe ho …

fir hum nikal gaye … aur kuch hi der me beer shop pahuc gaye …

maine 3 beer li … aur kuch snacks liye .. fir apni bikes ke paas aake pine lage ….

tabhi rahul bola …

RAHUL — haa bhai … ab bol kya baat hai …

AMAR — haa yaar … aisa kya kand kar aaya ….

abhi mai kuch bolta usse pehle … hamare peeche se zhagadne ki aawaj aane lagi ….

humne palat kar dekha …
teen ladke khade the … aur do ladkiya … ek ladka aaram se bike me baitha beer pi raha tha … jabki aur do ladke … jinke beer ke cane neeche gire hue the … apna haath jode dono ladkiyo ke samne khade unse maafi maang rahe the ….

per ladkiya maaf karne ke bilkul mood me nahi thi …

wo log humse thodi dur hi the … unki aawaj saaf sunai to nahi de rahi thi … per itna jaroor samajh me aa gaya tha … ki wo dono ladkiya .. un dono ladko ki gf hai … jinhone aaj un dono ko beer pite range haatho pakda tha … aur wo ladke unse maafi maang rahe the …
lekin teesra jo maze se beer pi raha tha … wo unki halat per has raha tha …

fir wo dono ladkiya … un dono ladko ka haath pakad kar waha se le gai ….

dosto ye log aur koi nahi meri hi story MASOOM ke aman ,aur unse friends the …. yaad aaya …

mere muh se meera ka naam sunte hi dono aise chook pade jaise mai meera nahi sunny Leone ka naam liya ho ..

dono aankhe fade mujhe ghoor rahe the …. to mai bola ..

MAI — kya hua … aise kya ghoor rahe ho …

AMAR — lagta hai mere kaan kharab ho gaye hai … mujhe meera naam sunai diya …

RAHUL — haa yaar … meera to mujhe bhi sunai diya …

MAI — salo tumhare kaan nahi kharab hue … maine usi ka naam liya hai … mai sach me meera se pyar karta hu …

meri baat sunkar dono kuch der khamosh rahe … fir thahake maar kar hasne lage ….

AMAR — yaar mazak bahut accha kar leta hai tu … has has ke mera to pet hi dard karne laga …

MAI — sale pagal hai kya … mai koi mazak nahi kar raha hu ..

RAHUL — abe pagal hum nahi tu ho gaya hai … tabhi to ulta seedha bak raha hai … lagta hai tujhe beer chadh gai hai …

MAI — oye .. dimag kharab mat kar … mujhe koi chadhi wadhi nahi hai .. mai meera se hi pyar karta hu …

AMAR — lekin mere bhai … ye durghatna hui kaise … tu aur meera … ye hum dono to kya pura college yakeen nahi karega …

RAHUL — aur nahi to kya … jis ladki se tera 36 ka aakda hai .. tu usse pyar kaise kar sakta hai … kahi aisa to nahi ki teri saadi meera se fix hui .. is liye ghar walo ke dabaw me aakar ye sab bol raha hai …

MAI — nahi yaar … aisa kuch nahi hai … darasal wo khud mujhe pyar karti hai … wo bhi aaj se nahi 3 saalo se …

AMAR — accha … wo tujhse pyar karti hai .. to fir har waqt teri band kyu bajati thi ..

MAI — taki mai chah kar bhi use kabhi bhool na saku …

RAHUL — yaar kuch samajh me nahi aa raha hai ki tu kehna kya chahta hai … puri baat bata …

MAI — yaar mai aur bhabhi jab saadi me gaye tha .. to waha meera bhi thi … bhabhi ne use waha bulaya tha .. taki hum dono ek dusre ko samajh sake …

fir maine ek ek karke wo sari baat bata di .. jo meera ke saath ghati thi …

puri baat sunne ke baad dono ke chahre me ek santusti ke bhaw the ..

RAHUL — to ye baat hai … meera tujhse hamesha se pyar karti aa rahi hai .. per tu kabhi samajh hi nahi paya …

AMAR — gadha hai tu … sale ek number ka ullu hai … itni acchi ladki tere peeche padi thi .. aur tu use apna dusman bana baitha tha …

MAI — ab mai kya karta … wo kaam hi aisa karti thi …

RAHUL — to ab kya problem hai … tum dono ek dusre se pyar karte ho … aur ghar wale to pehle se hi tum dono ki saadi fix kar chuke hai .. rasta clear hai ..

MAI — nahi yaar … main problem to ab suru hui hai …

AMAR — kya …

MAI — jab wo mere kareeb aana chahti thi … tab mai usse dur bhagta tha … ab jab mai uske kareeb Jana chahta hu .. tab wo mujhe dur chali gai … kehti hai ki bahut der ho chuki … ab wo mere se pyar nahi karti ….

meri baat sunkar amar raste pe kuch dhundne laga …
RAHUL — kya dhund raha hai be …

per wo kuch na bola … tabhi usne ek bada sa patthar utha liya … aur bola …

AMAR — haram khor … kutte … mai tera sar food dunga … itni acchi ladki ko haath se Jane diya … wo bhi sirf apne attitude ki wajah se … sale aaj tera sara attitude bahar nikal dunga ….

rahul ne amar ko pakadte hue bola ..

RAHUL — abe kya kar raha hai … phek ise … pagal ho gaya kya … ye dost hai apna ….

AMAR — tabhi to ruka hua hu … warna kab ka de marta ….

MAI — sorry yaar galti ho gai …

AMAR — abe tere sorry bol dene se … wo wapas aa jayegi kya …

MAI — pata hai mujhe … nahi aayegi … lekin milkar kosis to kar hi sakte hai na …

RAHUL — kya matlab …

MAI — bhai … tu to janta hai ki ladki patane ka mujhe koi experience nahi hai … kya karu kuch samajh me nahi aa raha hai …. ab tum dono ke hi bharose hu … koi plan banao … jisse meera mujhe mil jaye ….

amar ne pattha side me phekte hue bola …

AMAR — ab aayi na akal thikane pe … tension mat le … aisa plan banaunga ki meera khud ba khud teri baaho me hogi ….

ye sunkar mai khus ho gaya …

MAI — bhai agar aisa ho gaya na .. to tu jitni daru kahega … mai pilaunga …

AMAR — oye … daru nahi chalegi …. aaj se daru band … mujhe bhi ek meera jaisi ladki chahiye …

MAI — ab aisi ladki kaha se dhundhu …

AMAR — wo mujhe nahi pata … chahiye to bas chahiye …

MAI — theek hai mere baap … jo tu kahega wo dunga … lekin pehle mera to kuch kar …

AMAR — tension mat le … kal se hi mission meera suru ….

dekhte hai ye dost log kya karte hai … sach me meera pat ti hai … ya aur band bajti hai …
aage dekhte hai …

loading...

Leave a Reply